-
XX تحدي الطواريق XX
السلام عليكم ورحمة الله وبركاته
صبحكم الله ومساكم بالخير جميع
ودنا نتبادل الفايدة والمعرفة والطواريق مع من يهتوون الطروق العسرة او الجديدة
والمقصد تسلي وفايدة والله يحيي الجميع والطواريق هذي من الترف الشعري وكم شاعر كبير ماتعود عليها والعتب مرفوع
أبدأ بالبيتين التاليين وسبق قبل سنوات ان طرحتها بإسم مستعار في منتدى آخر
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] من يجي مرحبا واللي يروح ِ يْسمحِ الله دربهُ ولا يصادف ما يعوقه=من يريد العلوم الطيبه يتعب لها رجليه والنور جلاي الظلامي
لا يخاويني الا شاعرا يفهم معان الشعْر وسلومهِ وْيحكم طروقه =ياعسى صومكم مقبول ياشعار وابارك بالاعياد قدام الزحامي[/poem]
نرجو تشكيل الأبيات بالحروف ولايحق لأحد طرح طرق جديد إلا بعد الرد ببيتين ويطرح طرقه في بيتين مشكلة الكلمات المهمة بالحروف
تحياتي لكمن جميعا
ملاحظة لفظ الجلالة في الشطر الأول غير ممدود يعني مهوب اللاه
-
رد: XX تحدي الطواريق XX
وعليكم السلام ورحمة الله وبركاته
مرحبا ياخالد
موضوع حقيقه اكثر من رائع وراح اكون احد رواده بإذن الله لأني بحاول استفيد منه بقدر المستطاع واكشف على لياقتي الشعريه :)
بس ياخالد كان بديت ببيتين مقبلات هههههههه انت ماشالله جايب بيتين دسماااااات بالحيل هههه
ولكن ان قاله الله معك معك :)
بانتظار بقية شعارنا ...
-
رد: XX تحدي الطواريق XX
من يجي مرحبا واللي يروح ِ يْسمحِ الله دربهُ ولا يصادف ما يعوقه
من يريد العلوم الطيبه يتعب لها رجليه والنور جلاي الظلامي
لا يخاويني الا شاعرا يفهم معان الشعْر وسلومهِ وْيحكم طروقه
ياعسى صومكم مقبول ياشعار وابارك بالاعياد قدام الزحامي
وش هالبيتين يابو غنام؟؟ هههههههه دفيكلت على ماقالو الانقليزيين لكن علاها معونتن بالله ههههه
استلم مشاركتي في مجاراتها وعساني حول القده
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البقا بك يابوغنام وانت القاف لاجا منك نطرب له وكلن وذوقه=العلوم الثمينه ماتهيا لْكلّ من عاش الحياة احلام وجوه عسامي
جاك شاعر ليا منّه حضر يِعْرف حضوره منْهِ وليا غاب ماطاح سوقه=مار لا عيّد بشهر الصيام ويتعب المفتين في فتواي وغيري صيامي[/poem]
على فكره يابو غنام لو طلع فيه مافيه ترى بعيد الكره ولن استسلم ههههه
لكن تبي الصدق فعلا محتاجين مثل هالموضوع لنختبر قدراتنا الشعريه ولزيادة اللياقه الشعريه بعد :)
وانا على يقين انه من خلال هالمتصفح راح تنولد طواريق جديده ماسبق ان غني عليها وشعراء غرابيل فيهم الخير والبركه
-
رد: XX تحدي الطواريق XX
يامرحبا والله ملايين يابوضاوي
ابرك الساعات
الشطر الأول ممكن ينوزن صح على قراءة وممكن يكون مثل بقية الأشطر
انحرفت عجلات القطار عن سكته قليلا رغم أني خابرك متمكن جدا
أعد الكرة كماوعدتني وحياك الله
انت بالبيتين أعطيتنا طرق عسر آخر يختلف شي بسيط
-
رد: XX تحدي الطواريق XX
8
8
كلام صحيح يابو غنام
بعد التدقيق شفت اني جايب طرق ثاني ولكن اهم شي انه موزون هههههه
وهذي المحاوله الثانيه وانشالله تكون حسب الطلب واذا ماجت تراه طرق جديد بعد ههههههههه
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البقا بك يابوغنام وانت القاف لاجا منك نطرب له وكلن وذوقه=العلوم الثمينه ماتهيا لْكلّ من عاش الحياة بْحلومه في المنامي
جاك شاعر ليا منّه حضر يِعْرف حضوره منْهِ ون غاب لا ماطاح سوقه=مار لا عيّد بشهر الصيام ويتعب المفتين في عيدي وغيري صيامي[/poem]
-
رد: XX تحدي الطواريق XX
هالله الله
صح لساااانك
جبته جبته
الحين عندك والله يعيين
-
رد: XX تحدي الطواريق XX
اقتباس:
الحين عندك والله يعيين
انا ببدا بالاسلحه الخفيفه والرشاشه
ماني مسوي مثلك اول مابديت ضربتنا بالنووي ماتلقى ماتطلبنا هههههههههههههههههههه
استلمو استلمو ياشعار غرابيل ....
