48 ركنية خلال 6 مباريات الأهداف 0 !!
احصائية غريبة عندك لاعبين تكتيكيين والنتيجة 0!
بالطريقة هذي فقدنا دهاء كواك وخطورته !!! لاعب ماشاء الله تكتيكي بحت لايستغل !
هدف اليوم يوجد رابط بس ما يوضح اللقطة كاملة للأسف من المخرج لكن نقدر نفهمها
الهدف الثاني شوفوا وين تمركز كواك ... واقف متعمد في منطقة تسلل واضح " هنا التكتيك "
واقف في المكان الي راح تنزل فيه الكورة فقط ويوم شات نيفيز الكورة رجع بكل بساطة تارك الكورة لياسر وديقاو ... ربيع مابغاها توصل لكواك فمنع الكورة فدخلت هدف ... هنا اللعب هنا التكنيك .... بس للأسف ما نستغل وندرب فريقنا على هالتكنيكات ووين كل لاعب راح يتمركز ومين الي راح يضرب الكورة بالراس ... احنا لاعبينا اضربها والحقها معاهم معاهم عليهم عليهم هجوم هجوم دفاع دفاع مافي أي فكرة او تكنيك خصوصا في ركلات الزاوية او رفعات الفاول
هذا التكنيك الي صار من كواك "المخرج ماوضح النقطة تمام للأسف " بس اللقطة مقبولة نقدر نفهم التكنيك... الدقيقة 2:22
https://www.youtube.com/watch?v=Z6Q1Wl0YzrY
طريقة نيفيز 48 ركلة فاشلة للأسف اصبحت طريقتنا واضحة ومكشوفة نيفيز لو تلاحضون كل ركلاته في القائم الأول يعني أي فريق يتركز 11 لاعب في القائم الأول ويطلع 48 كورنر !!
شغلة ثانية خطئنا في ركلات الزاوية هي رفعة راس ... خطوتين !!
لابد اكثر من خطوتين مثلا رفعة راس تغيير اتجاه ثم ضربة راس على الهدف ... ثلاث خطوات !! زي كذا
نقطة هامة لابد ان يكون عندنا مثلا 4 تكنيكات مختلفة عشان ما احد يحفظ تكنيكنا !!! نقدر نغير واحد من التكنيكات الأربعة ونلخبط الفرق المقابلة ..... بدل تكنيكنا الوحيد !! الركل الى القائم الأول وخطوتين فقط !!
راح نطرح 4 تكنيكات مختلفة " كـ مثال فقط " .... ليه قلنا 4 تكنيكات ما قلنا تكنيك واحد ؟ ... عشان ماتحفظ الأندية الأخرى خطتنا لازم نغير ونلخبطهم عشان مايعرفون تكنيكنا
قبل ما نطرح تكنيكاتنا " المقترحة فقط " ... لابد اننا نقسم فريقنا إلى قسمين "في ركلات الركنية"
لاعبين اصحاب بنيات جسمانية يستطيعوا الإكتكاك والضرب بالرأس وطوال القامة ... " كل الأسماء الواردة هم مرشحين للضرب بالرأس نظرا للطول والبنية الجسمانية او التعود على الضرب بالرأس
الاعبين المرشحين للضرب بالرأس هم أي لاعب طويل القامة نستفيد منه مثلا عندك:
الزوري
ديقاو
كواك
كريري
بنتلي
الشمراني
الاعبين المرشحين للتكنيك ... تخريب تشويش لخبطة فك تكتلات الفريق المقابل خلق مساحات + فك الرقابة اللصية بالتخريب وتهيئة الظروف للاعبين المرشحين ال6 للتسجيل هم مثلا عندك
الشهراني
العابد
السالم
الفرج
ياسر
يجب توزيع الاعبين ال6 بين القائمين مو يتجمعون جنب بعض !! في نفس الزاوية !!
التكنيك الأول:
نيفيز راح يشوت يروح له العابد عند القائم الأول وعليه رقيب يترك القائم بشكل غريب ويتوجه بسرعة إلى نيفيز يطلب منه الكورة و"يسحب معاه لاعب بسرعة " ونيفيز مايعطيه الكورة !! ويرفعها للقائم الثاني ... لأن العابد سحب الكل نحو القائم الأول وبكذا هدف تكنيكي
إذا حفظوا الفريق المقابل التكنيك يغير عشان ما يحفظ ويلخبط .... يعاد مرة اخرى العابد يتوجه بسرعة إلى نيفيز إذا ما احد لحق العابد ويجي نيفيز يعطيها العابد ثم تكمل الهجمة .... كتكنيك
التكنيك الثاني:
نيفيز يرفع لديقاو إلى خط ال18 قريبة وديقاو بالراس إلى القائم الثاني يسجلها الشمراني
التكنيك الثالث:
عادة يكون فيه رقابة على كواك كيف الحل انه يفك نفسه مثلا عندك ثلاثة عمر هوساوي سلمان الفرج كواك وهوساوي يبغى يراقب كواك كيف يفك من الرقابة
في عدة حلول منها مثلا ... يختبئ كواك خلف سلمان الفرج وهوساوي يبغى يمسك كواك وسلمان مع الزحمة والإحتكاك "بذكاء" يحاول انه بضرب الكورة وفي الواقع هو " مخرب " ويبغى يبفك الرقابة عن المرشح وهو كواك ثم يأتي كواك ومع الزحمة يدف سلمان الفرج وسلمان بالزحمه يخرب على هوساوي الإرتقاء .... اصبح الطريق مفتوح بهالطريقة لكواك بالتسجيل .... السبب هو تكنيك سلمان الفرج
كثير صارت اهداف من راموس في ريال مديد يدف خوية ومع الدربكة هدف .... دهاء كروي
يمكن وضع لاعب مرشح ولاعب مخرب تكنيكي له هدف ينفذه عشان الفريق يسجل من ركلة زاوية ...
التكنيك الرابع:
غير متوفر حاليا ...
يحتاج الفريق التدريب بشكل كبير ما بين الاعب المرشح والاعب المخرب في التمارين إلى أن تضبط الطريقة ونسجل من ركلات الزاوية .... 48 ركلة النتيجة 0 !! .... ركلات الركنية والفاولات العكسية تحسم لنا بطولات لابد من استغلالها
الأهم من ذالك التغيير واللعب باكثر من خطة للركنية عشان ما احد يحفظ خطتنا مرة نلعب بتكنيك والمرة الأخرى بتكنيك عشان ما احد يحفظ تكنيكنا
وبالتوفيق لزعيمنا ..
