وان قـالت اني : في هوى غـيرها همت //وهـي لهـا الـلـه باللـيال الطويله

[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] جتني رســالـة لايمــتني وانــا لمـــت =نفسي على تـقـصــيرهـا بالاصـيله
مضـمون ماقالت : غمت خاطري غمت =بيتين عن كـل البـيوت الـجــزيله :
كـلمت منـهو تـشـتهي نـفــسـك ونــمـت =واهمـلـت من لجلـك سهر طول لـيله
الله يهنيك بهـــوى من مـعــه هـمــت =وانا لـي الـلـه بالـليــأل الـطـــويــلـــه
سـاعـة قـريـت بيوتـها صـمت في صمت =كن الكـلام اللي بـقوله فـشيــلـــه
عـن مايـدنق رأس محــبـوبـتي شــمــت =هي خـابره ربـعي من اية قـبيلـه !!
حكـمة حيـاتي : دام عــزي ولا دمـــت =مـاغـير ربــي ارتـجي وانــحني لــه
مـاخنت بالصـاحب ولابعتـه وسـمـت =غـــيــره ولـوانـــهــا حـمولي ثقـيله
اشـيل حـمـله فـوق متـني اليا قـمت =وان طـاح احـطه فـوق حمـله واشيلـه
يـرقا جـبل شـامـخ مـن الطيب مادمـت =داعـس على روس النفوس الذليـله
فـطرت في طـيب الريـاجيل مـاصـمــت =يـالـلـه تحــرم كـل كـف بــخــيــلــه
ويـاطـيـر تكـفـا كـل مـا لـلـسمـا حـمت =تـاخـذ معـك قلـبي وشـوقي دلـيـله
هـي الثـريا وغـيرهـا هـي مــارمــت =مـاكـل مـايبـرق لـعيني اخـيلـه
ان نـمـت تـطـري لـي وتطـري اذا قمت =الحـب خـلا حالـتي مستـحيـله
وان قـالت اني : في هوى غـيرها همت =وهـي لهـا الـلـه باللـيال الطويله
اقـول : لو لـيـله على صـدرهـا نـمـت =تسـوى بعــيني الــف ليـلـــه طويله

[/poem]

قصيده مره جنان
ومؤثره بعد :tears::tears:
بس ما أتوقع وصلتلك
تسلم يمين كاتبها وناقلها ...
يسلموو على الطرح ..

رادوي
الاروع من القصيده مرورك بها
ولو انها لم تصلنا مانقلتها
اشكرك على تواجدك

دمتي بود

النايف

حقاَ؛
لاأملك الكلمات ولاتسعني الحروف لوصف رائعتك
دمت لنآ..

جل احترآمي وتقديري لشخصك..

سلمت.

النايف صح لسانك
ولسان شاعرها وكل
الشكر لك على هالذوق الرفيع
الله يعطيك العافيه وتقبل مرور أخوك .