شعر انتهى والسلام

((للشاعر حمد السعيد)):
شفت وشلون خلق الله تحب الكلام
قلتلك لا تصدق حكيهم ما قتنعت
لين ضيقت صدري بالعتب والملام
وانت ياما حكولي عننك وماسمعت
جيتني وانت ودك بالزعل والخصام
باين اللي يبي السبّه ولو ماندفعت
غيروك العواذل طعتهم يا حرام
عقب ماكنت مقبل بالمحبه رجعت
خلهم ينفعونك .. لا تزيد اتهام
من عرفتك مضره وانت عمرك نفعت
وين كلمه أحبك .. وين ذاك الغرام؟
ليش نزّلت قدرك عقب مانت ارتفعت
آآآه.. يا قو قلبك لك عيونٍ تنام
تجرح اللي يحبك بالكلام وقطعت
كان لك قدر عندي وانتهى والسلام
غلطتي جيت كلي بالمحبه وضعت