بقدوم شهر الخير أهنيكم جميع.

كل عام وانتم بخير
أهنيكم بقرب حلول الشهر الكريم
المبارك جميعٍ.. عنواني شامل وانصي منفرد
بخصوصيته. اتمنى له من الله ثم منكم أقل الرضا والغبطه
وهو لتواصل معكم والتعليق منكم. والتمس العذر عن الاخطاء والتقصيررر .


والابيات كتبتها في ابن عمي اخو ابوي ويقطن مدينة تبوك مبطي عنه ولي فتره واخر مره مرني قبل تقريبٍ سنتين
جاني على موتر سيدان صغيره على قول قوم الديره مرسدس حجم 600ومرفعه ترفيعةً ارفع من ارتفاع
الجيب الشاص واستغربت ذالك. وقلت له هذا الموتر ان اسرعتبه بيطير به الهوى من علو ارتفاعه ههههههه
وقال لي اذكر عليه ربك وانت مابك غبا ديرتنا ووعارت خطوطها وذكرة الله على ذكره وقبلت التبرير والعذر المزعوم بكل استعجاب ومحبه


كل ماسبق ومايليه (مقدمه غير معنيه) للقراء والمتصفحين


المهم
حميد عازم الجبريني

اليوم طرى علي وكتبت كم بيت له استهليتها بــ ـ تهنئته
مني بقرب حلول رمضان والأبيات تعبر عن نفسها

للتواصل










[poem=font="arial,6,blue,bold,italic" bkcolor="white" bkimage="" border="none,4,gray" type=2 line=0 align=center use=ex num="0,black""]
سلام مني يبن عمي حميد =تسليم مني جاك نظمه مقيد
والله مانظمه أبك لو منت جيد =بقدوم شهر الخير اهنيك بالعيد
وان جاك يبن العم مرسول نظمي -= انا بشعري فيك جيعان مضمي
ماينثني بك بجزل الشعر عظمي =ماهو بيمكن .. وأقسم بربي أكيد
وان كانني بالشعر ياخوك مامت = والله لزت الخصم ياشيخ لك زت
واليا رميت بجزل شعري وسددت = ماشلت هم لزيد ياحميد وعبيد
اطلق عنان الفكر في خوض الأبداع =واصوغ عذب البوح في ذرب الاطباع
وانعنش بذوقي لذن كل سماع =واداري بشعري رموش المناقيد
أعوم فى بحور القصيد ومداده =واغوص بــ ـ محيطات غبت سواده
مقعود لي بالشعر ورث وقعاده =ماكني ألا .. (شيخ بــرقـــا .. بن حميد )
وانته حرام انك كما بن ربيعان = تركي أمير الروقه طوال الايمان
اللي بصيته شاع في كل الاوطان =حرٍ ومن ماكر حرار الصناديد
والحر والد الحر ينبيك طيبه =يصعب على والد الردى مايجيبه
لأن كل علومه أصلٍ تعيبه =لعل والد الاش مايكسب الفيد
يلبس من ثياب الردى هدم بايد =ضاري بــ ـ ممشى المهزله والشحايد
ون كسبو أهل الفيد ماهو بفايد =ماهو بصوب المرجله عنها بــــعــيد
ابعد من أدنى الارض عن عالي الشمس =بسفل رداة أهل الخزا منغمس غمس
وماهو بكفون لو برم طارت الجمس= ولاهو بمن فريس حزم الجلاميــد
يهل الكرم ياللي بالذكار تعنون =لازم ليا سرتو عليه تمرون
وتريضون بمشيكم واتقهوون =في شوفكم عقب البطا لي مقاصيد
من دار جابر لا ورى دار زايد =وعمان قوم الشعر وأهل القصايد
تبرز صفات القوم وقت الشدايد =ويبين وقت الرمي بعد البواريد
ويعرف بحزتها طباع الضعوفه =تبين فيه التفتفه من بلوفه
لايحسب انه من رجال معروفه=وقت السباق يبين طيب المفاريد
واقت السعاوي والرخا من يبيهم ؟ =شرهتك ياوجهي على من يجيهم
والله لصد العين مالد فيهم =خويا الرخا وقت الشدايد على حــــيد
وعزالله اني ماتعزويت فيهم =وان شفتهم سلمة لله عليهم
وبمثل شرواي وعلي مامديهم =لعل ماتدرج لهم رجل بقديد
وانا أبن أبو عباد وسمي محمد =أثني علــى رب السما واتحمد
واستغفره بالذكر لين أني أمـــــد=يحرسني من الغدر والمكر والكيد
قدني على طاعته ربي واعدته =وفي ذمتي كل مابغيته واجدته
الله علي اكبر أن كني جحدته =عز الله اني ماورى رجولتي فيــــد
كبير في نظم الطواريق حجمي =وأحيان أحس أني بذا الشعر عجمي
وأنا بعز سليم ماغاب نجمي= وافخر با طيب وعز كل الأجاويد
ياوجد حالي فوق أمير الكسايب =اللي تشد لطيبه أبعد ركايب
بالجود والمعروف ماهي غصايب =مالي بنعيه من قصيدي مصاديد
نعيت غيره من قصيدي ماصديت = وش لون منعا واحدٍ من هل البيت
شيخٍ عرفته من والدت وتربيت = ثابت على أسمه بالوفا فالمواعيد
ثابت على أسمه ثابت أبن خبيتان =صطر له الماضي من الجود عنوان
يبقا على مر الدهر طول الازمان =وعقب عيالٍ يقبسون المواقيد
شيخٍ كما نايف بشكله وطيبه = ودائم يحب أل نايف وينتخي به
ويحل عسراة الأمور الصعيبه =ضاقت على موته وساع الجراعيد
ينعا مماته شخص ماهو قريبه = لا من سمع بأسمه وذكره وطيبه
وموته رحمه الله .. علينا غليبه =هذا الصحيح الثابت أبكل توكيد
ويعوضنا في شيخنا الفاضل الله = رب جميعٍ كالبونا بضله
والشعر ماهو لعب فيه انتدله =ضيق كموم اهل الثياب المحاريد
وصلو على محمد بختم النهايه = عداد مايرفع لا ألاـسلام رايه
الي بعثه ألله بنور الهدايه =عليه منا أفضل صلاةٍ وتحميد
[/poem]


















