كلمات ومعانيها باسعودي

--------------------------------------------------------------------------------

كلمات ومعانيها السعودية



الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله.

المنسم : كل ما مريت عليه تسمع صوت سسسسسسسسس و ذلك راجع إلى تهريب الهواء من رأسه و السبب في ذلك هو أن في رأسه ثقب .

المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...


الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له .

المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ...

المفهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه ...

الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!....

العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه......

العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري...

المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .

المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....

السربوت : هذا اللي ما يخلي مكان ما يروح و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء.

السمرمدي : وهو من نفس فصيلة السربوت.

الداشر : هذا قليل الأدب و لا يحب يماشي إلا السرابيت . و إذا قيل فلان دشر فلان أي خرب أخلاقه لكن في الأردن الشقيق كلمه دشره تعني أتركه..

الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك .

المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ...

الخكري : ببساطة الخكري = نعومة + دلع + ليونة والله لايبلانا...

اللزقه: هذا الشخص اللي على طول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهكذا...


الصديع : اي كلمه في راسه يطلعها ولا يتنبأ بأفعاله سواء كانت صح ام خطء .

الجنط : من فصيلت الدلخ0.



منقووووووول

المفهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه ...

8
8
ماعجبني الا الي فاتح فمه

خخخخخخخخخخخخخخخخخ

تسلمين
ياست امك ع النقل المفهي (فاتح فمه)
خخخخخخخ

سلام

لا زين بتعلم السعوودي من اهني >> يللا منااك يللا هع


يسلمووووووو خويتي

سلام عليكم

بعد اذنك اضيف لي كم كلمه



السـامج - اللي كلامه وسواليفه تجيب التكه


الافدغ - شخص مهما تحاول تفهمه او تقنعه بس يسعبل (صح التعبير)
المقصود يعني وانت تتكلم تلقاه يقول دااااااااااااااااااااا





الحساس - اللي امبريالي




تحياتي

خخخخخ

توووووووووووووووووووووووو وووووحفه

كل واحد احسن من الثاني

بس تعجبني شخصية الملكع

هع هوع..يسلمووووووووووووووووو ووو