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامن يجاريني ابّيت ولاّ=بيتين لكنْ ماتاصل ثلاثه
تمرين شعري ومنْهِ نْتسلاّ=ويمكن نوضّح معاني الحداثه[/poem]
-
رد: XX تحدي الطواريق XX
الله الله
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماكان قصدي عليك اتبلا=ماني من اهل العيا والغثاثة
لاوالله الا ولاوالله الا=حصلت لك ياابن ضاوي معاثة[/poem]
-
رد: XX تحدي الطواريق XX
ممتاز الممتاز ياخالد
بس وش معنى كلمة معاثة؟ هل هي رفع الصوت بالتغني او شي من هالنوع؟ ولا غيره؟
ننتظرك يابو غنام
وبعدين وين شعارنا عن المشاركه؟؟؟
لازم كلن يجي يفحص ويجدد ههههههههههههههههههههههههه هههههه
-
رد: XX تحدي الطواريق XX
ارحب
عاث يعيث في معاثة
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ملك ملوك افريقيا طيحه ملك ملوك الملوك=زلزل عظيم العرش عرشه على فرشه وصف اربعه
راس الزناديق السفيه الحقيرولابكفره شكوك=انحاش صفر يدين من منزله ومجربعٍ جربعه[/poem]
-
رد: XX تحدي الطواريق XX
يعطيك العافيه ياخالد
أمتعتنا باختيارك لهذا الموضوع الذي من خلاله ستعم الفائده على مرتاديه
وسأكون متابع له بشكل مستمر
واستلم مشاركتي على الطاروق الاخير
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إن قاله الله تاتشوفونه مربط بوسط الشبوك=ماهو تفرّح لكن الظالمين قلوبهم مطبعه
ماعاد يملك امر نفسه ولو كثرت بيديه الصكوك=قنع من الدنيا ويبغى السلامه وحْدَها تشبعه[/poem]
-
رد: XX تحدي الطواريق XX
ابوعبدالرحمن
صح الله لسانك ملايين
لله درك
هالحين عطنا طرق من عندك ان تيسر
-
رد: XX تحدي الطواريق XX
صبّحك الله بالخير يالضاوي اسمحلي بمداخله مع خالد فالبيت الأول اهداء لكم الاثنين ونطلب من الله
أن ينال اعجابكم البيت الثاني ,,,
بخصوص الطرق لا أعلـــّـــق عليه حاليـــّـــا , أمـــّـــا الاحتياطات التي كان عليّ الأخذ بها فهي كأي
احتياطات (سوّاق) أو بمعنى آخر (طاره) , يعبر له على طرقه جديده , واستلم يا خالــد :
هقوتي مع جنبها والنجم يتعـــلا ّ بــَـاسباب زرع(ن) عــَلــَــي ّ اِ جـْـــتثاثه
القاع وســْــطه بذرة (ن) ماتخلّى عسى الأمـر ما به دبرة (ن) للغثاثـــــــه
-
رد: XX تحدي الطواريق XX
موضوع ممتع وجميل جداً
ولا فيك حيله يا خالد صح
لسانك وألسنة ابو عبدالرحمن
وابن ضاوي يشهد الله كلكم مبدعين وعاجز
عن مجاراتكم.
-
رد: XX تحدي الطواريق XX
الله الله وووووووافين .. وننتظر طرق جديد لمجاراتة معكم