وسلامتكم

صح لسانك وقلبك

وكل عام وانت بخير

صح لسانك
وكل عام وانت بخير

صح لسانك يا محمد

والشهر عليك مبارك يا مبدع

بانتظار جديدك

صح لسانك يامحمد الله يسامحك قريت حتى تعبت
ولاهنت

وكل عام وانت بخير

كل عام وانت طيب

وصح إلسانك

وجعلك الله من أهل الجنان

صح لسانك
مبروك عليك الشهر
وكل عام وانت بخير

كل عام وأنت وابن عمك وجميع المسلمين بخير ...
وعساكم من صوام الشهر وقوامه ..
أبيات رائعة ..صح لسانك أخوي ..

صح لسانك يامحمد
وسلم بنانك
قصيده جزله
وكل وأنت بخير

صح لسانك والله يعطيك العافيه

محمد الجبريني


كل عام وانت بخير

( بقدوم شهر الخير اهنيك بالعيد )

ياولد انت علامك , الشطر هذا متأكد منه انت ولالا ..؟


والابيات فالبدايه تقول في ابن عمك وتهنئة رمضان

ومدحته بس في بيت واحد , ونص الجزء الاول من القصيده , مدح في شعرك ودايم احصل هالجمله متكرره في قصائدك (( وانا بجزل الشعر ))

والجزء الاخير من القصيده رثاء في المتوفي


وفيه نقطه مهمه /

ماكني الا ..(شيخ برقا .. بن حميد )

يالجبريني

ابن حميد الله يرحمه

بيبطون شيوخ واجد ماصاروا مثله ..

وابن حميد مايكسر بيوته ..

تمنيت انك حذفت البيت اللي فيه ابن حميد وابن ربيعان ..

وننتظر منك الاجمل

واذا تبيني اجاملك بقول لك

( صح لسانك مليون انت جزل )

دمت بخير يالجبريني

م ح م د ..!!

:6:

[quote=محمد نايف العتيبي;2650309]محمد الجبريني


كل عام وانت بخير

( بقدوم شهر الخير اهنيك بالعيد )

ياولد انت علامك , الشطر هذا متأكد منه انت ولالا ..؟



أيـــه متــــــــــأكـــــد مــــنـــــه 100%


والابيات فالبدايه تقول في ابن عمك وتهنئة رمضان





ومدحته بس في بيت واحد , ونص الجزء الاول من القصيده , مدح في شعرك ودايم احصل هالجمله متكرره في قصائدك (( وانا بجزل الشعر ))

والجزء الاخير من القصيده رثاء في المتوفي


وفيه نقطه مهمه /

اقتباس:

---

ماكني الا ..(شيخ برقا .. بن حميد )

---

ونعم بشيخ برقا بن حميد
مانا واصلين ربع مستواه ولاغيرنا
ولا اطلق منا طيب وش مظيررك انت
لايكون انك متجاوز مستوااه واحنا ماندري يامحمد بن نايف
هههههههههههه

يالجبريني

ابن حميد الله يرحمه
بيبطون شيوخ واجد ماصاروا مثله ..
وابن حميد مايكسر بيوته ..
تمنيت انك حذفت البيت اللي فيه ابن حميد وابن ربيعان ..

اقتباس:

---

وابن حميد مايكسر بيوته ..

وانا ماكسرةبيوتي
الله يكسر لحي الشيطان

اسمعها
بلسان كاتبها والمعذره
الوضع صيام
والحلق ناشف وضميان
ورايح فيها هههههه

تحميل الملف مني يبن عمي .mp4 من هنا


عسي الملف يشتغل

وننتظر منك الاجمل

واذا تبيني اجاملك بقول لك
( صح لسانك مليون انت جزل )

أقبل تحياتي لك وسلامتك
................مبغى تجاملني ولاني مجاملك
انا بجزل أبياتي أبعاملك
.................الله يعاوني على درررب الجميل

دمت بخير يالجبريني

م ح م د ..!!

:6:

---

وسلامتك ورضاك

ابو شنب

أسعدك الله ومن يقرأ هذه الكلمات

وابن عمك حميد

ولاهنت

وشهرك مبارك

يالقرم

جارح الكسر