انا موظفة ومو عارفة انظم يومي مع بيتي وولدي بدون خدامة:(

:eh_s(17):السلام عليكم

يعطيكم العافيه بنات ..


انا باختصار ماعندي خدامة وعندي طفل واحد الله يحفظة لي عمره 9 اشهر
خل اقولكم شلون يومي وساعدوني شلون بنظم وقتي بحيث كل شي اعطية حقه واولهم انا

دوامي من 7.30 لي 3 طبعا اخذ ولدي من خالتي او امي الله يطول باعمارهم اكون مزهبه غدا من بليل او طالبين مطعم او خالتي او امي حاسبين حسابنا بأكل
المهم نتغدى واصلي وبعدها اقعد مع ولدي بالصاله لانه اسم الله عليه يحووس يم الكهربا ويم المطبخ والباب وتكرمون الشوز المهم انه يبيله عناية واحد يجابله لانه هالعمر بس يبي يكتشف ويطالع المهم زوجي يتحلطم اني ما اقعد معاه وكله مشغوله ببدر يا اما اغسله او اوكله او ابدل له او انومة وطبعا لما ينام اكون طافية وانام معاه وانصدم انه الوقت مشي بدون لا اسوي انجاز لا حق نفسي و ولا حق بيتي وولا زوجي وولا اي شي ، طبعا الكل من اهلي متهمني بالاهمال وانه بيتي كله عفسة ودثرة ومو نظيف وولا قعد اطبخ نفس الاوادم وولا قعد اروح الصالون واعتني بنفسي ، حياتي صارت عبارة عن اني انا لاهيه مع ولدي لانه ماعندي خدامة ، زوجي بدا يطفش ما الومة صرت عيوزة وممله وبليدة وبس اتشكى :(

شلون ارتب وقتي ساعدوني بنات الله يوفقكم يارب:eh_s(2):