عندي مدير يدار ولا يدير - الفروقات حقنا وهدفنا
بسم الله الرحمن الرحيم
أنا حاليا صايره معاي مشكلة مع مديري والمشكلة متراكمة لها أكثر من شهر
المهم أنا بعطيكم القصة وعطوني وش السواة معاه
القصة أن نصابي أنا وثلاث معلمين 12 حصة وأوكل لإثنين منهم بالنشاط والثاني بالإذاعة
وأنا والثاني عطانا مهمة رائد فصل
المهم بدت المشكلة من بعد ماسوا تعديل على الجول الدراسي وصار جدولي من أزفت الجداول بين المعلمين ككل
وقال لي هذا مؤقت لحد ما يجينا معلم يسد العجز قلت ماهي مشكلة
بعد ماجا المعلم وإكتمل الطاقم عدل الجدول وأنا ع أساس إن جدولي بيتعدل ويصير ع الأقل عندي يوم ذهبي صار جدولي أخيس جدوووول
بحيث صرت أداوم لنهاية الدوام ماعدا يوم للحصة الخامسة
فأنا إجتمعت مع المدير وقلت له أنت وعدتني تعدل ع جدولي وقال أنت نصابك 12 حصة وصعبه أعدلك فيه والعكس أصح بالنسبة لي أسهل شي الموووت اللي نصابه 20 أو 24
المهم من هنا بدأت الشرارة
فأنا سويت له قلق كل يوم عنده علشان الجدول لحد ماإقترح علي إني أجي ع حصتي لحد مايجي الفصل الدراسي الثاني ويعدل جدولي
أنا قلت في نفسي حاجة أحسن من لا شي
المهم مشيت ع نظامه
وصار يعطيني حصص إنتظار لدرجة إني كل ماداومت عارف إن قدامي حصة إنتظار وفي يوم عطاني حصتين في نفس اليوم
المهم قلت ماهي مشكلة
لكن قبل كم يوم عدل في الجدول مع بعض الزملاء ولما جيت له وقلت أنا عندي حصة أبي أعدل مع أحد المعلمين قام يصرفني بحصص الإنتظار وأنا هنا نشبت له لحد ماقال خلاص تعالي بعدين وأنا أعدلها لك (قام يصرفني )
جيته بعدها وقال ماأقدر ومن الكلام هذا
عاد أنا إرتفع ضغطي وجاني قبل أمس الوكيل ومعاه دفتر الإنتظار وإسمي موجود عاد لما قال لي عندك حصة إنتظار كرشته
ودخلت حصتي عاد جاني إداري معاه مسألة علشان حصة الإنتظار
المهم حطيتها ع جنب
وقبل نهاية الدوام جاني المدير يسأل عن المسألة قلت أعطيك إياها ع نهاية الدوام
والحبيب عنده تقسيمة يطلع يومين بدري والوكيل نفس الحكاية
عاد مالقيته طبعا
عاد أمس جاني وعطاني دفتر الإنتظار ولقيت الإنتظار عند فصل أنا عنده حصتين ورا بعض
وقلت له بقدمها وأطلع ع الخامسة
عاد هنا أنا من جد حقدت
رد علي وقال عادي قدمها وأخذ السادسة :Grrrrrr: وش يحس فيه لما رد علي كذا
المهم أخذتهم وطلعتهم حصتين رياضة والسادسة دخلتهم ووقفت عليهم عريف وجلست في غرفة المعلمين وصار كل شوي يدخل علي الفصل لو تمر عليه ومن الكلام هذا
أنا الحين أبي وش السواة معاه يوم الأحد
عطوووني إقتراحتكم
uk]d l]dv d]hv ,gh d]dv
