الحر مايطمع بصيد العصافير
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=sp num="0,black""]
يامرحبا ترحيب حي البداوه=ترحيبتن بكليب من سالم الزير
ماينطح الخيال راع المراوه=والحر مايطمع بصيد العصافير
والسيل ينبع منه جم الحساوه=والوقت لابده يجي فيه تغيير
وأن صاحبك طيب من الناس خاوه=وأصدر ليا شفت النشاما مصادير
وحبل المعزه مايجي به رخاوه= وليا جهلت أنشد وتلقا التفاسير
ترى علوم الطيب فيها حلاوه=واليوم يازين الغناوهعن الغير
وليا بغيت تقاوي الحر قاوه=والطق يضعف مبهمات المسامير
وترى غشيم الناس رايه عماوه=وراع المثل قال أدهن السير ويسير
وترى ضعوف الناس مثل القطاوه=تلقا بها شراً وتلقا بها غير
والصد عن بعض المجالس علاوه=أنكان مافيها جمالاً مناحير
والسوق لويبرق نحاسه وماوه=تراه مثل اللي ورى جمة البير
مجمعن مابين جاوي وجاوه=قطم الخشوم معكفات الدناقير[/poem]
مبارك مطلق الغنامي
رد: الحر مايطمع بصيد العصافير
رد: الحر مايطمع بصيد العصافير
اقتباس:
المشاركة الأصلية كتبت بواسطة أبوعبدالرحمن
ابومطلق
صح قلبك وكلك
وسلمت اناملك
جزله ومن شاعر جزل
تحيتي لك
صح بدنك يابو عبد الرحمن
يسلم راسك طال عمرك
رد: الحر مايطمع بصيد العصافير
الشاعر ابو جساس
امتعتنا بهذه الرائعه
صح قلبك ولا هنت
رد: الحر مايطمع بصيد العصافير
ابو جساس
صح لساانك مدد على هالابيات الاكثر من رائعه
قصيده مليئه بالجزاله والحكم
لكن يااخي الفاضل القسم النبطي يتطلب الكتابه بالاسم الصريح
لذلك اتمنى منك تغيير معرفك الى اسمك حتى يتمكن الجميع من الاستمتاع بها
وهنا رابط التغيير
http://www.g111g.com/vb/t87252.html
والان اعذرني على نقلها ونتمنى ان نراها عائده قريبا باسمك
رد: الحر مايطمع بصيد العصافير