وقفة الابطال

للاسف عندما قدم الهلال مستوى جيد وفاز على السد طلع من يقول هذا هلال سامي
وبعد مباراة الاهلي كثر اللوم والعتب على المدرب ريجيكامب !!!
لو تذكرنا ايام سامي كان الكثير يلقون باللوم عليه وبعد اقالة سامي هاجموا الادارة والاعلاميين الهلالييين لان الامر اصبح بالنسبه لهم تحدي المنافس ودعم لسامي ..
تعلمون ان سامي ابن النادي ومن فترة طويلة بالنادي وتكتيك سامي واسلوبه مختلف كليا عن ريجيكامب ومافي شي اسمه هلال سامي وهلال ريجيكامب ..
خلونا نضع المقارنات على جنب وبعد انتهاء فترة ريجيكامب وقتها نقارن بينه وبين سامي
الحكم على المدرب من الان خاطئ .
لاعبين الهلال دايما يواجه ضغوطات من جمياهير الاندية بشكل عام وجمهور الهلال بشكل خاص
ومايحدث الان من لوم وتشكيك وانتقادات ضد المدرب يشكل ضغوط على اللاعبين والمدرب .
ثقوا تمام الثقة ان ريجيكامب مدرب ناجح بكل المقاييس وقدامه وقت طويل جدا ويحتاج وقفة الجمهور لاعطاء اللاعبين المزيد من العزيمة والروح ..
انا ارى انه مدرب ناجح وانت ترى غير ذلك والحقيقة اننا لا نفهم ابجديات التدريب فدعونا من التقييم والانتقادات ضد المدرب ..
نحن نحتاج الى فريق عنده عزيمه واصرار لتحقيق البطولة فـ خلونا نركز على ذلك ونتفق على بث الحماس والروح في نفس كل لاعب هلالي ولا نركز على لاعب فقط فلا نردد اسم لاعب معين ونترك البقية ونتغنى باسم مدرب سابق ونتجاهل الموجودين فهذا يستغله الحاقدون ويزرعونه في نفس الهلاليين الموجودين داخل وخارج النادي وندخل في معمه ليست في مصلحة النادي ..
ختاما ؛؛
تعود الكثيرون ان الهلال دايما يكون ردة داخل الملعب
فرجاءا نلزم الصمممت ونقف خلف الهلال ليس بالسب والشتم تجاه الاخرين
بل بتحقيز اللاعبين وتجاهل ما يقال ويكتب ففي الملعب يكون رد الاعتبار .
وسلامتكم ،،،