عين ولا سداد دين

السلام عليكم ورحمة الله وبركاته

من اسبوع تقريبا كنت بالرياض ولي زميل هلالي بس ماهو متعصب وكنا بندردش وبنتكلم عن الاتحاد وللامانه الراجل زعلان على الاتحاد وقال ياخي الكوره من غير الاتحاد مالها طعم وما احلى ايام المنافسه بين الاتحاد والهلال وكنت تشوف كوره صح وشويه ويقولي ياخي موضوع الاتحاد اللي بيصير فيه غريب ما احد كان متوقعه بهدا الشكل قولتله شكلها عين وما صلت على النبي رد على وقال اللي صار فيكم تحت مبدأ كما تدين تدان سبحان الله ... اللي عملتوه بالناس صار عليكم بدءا من لطش اللاعبين من الانديه بالفلوس وانتهاءا بالمقوله الشهيره للبلوي انه راح يدمر الاهلي وهاهي الدائره تدور طبعا ناقشته ودافعت انه هادا ديدن التنافس بعالم كرة القدم وبيصير بكل اندية العالم

رد على وقال ممكن ولكن السؤال اللي لازم تسأله هل ما يحصل الان وما يدفعه الاتحاد من ثمن هو فاتوره تلك الحقبه وبفعل فاعل ام عدالة االسماء

وختمها بسؤال ... هو الجمجوم بعد اللي بيصير معاه ما يبغى يستقيل ولا ماهو قادر يستقيل