أشياء في صدري كثير ،، أشياء و أتعبني الألم

السلام عليكم و رحمة الله و بركاته
صبحتوا بالخير و الرضا و السرور :smilie47::rose:

يا عرب صاير لي كم يوم مغير اهوجس مدري علامي !!
و قسم حتى أحلامي صايره تسد النفس لدرجة أني الليله ما نمت عشان ما احلم ب كيمياء و لا فيزياء و لا عقرب و لا قمل !! و صايره بس ابكي عقب ما كانت ضحكتي ما تفارقني ؟!
احس أني في مرحله انتقاليه صصصصعبه جداً و حرجه

مؤ بسبب الاختبارات لأني الحمد لله ما أشيل همها ابد ،،
لكن بسبب التخرج !!
يعني مدري كيف بيكون نظامي بعدين ، مدري كيف أفارق أحلى صحبه :smilie47::cry:
و حتى مدري اكمل دراسه و لا ارتاح بسس !!
و قسم أني أعيش قممممممة التشتت و التناقض و الخوف
أخاف يجئ اليوم اللي اتمنى أني للحين ادرس في مدرستي
حتى الايام ذي بس اسأل خواتي كيف عاشوا بعد ما تخرجوا و تركوا صحباتهم !!! و يقولون عادي نذكرهم بدعوة في ظهر الغيب و أكيد انهم ما نسونا من دعواتهم !!! بسس كذا !! عقب ما كنت اتصبح بوجيههم و اتمسى عليها اللحين أصير ما اقابلهم غير في السنه حسنه !! و الله صعبه
عشنا مع بعض عالحلوه و المره ،، يا ما هبقنا مع بعض يا ما خالفنا كل القوانين و الانظمه يا ما سوينا مظاهرات في المدرسه و قلق ،، اللحين هذا كله بيصير من الماضي !! و بنصير اكثر جديه و بنشوف الحياه صدق و نواجهها !!
هذا كله كووووووووم و ايش أبغى أصير كووووووووووم ثاني
يا عالم انا كان طموحي فووووووووق و اللحين ما عندي طموح اصلا !!
الكل كان متوقع أني اكون ششششي كبييييييير لكن انا لا شيء حقيقةً !!
امي ابوي إخواني و أهلي كلهم و مدرساتي القدامى ينتظرون مني شي عظيم !! و انا احس بالخذلان لأني ما اقدر أصير زي ما ينتظرون مني !!
و قسم بالله ما أنسى ذاك اليوم و انا في رابع ابتدائي حضرت عندنا موجهه و بعد ما انتهت الحصه قالت لابلتي هالطالبه بيصير لها شان عظيم في المستقبل و بتبدع و بنسمع اسمها بعدين و كلمت امي و وصتها علي و قالت انتبهوا لها و ثقفوها و ادعموها و وقفوا معها و من ذاك اليوم و امي تنتظر متى يتحقق الحلم !! و انا جالسه اخذلها !! عطتني لين غرقتني بعطاها و قالت ما ابي منك غير التفوق و السمعة الطيبه و انا لا مباليه بامالهم و لا انتظارهم و أسير من حفرة لدحديره !!!

ادري ما فيه فايده من كلامي ذا كله بسس اسمني فضفضت !!

دعواتكم لي و لغيري بالتوفيق و النجاح
و دعواتكم لأهالي سوريا الحبيبة

فمان الله