ابوي ياعزي وانا لاجيت عزي له

عساك تبطي حي ياشايب(ن) لـي
............................. يا [بـوي] ياللي مايساويك رجـال

سلام عليكم ورحمه الله وبركاته

قصيدة معبرة فيهآ أسمى عبآرآت الحب و البر لـ / الأب

سلّم على اللي عطاني شي مايعطى

................ الشايب اللي رهنت العمر له كلّه

هو تاج راسي وهو ساسي ونبراسي

................ وهو بعد ظل الله اللي ظلني ظلّه

من غيره اللي يقدمني على نفسه

................ ويرفع خمالي ويدمح عنّي الزلّه

سلّم عليه اربعه مليون تسليمه

................ وقلّه يا هوجاس قلبي بعدها قلّه

يلعنّي الله وتلعنّي ملائكته

................ ان كان عمري ما سقته كلّه ارضا لّه

اكبرها نطحة عدوٍ يبغي الضدّه

................ واصغرها لو انفعه في صبّة الدلّه

نذرٍ علي ماافتخر فيها ولا اجامل

................ ابوي عزّي وانا لا جيت عزّله

ما هي بكلمة ضعيفٍ ما يثمنها

................ والهرج كلٍ يبيه ان جاء على حلّه

انا لبوي اثقل من طويق وجباله

................ واسرع من البرق لا من جاء لزوم لّه

بالله وشني بعد حيٍ على شانه

................ ان مانفعته خساره اطلع ابن لّه

انا معه فأوّل الدنيا وتاليها

................ وماني بناسي كلامه لا حشا لله

حتى لو اروح وامشي لاخر الدنيا

................ انا على اللي عليه ودربي ادلّه

ما ني بخاوي من الشلاّت ضايعها

................ انا على العود ماني من هل الشلّه

اللي تبيع الشرف والدين والشيمه

................ وتخلّي العقل فيه اربع مية خلّه

انا على عز ابوي وما بنى جدّي

................ والطيب والمرجله صارت لي جبلّه

الطيب آرافقه لو تبعد دياره

................ والفرصه اللي تجيبه تبري العلّه

واللاش ماارافقه لو هو ولد عمّي

................ماهو بكفو لّي وماني بكفو لّه

وان ابتلاني عدوٍ رافعٍ خشمه

................ بسل سيفي وليش السيف ما سلّه

دامه عدوٍ بلاني ويش اسوي به

................ مثل اختي ان كانها تدخلني الذلّه

بابيع نفسي لو ان الموت قدامي

................والموت واحد وانا ديني على الملّه

وان ابتلاني ضعيفٍ ماعلي منّه

................ مادام يجهل دقاق الهرج من جلّه

وانتم يا حساد قولوا ماتقولونه

................ اللي بقلبه غليلٍ يبطي بغلّه

سلّم على اللي عطاني شي ما يعطى

................ الشايب اللي رهنت العمر له كلّه

سلّم عليه اربعه مليون تسليمه

................ وقلّه يا هوجاس قلبي بعدها قلّه

في ذمتي ماعلي من صكّة الدنيا

................ مادام حيٍ لي ومادمت حيٍ له

لـ شاعر : فهد المكودر

................http://www.alsary.net/uploads/0049ae56b3.gif

سلام..

ياسلام يافيفي اختيار رائع
سلمت أناملك
لاخلا ولاعدم

صح لسانج على هالتحفه
ابيات اكثر من رائعه
والله يخليلج احبابج
دمتي وسلمتي
...تحياتي

صح لسان المكودر ...

وصح بنانك ... فهده ...

يسلمووووووووو ... على الاختيار ...

تحيتي ...

صح لساان قايلها وكاتبها وناقلها

تسلميين حبيبتي على القصيده الرووعه

صــــــــــــــــــــــــ ـح لسانك

شـكــ وبارك الله فيك ـــرا لك ... لك مني أجمل تحية .

صح لسااان قاايلها..
روووعه..يسلمووو

تحيااااتي

روووووووووعه
يسلمووو قلبي

مشكورين ع المرور

حياكم