الهلال - الزعيم - نادي الهلال السعودي - النادي الملكي - نادي القرن
بسم الله الرحمن الرحيم
اول شي هاردلك على المستوى والنتيجه قدر الله وماشاء فعل والجاي احلى أن شاء الله
المهم بدخل في الموضوع على طول
كما تعلمون تعادل الشباب والاهلي اليوم جت على طبق من ذهب يعني تصدر الدوري قبل انتهاء
الدور الاول من الدوري للحين في يدينا
ولاكن هل يعي لعيبة الزعيم المسؤليه ويبيضونها
يعني معليش كم مباراة الان وهم في تقاعس وعدم مبالاة وكأنهم في سبات عميق مدري
متى يصحون هل هذا مستوى الزعيم الي نعرفه هل أصبحنا لقمه سهله لفرق كانت تهاب
الزعيم في كل مقابله وتخشا ولوج اكثر من هدف في مرماها ابي اسأل جميع لعيبة الزعيم
هل تشبعتو من العب والملايين هل العقد الي توقعونه مع الفريق صار شغلكم الشاغل
هل لعيبة الفرق الأخرا افظل منكم رواتب وعقود وملاعب أكاد أجزم أن الفرق ألأخرى
لايجدون نصف ما وجتموه في الزعيم من ملعب وخدمات لا تتوفر في أي فريق سعودي
ماذا تريدون أكثر من ذالك
شبيه الريح قاعد يشتغل ليل نهار من أجل توفير كل ماتحتاجون ويريد منكم فقط عدم التخاذل
في ألمباريات وتقديم مستوى يليق بأسم الزعيم وتكونو نجوم في الملعب بحرثه طول وعرض
صحيح المدرب عنده أخطاء ولاكن أنتم من ينجح المدربين ولكم في الاجيال الي سبقتكم اكبر مثال
طبعا كلامي هذا أقصد فيه البعض من لعيبة الزعيم الي مدري وش صاير فيهم أنا ماأبي أذكر أسم
لاعب لمصلحة الفريق الي أبي أقوله يجب التكاتف مع بعضكم والقوي يشجع الضعيف
والمتحمس ينتشي المتخاذل والغير متحمس أقصد ألتخاذل يعني البرود وعدم الحماس
أرجو منكم يا نجوم الزعيم أنكم تقدرون الشعار الي لابسينه وتحسون بالمسؤليه وتفتحون
صفحه جديده وتورونا كيف ينتصر الزعيم بشكل ممتع وليس بشق ألأنفس وعلى أعصابنا
ومباراة ألاتحاد خير تحدي وتكون رجوع الزعيم لسابق عهده وتصدره لدوري
ودمتم زعماء
