حــــــلم الشبــــــــابـيـك
إخواني أعضاء منتديات غرابيل ..
أهديكم هذه القصيدة المتواضعة جداً ..
[frame="7 80"][poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من يوم رحت ومات " حلم الشبابيك " = صار الزمن كله " دموع ومآسي "
اشتاقت " أرض الحب " لاسمك وطاريك = واشتاق قلبي يا بعد كل ناسي
تعبت أنادي و" الكراسي " تناديك = ارجع حبيبي لا تموت " الكراسي "
ارجع على قلبٍ يحبك ويغليك = لا ماخبرتك يا هوى البال قاسي
ارجع لمخلوقٍ من الناس شاريك =من غبت عنّه والزمان متواسي
رفعت " مكتوبي " لك اليوم وأرجيك=إنك تعوّد لا يضيع " إلتماسي "
يرضيك أعيش العمر في حزن يرضيك = وإلا انزّل بين الأصحاب راسي ؟!!
كل القصائد والسوالف تجي فيك = مثل " البحر " لا صافحته " المراسي "
في ذمتي لا من طرت نظرتك ذيك =ما عاد أميّز وقفتي وانتكاسي
شرّبتني من كاس حبك بأياديك= واشتاق لملامس أياديك كاسي
أنا الذي فضلوع قلبي أداريك=وأنت الذي لجروح قلبي يواسي
تذكر "حماسي " يوم في السر أناجيك = لا ما تغيّر في غيابك " حماسي "
أشوف زولك في " الزوايا " وأراعيك = وأقول في نفسي تراك " الأساسي "
صحيح حطمني غيابك وانا أبكيك = لكن غرامك داخل القلب راسي
شفت المكان اللي على" حطة يديك " = ما غيّره وضع البلاد " السياسي "
نفس " الكراسي " نفس ذيك " الشبابيك " = ما ناقص إلا من يضم " الكراسي " [/poem][/frame]
http://www.members.lycos.co.uk/lov3/sahm1.jpg
مشكوووور هيلب على التصميم