أهل زوجج منكدين عليج ؟ أم زوجج ظالمة ؟ زوجج واقف بصفهم ؟

بسم الله الرحمن الرحيم

شلونكم بنات :D
دايما نسمع شكاوي من بعض المتزوجات عن أهل الزوج الظالمين سواء الأخت أو الأم أو زوجة الحمو
و إن كلمتي حضرة الزوج يوقف بصفهم حتى لو ظالمين :bbbiu:
أو ممكن أحد من أهله شيشه عليج و جا معصب :rgewrg:
و مرات توصل السالفة للطلاق
و تنقهرين و تتعب نفسيتج
شنو الحل ؟؟

(( دعوة المظلوم )) و (( حسبي الله و نعم الوكيل ))
كلنا نعرف أن دعوة المظلوم مستجابة ، ادعي أن ربج ياخذ حقج منهم ، ادعي أن اللي سووه فيج يصير فيهم ،، بس لا تتجاوزين بدعائج ، الدعاء على قدر ظلمهم لج

إن جا زوجج معصب خليه لا تصرخين عليه و خل يخلص و ردي عليه بصرامة و هدوء (( شوف يا بو فلان ، بتجي تصارخ و تتبلى علي أنت و أهلك كيفك ، بس ترا دعوة المظلوم مستجابة ، لا تخليني أدعي ربي أن اللي سويتوه فيني يصير فيكم .............)) و عساه يخاف و يطخ

طبعا في ناس ما يستحون يقولون للمظلوم اللي يدعي عالظالم حاقد :)
أنا اللي أعرفه أن الدعاء عالظالم حق كفله الله للمظلوم اللي ما خذا حقه ، الظاهر بعض الناس يبون يظلمون على كيفهم بدون حساب و لا عقاب :) ،اللي تبرر لنفسها تظلم زوجة ولدها بحجة أنها تعبت بتربيته عشان تاخذه وحدة ثانية ، الكلام هذا بتقولينه لربج يوم الحساب ؟ بيوم القيامة مالج مكانة خاصة
أذكر سالفة وحدة بهالمنتدى نرفزتني ، يوم تهاوشت مع زوجها و راحت لأهلها ، خذوا منها بنتها ، و حضرة أخت زوجها تجر البنت اللي تبجي إلا تاخذها ، جان الأم تدعي عليهم قدامها أن قلوبهم تنحرق على عيالهم مثل ما حرقوا قلبها على بنتها ، اللي صار وحدة من الخوات تزوج عليها زوجها و خذا العيال منها ، الثانية تطلقت و زوجها خذا عيالها منها ، بينما الأم ردت لزوجها اللي زعلان هو و أهله ليش دعيتي علينا ، زين أنتم حرمتوا الأم من بنتها و ما تبون تنحرمون من عيالكم ؟؟ صراحة ما يستحون ، اللي أعرفه الظالم يطلب الصفح من المظلوم ، مو يمثل دور المسكين المظلوم و يزعل


طبعا العفو و الصفح له أجر ، اللي تبي تسامح تسامح و اللي تبي تدعو تدعو
بس لحد يناشب اللي يدعو جنه مسوي جريمة و منكر عظيم و يقوله حاقد:bbbiu: هذا حق من ربنا ، و في ناس أذيتهم تسبب هواش بين الزوجين و طلاق و حرمان من العيال ، و الدنيا دوارة
لحد يظلم
الظلم ظلمات يوم القيامة
عاملوا الناس بما تحبوا أن يعاملكم الآخرين