الرجاء من جميع الاعضاء الكشخة والدخول !!!
(( العبـــــــــايات المخصـــــــــره ))
لان كل البنات اللى يلبسون عبايات ( مخصره ).. ويتلثمون ..(( متخفيين )) و يسببون انواع المشاكل بين الشباب ... فتكثر المواكب ... وتشتعل حمى ( الترقيم ) .. ويصير الشاب ماشي ( مسطل ) من هول ماشاف .. لدرجة انه لولاء الحيا كان نط عالبنت وشالها على كتفه وصرخ على طريقة طرزان ( آآآآآآه ) ..وانحاش فيها عن الانظار
(( البعــــــــــــــــــاري ن ))
لان البعارين يقومون ( بعمليات انتحاريه ) ... فى الطرق البرية بين المدن ... تكون ماشي فحالك .. وتتفاجئ بـ( بعيـــــــــر ) منسدح فى الشارع .. قال يعنى يبي ياخذ ( تان ) وبعدها حادث مروع ... وهذا عمل((( انتحارى ))) ارهابي
(( شركـــــــــة الاتصـــــــــالات ))
لانهم اكثر مصدر ( يسرق ) رواتب الموظفين المساكين .. بطريقة ( غسيل الاموال وتشرها ) .. وهذا نوع من ( الابتزازالارهابي المقنع ) ... واللى يرهب اى شخص اول ماتوصلة فاتورته .. خصوصا ان كان من النوع ( الحبيب ) واللى ينام على الموبايل
((عيـــــــــال القـــــــــراوى ))
وهذولا من اخطر الارهابيين عموما ... لانهم لابد ان( يؤذوك ) فى كل زمان ومكان ... ان رحت المسجد سرقوا نعالك .. ان رحت فعزيمة قراوى وجاء طفل يسلم عليك وقلت له وش اسمك ياشاطر قام تفل عليك ..ان رحت الملعب بعد المبارة بتلاقى ( قفاك ) كله فصفص ... ان كنت ماشي بسيارتك ومريت من جنبهم ( رجموك ) بكل براعه .. ان كنت فبيتك كل شوي كورتهم طايرة عندك وازعجوك بالجرس .. ان وقفت سيارتك برا بيتك طلعت ولقيتها ( محككه ) ومكتوب عليها جمل غريبه ( ابو ناصر .... موادع ... ولد فلانه ... رايق حبيبي يانظر عينى ) .. وهذا ارهاب مستتر
(( الطقـــــــــاقـــــــــا ت ))
لانهم يرهقون ميزانية الزواج ... وهذا ارهاب على العريس واهل العروسه ... والاحصائيات تقول ان ( زبيده ) تاخذ 100 الف .. وطاهره 30 الف .. اما مارى مو من ضمن الارهابيين لانها راحت عليها ...وللمعلومية فالطقاقات صارو ينافسون جينفر لوبيز وميسي وبرتنى سبيرس فى الدخل من حفلاتهم
((الكامـــــــــري والجمـــــــــوس ))
لان اصحاب الكامريات صاروا يسببون رعب سكانى .. يفحطون وهم بسرعة 160 ... ويمشون فى مواكب تصل الى عشرين كامرى مع بعض ... واصحاب الجموس يركبون لها اصوات رعد وبرق... وتظليل .. ويكتبون ورى عبارت ارهابيه مثل ( شادوا اوف ذا ديث ) او ( ذا كيلر ).. او ( سائودى دراكولا ) .. ويمشون فى التحليه بطرق انتحارية ..وهذا ارهاب خطر
(( مطـــــــــاعم البخـــــــــاري ))
وهذولا من ضمن الارهابيين القدامى ... لانك ان رحت اكلت فمطعم بخاري فلا تستغرب ان لقيت ( قطو ) قاعد جنبك ويناظر بتمعن فى دجاجتك ..ولاتستغرب ان جاك فى صحن الرز بقايا شعر باكستانى مزيت ..ولا تستغرب ان جابو لك طبق رز نصفه ماكل منه زبون قبلك .. ولا تتعجب ان جلست فى سفره وحده مع كل زباين المطعم ..ولا تستغرب ان اعطوك بعد الاكل رقم اى اسعاف لانهم عارفين عواقب اكلهم ..وهذا ارهاب صحى يهدف لزعزعت البطون
هذا وقد صرح نائب وكيل( مؤسسة المخابرات ) ان العمل جارى على قدم وساق لكشف الارهابيين فى كل مكان ...ومن لدية معلومه فليقدمها لتحقيق(( العدالة )) فى (( الحرب العالمية ضد الارهاب ))
تحياتي لكم ..
ملااااااااااااااااااااااا اااااااحظة : -
((((( ترى النشاط اليوم عندي زايد حبتين .... أسألوا حساسة عني )))))) ..:D
الطــــــــــــــــــــــ ــــــــير (( طير الحب )) ;)
