الغاز شعريه جاده اتحداكم كلكم تحلونها
السلام عليكم
حياكم يالغالين
حبيت اعطيكم او اوريكم طريقتي في وضع الاغاز في النت
طريقه حلوه لاكن فيها روح التحدي للي يقول انا حلالاها
كنت ابغا احط كل يوم لغز
بس اني تراجعت قلت خلكم تفكرون فيها شوي طول الاسبوع
ولا تنسون استنا ردودكم على احر من الجمر
ماطول عليكم اخليكم مع الاغاز
___________________________
****1****
ويش الشي عنده ربعه ما يباع
ولا اغتنى عنه المسافر والرضيع
ما ذكر يوزن ولايكال بصاع
يفهمه من كان له عرف وسيع
***2****
أنشدك عن ش له راسين واربع قوايم
وضلوعه فوق اجنوبه دايم يشافن
وله فضل ومعرف على الناس دايم
وهو ينقل وينقل من قدايم وله فن
****3****
أنشدك عن بنت لعوب وعند الناس مشهوره
تحب الزحمه ولا تخل بيتها الا وهي مجبوره
***4****
أنشدك عن بنتين في حبس جميع
في غرفة نوره وهن معذبات
غرفه نضيفه مالها سقفآ رفيع
الدار ضيق والبنات مبطحات
****5****
أنشدك انا ياولد عن حاكم حكمه على الناس
يملك بلاد العجم والترك وبلاد الكرودي
مع نجد هي واليمن ولاغضب يضرب على الراس
وهو وحيد ولا له من يشده بالعضودي
***6***
أنشدك عن لهجتآ بين العرب والعجم
ما هيب تخلف ولا تنال عن شكلها
ومشكله بس من حرفين ياهل الفهم
يعيش من حلها ... يعيش من حلها
وسلامتكم
ونراني استناكم ولا تستعجلون ولي عندكم هاتوه
تحياتي لكم
القـــــــ الحنون ــــــــلب
وتحياتي لك ياااااااااااااااااااكايد
بصراحه الجابه صحيحه
وبهاذا يبقا السؤال الثاني - والرابع - والخامس - والسادس - وقواكم الله
وتحياتي مره ثانيه ل:سهم المنايا : الجاب الجابه الولى وهي الماء
وكايد اجاب الاجابه الثالثه وهي الكره
واتمنى انهم يوفقون في حل البقيه
واتمنى ارى ولو حتى محاولات وشدركم يمكن تصير صح
وتحياتي للجميع
لا لا لا لا لا لا لا لا لا نوووووووووو
معلش
خيرها بغيرها سهم الاجابه غلاط
وبصراحه هي اجابته ( الشداد)
وهاذا ريحتكم منه
ويعني بقي لكم الرابع والخامس والسادس
بسرعه خلصوهم عشان نجيب الي بعدهم
وتحياتي للجميع