بعد ست جولات بالدوري ....الاهلي كيف يحقق الدوري .
بسم الله الرحمان الرحيم لا يوجد شك ان بطولة الدوري رغبة جميع الاهلاويين هذا العام من ادارة ولاعبين وجماهير ولاكن الست الجولات الماضية لابد ان نستفيد منها في جميع السلبيات التي وقع بها الفريق ويتم تعديلها قبل الجوله السابعة ويبدو لي انها واضحة للعيان .....
1- ضعف الناحية الهجومية بالفريق وتحديدا نهاية الهجمة وبانت امام الاتحاد والهلال والنصر والعروبة كان الفريق يصنع كل شي الا نهاية الهجمة . وان شاء الله يارب فيكتور يرجع بكامل عافيته وتكتمل لياقة يونس محمود يلي وبصراحة ادى ما عليه لا ننسى ان اللاعب مبتتعد فترة عن كرة القدم وان شاء الله الفترة الجايه تكتمل لياقته وينسجم اكثر مع الفريق واحنا محظوظين بوجود اثنين هدافين على مستوى عالي فيكتور ويونس بس يحتاجون الوقت حتى يرجع كل لاعب كما نعرفه تماما باذن الله
2- فيه مشكلة بتوزيع اللاعبين بخط الوسط يعني اللاعب تيسير الجاسم واحد من اخطر اللاعبين وافضلهم بالاهلي افتقدناه بالناحية الهجومية وهو اللاعب صاحب الحلول المتعددة يلي الكل يتمنى ان تيسير يطلع جناح لان حيعطي حلول كثير للمهاجمين وبالنسبة لموسورو لاعب صراحة ممتاز تحركات وتمرير ولياقة ما شاء الله مبارة عن مبارة ينسجم اكثر ويثبت نفسه اكثر وانا اشوف افضل حل يرجع مصطفى بصاص محور وهو مركزه الرئيسي اصلا مع وليد باخشوين انا اتوقع حيشكلوا ثنائي رائع بالمحور ويلعب تيسير وموسورو اجنحة وبرونو يكون خلف المهاجم
3- خط الدفاع عندنا مشكلة واضحة في التسللات وتعبنا واحنا نتكلم اللعب على خط واحد بالنسبة للمدافعين يحتاج تركيز عالي جدا لان لاعب واحد بس يخرب القصة وكذا مرة لو نرجع للجولات الستة الماضية تصير انفرادات كثير على مرمى الاهلي ومن لمسة وحدة بس يضرب خط الدفاع بالكامل لان اعتماد الللاعبين على التسلل واضح لجميع الفرق يلي تقابل الاهلي .
في النهاية ما زال امل الاهلي بالدوري موجود ولله الحمد خصوصا بعد هزيمة الهلال امس امام الرائد وتعادل النصر والعروبه وصار جدول الدوري متقارب جدا جدا الفرق بين الاهلي والمتصدر النصر اربعة نقاط وهو فرق معقول وليس كبير خصوصا ان الاهلي لعب مع الفرق الكبيرة بالجولات الماضية الهلال والنصر والاتحاد ونحتاج ان شاء الله نركز بالجولات السبعة المتبقيه قبل نهاية الدور الاول ونحصد جميع النقاط لان جميع الفرق السبعة فنيا اقل من الاهلي واذا احترمناها وركزنا باذن الله ينتهي الدور الاول والاهلي متصدر للدوري .
