يا احمد بن سلطان مايلحقك لوم الا بلا تلحقك كل الملامه قصيده من كلماتي عبدالله النامي

السلام عليكم ورحمة الله وبركاته
جمهور الهلال جمهور الملايين لولا الله ثم لولاكم ماصار الهلال ولا كان ولا اصبح مثل باقي الانديه الي تشتري الجماهير وتلمع مدرجاته الفارغه حناء الجمهور لازم تصير لنا كلمه وراي بغض النضر عن اختلاف اراء اعضاء الشرف وبعيد عن النزاعات الداخليه وفرض الاراء على حساب الكيان الهلالي .. ادارة عبدالرحمن بن مساعد اداره ضعيفه وتسلم الخيط والمخيط لاعضاء الشرف وكانهم محللين فنيين لتقييم المدربيين .. اداره فاشله بماء تعنيه كلمة فشل واعضاء الشرف يحاولون اسقاط سامي عشان يسقط عبدالرحمن بن مساعد من هرم الرئاسه ويتراسون من بعده .. لاكني اتمنى انه يتخذ القرار المناسب بالاجماع وليس بالانقسام صح ان سامي اول سنه تدريب .. ومع ان اكثر المدربيين العالميين وهم متمرسيين التدريب الاغلبيه انهم اول سنه مايحققون بطولات .. ولاكن بعد مايولف ويصنع فريق يولف مجموعه تفهم عليه ويفهم عليهم يبدا حصد البطولات لاكني اشوف اعضاء الشرف يحاولون يكسرون ويخربون كل شيء بناه سامي ويشهد علي الله الكلام هذا ماقلته من عاطفه كمى يدعي المتربصون على الجماهير وماقلت الكلام هذا الا اني داري ان ابو عبدالله عنده القدره انه يثبت اقدامه كمدرب عالمي وينهض بالفريق الهلالي للقمه لاني واثق بقدرات الكوتش وادري ان سامي يشتغل ع المدى البعيد الطويل باخلاص .. عكس المدرب الاجنبي يجي لغرض وانجاز شخصي ويروح
ولاكن بعد تصريح احمد بن سلطان على برنامج المحلل الفقراوي الي فرح بالشر واذاع البيان وهو يتفاخر بنصراويته على حساب الكيان الهلالي باستحقار واضح اقول هذي الابيات الي اتمنى انها توفي بالغرض

ي احمد بن سلطان مايلحقك لوم * الا بلا تلحقك كل الملامه

من صدمتي اجلس ومراتن اقوم * واقول ياجمهور ايعقل كلامه

وشلون تبدي رايك بمرثع القوم * وتهدي على اخصامك دروع وسهامه

حنى معك يامير لاكن هاليوم * نبي السلامه مار مامن سلامه

وياسامي الجابر على عزك تدوم * والي بردى ينويك ننهش عضامه

ياسامي جمهورك معك دايم الدوم *يقدح ولاهمه كلام وملامه

ولو رحت والله لانوي الصوم واصوم * قبل رمضان يعلنون بصيامه

وصديق قل للعجمه اليوم معلوم * قرقر زياده خلها بالثمامه

العجمه الي وجهه اقشر من البوم * مايطلع الا باليال وضلامه