بعد غياب / قصيدتي في نهائي مسابقة شاعر العرب
بسم الله الرحمن الرحيم
الليل من مسراي يلحقه مشـروه
مايربطه صدق الوفـا والاخـوه
ترسي به أسطول المحيطات وتوه
وبحلامها شعَـت قناديـل ضـوه
حبر القلم مع هجعة الليل هاتـوه
خمايل افكـاري تصافـح هـدوه
ثوب ظفى كل المخاليـق لبسـوه
يرخي اسدوله قبل ضحكة غـدوه
يسعد به اللي لادبح النجم صلـوه
لحظة دنـو ربٍ تقـدس علـوه
ناخـو مطاياهـم أبابـه وناجـوه
بافضل دعا بكنوز هـدئ النبـوه
لقو سعدهم في سكونه وعاشـوه
واروو عطشهم من هماليـل نـوه
غصن الشجر لاساح ساقيه وسقوه
يزيد عوده مع هوى الريـح قـوه
تركت طرق قبلي النـاس غنـوه
ونهجت لون يبهج النفـس جـوه
لا دار طيب العود والكيف صبوه
وراع النضا مع بسمة الصبح دوه
هاتو رسن صوغان والحبل شدوه
مادام حلمي مجـد والبيـد نـوه
متسلسلا من جد جده الـى ابـوه
من جيش شيخان الظفروالمـروه
مدرب لمصافق الريـس عـدوه
من سطرته زادت عليه الرهـوه
الى عطا وجه البسيطـه وولـوه
جاله على قطع الخرايم اجـروه
من الذهب سعره وصوغه وسموه
اخذ من الحـر النـداوي سطـوه
حراً على الربد المهاريب هـدوه
يركي على برقا الجناحين سـوه
يروم مجد باحرف النور خطـوه
تعلو سنام المجـد رفعـة سمـوه
اذا ارتفع منسوب سعـره وزادوه
يبين فرق السـوم كثـره وشـوه
ماحدت عن مبداي والعلـم ودوه
وسكرت باب يفتحـه قـول لـوه
الشاعر / عبد الله فهد الصخابرة الدوسري
