ما ابدلك بالحب محبوب ثاني
[poem=font=",6,royalblue,bold,italic" bkcolor="white" bkimage="" border="double,4,royalblue" type=1 line=0 align=center use=ex num="0,black""]
ياناس حال القلب بالحب مسموم = ماله علاج السم والعمر فاني
رحت لاطباء البلد حال محروم = محروم من طب(ن) به الله شفاني
امشي مع العربان واطيح واقوم = واسأل عن المحبوب ليته رآني
ناس(ن) تروف لحالتي حيل وتقوم = تمسك طرف يمناي نعم العواني
وناس(ن) تشوف بصورتي شر وهموم = تدعي علي الموت والله بلاني
لو صحت ف العربان ثم قلت يا قوم = من شاف لي غرو(ن) رفيع المكاني
ان جاك مقبل ترتقب دونه غيوم = ينور لك الكون الفسيح بثواني
تلقى الزهر تحته تناظر به لزوم= هيبه على طيبه على زين ثاني
تلقى الطيور اليوم من فوقه تحوم = وجه(ن)حسين وزين كله اماني
قالو لي العربان لو شفته اليوم = وش خاطرك تنطق بذيك الثواني؟
قلت الحكي يعجز يوصل لي حلوم = ويمكن اصير ابكم ويعجز لساني
لكن بقول الحق والحال مسموم = والله يصبرني على ما بلاني
بسم الذي تركع له الناس وتصوم = ما بدلك بالحب محبوب ثاني[/poem]
