-
قصتي مع تطعيم الدموي
اغنام - ابل - دواجن - طيور
قبل شهرين تقريبا مررت احد الصيدليات البيطريه لأخذ تطعيم دموي للحلال فاعطاني الصيدلي عبوه تكفي 50 راس تقريبا وقال لي خذ حاجتك منها والباقي احفظه في الثلاجه ،،، وفعلا طعمت منها والباقي حفظته بالثلاجه وصرت كلما شريت شئ من بكره اجيب التطعيم واطعمه منه ،،،
ولما جيت الحلال قبل امس وجدت جفره عمرها 4 اشهر تقريبا كنت قد اشتريتها وطعمتها من التطعيم المحفوظ بالثلاجه وجدتها منزويه وصايره جلد على عظم بالرغم من العلف من شعير وبرسيم ناقع عندهن وتفحصتها فلقيت على فمها سعابيل وترفع رقبتها على فوق فاخذتها للبيطرى ( غير خوي اللي اخذت منه التطعيم ) ويوم شافها قال تسمم دموي قلت يا دكتور انا مطعمها دموي ،، يمكن معوي لاني ما طعمتهن عن المعوي ،،، واما الدموي فهو عندي بالثلاجه كلما شريت شئ طعمته ،، قال لي /
التطعيم اذا فتح لازم يستهلك خلال 24 ساعه والا التعقيم حقه ينتهي ويصبح عديم المفعول بسب دخول الهواء للعلبه
قلت/ اوخذنا !!!!!!!
فالحين هل كلامه صحيح ولازم اعيد تطعيم الحلال اللي طعمته بعد فتح العلبه بايام ،، بس اخاف يكون الفيروس بالمراح او مسببات العدوي وخاصة انه كان فيه جفره مريضه
فانا الحين / ارى اني اعطي الحلال سلفا ( ما لقيت الهولنديه وما لقيت الا المصريه ) لمدة خمسة ايام ثم اصبر يومين واطعمها عن الدموي فهل هذا هو التصرف الصحيح
والجفر المريضه وهذه صوره لها
[IMG]http://im65.********************************************/SwxEpU.jpg[/IMG]
[IMG]http://im65.********************************************/rRGnPM.jpg[/IMG]
اعطاني الدكتور لها مسكن وخافض للحراره ( فينيل ارثريت ) فرنسي وبنسلين اورسلين الانجليزي وقال لي اضربها 3 سانتي من كل نوع لمده 5 ايام ولكن انا صرت اضربها باليوم مرتين لمدة ثلاثة ايام واليوم الرابع والخامس ساضربها مرة واحد باليوم ،، واغسلها بالماء واروشها لاني فعلا القاها حاره.
واليوم الثالث عدى ولله الحمد والحراره خفت واشوفها بدت تاكل والسعابيل توقفت حول الفم
ووش رايكم اعطيها بعد كم يوم ( اوكسي تتريكس + علاج للرئه ) او ما يسمونه بالواليف
rwjd lu j'udl hg]l,d
