•·.·´¯`·.·• (Riyadh City) •·.·´¯`·.·•
اهــــــلين وســــــهلين ومرحبـــتين بكم في موضـــوعي الزين اللي بيخزي العين ... لكم بس انتم يا حلوين ولا يزعلون علينا الشينين:tongue:
نبدأ أولاً بتحية الإسلام فالسلام عليكم ورحمة الله وبركاته <-- إذاعة مدرسة :هاها:
اليوم يا حبايبي الحلوين جايب لكم صورتين ان شاء الله تنال على استحسانكم ورضاكم وتشبع غروركم و تكسر كبريائكم <--على باله يتكلم فصيح الحين :confused:
طبعاً انا واعوذ بالله من كلمة انا :wink: توني جديد ع التصوير فما عندي خبرة ، يالله اصور بالجوال لكن قدر الله علي :مزون: وطحت على كاميرا ها الايام وجالس اصور فيها حتى شغالتنا بغيت اصور معها :11umbup: عشان كذا يعني ماله داعي تردون علي وتقعدون تقولون البيسك كم ومدري وشو ترى ما افهم في الخرابيط :11retcher يعني كل ثقافتي سلمكم الله من كل ومن بعض البشر:tongue: كلها اضغط على زر التصوير وبس غيره ما عرف :11retcher عاد اكثرها اصور اصبعي :واو: وبعض الاحيان اتحرك فتطلع الصورة كن فيه احد كاب عليها موية :icon_bigg بس على قولت اللي يسوون مقابلة توظيف لازم الواحد يبدأ من الصفر :( .على طاري الوظايف يقابلني واحد امس ، شوي ما دريت الا منزله البنقالي الشييشة (ارجليه –معسل –اللي يبغبغ على قولت القراوى):d .يوم قلت لبوي السالفة قال وجع وش يبي يوظفك ذا؟ قلت مدري يمكن اصلح جمر :واو: <--قوية عاد ذي:tongue:
الصـــــــورة نمـــبر واحد<--كمل معروفك وقل وووووون :مزون: على طاريها اتذكر واحد من اخوياي ما يقولTV5 يسميها تفي خمسة طيب كمل معروفك وقل تفي فايف:icon_bigg
http://www.al9da.net/vb/attachment.p...3&d=1195612056
هذي الصورة لعمارة المملكة ان صح التعبير :11umbup: ، وفي رواية اخرى ناطحة المملكة يا جعل ما ينطحكم ظالم :tongue: طبعاً هذي الصورة كانت في ضباب نزل على الرياض ذاك اليوم ;) لا تصدقون عاد ودي اقولكم بعد انه غيم بس ولو ما تمشي:wink: الصراحة كانت هذي الصورة في (عج – غبار ) على مدينة الرياض انا ادري ان الصورة تبي تطيح من عيونكم عشانها مهيب في غيم ولا في ضباب بس عاد هذا جو الرياض وش نسوي؟؟ بس والله طلع شكل الصورة مع التراب حلو بالنسبة لي اشوف انها حلوة :huglove: .طبعاً لا أخفيكم سراً اني تحملت الصعاب عشان تظهر الصورة في شكل جذاب لاني يوم خلصت مصور وكحيت بغيت افتح لكم ثمامة جديدة :هاها:
الصــــورة الثانية والله لا يجعل رجاجيلكم ياخذون عليكم ثانية :كلوش: ، وللرجاجيل الله يزوجكم الثانية :wink: <--ما فيه احد احسن من احد
http://www.al9da.net/vb/attachment.p...4&d=1195612056
هذي الصورة ابشركم الجو كان زين وعلى قولة حسن كراني الجو صحو الى صحو جزئياً :هاها: بس صعوبة هذي الصورة كانت تكمن في اني رقيت جبال وتلال وهضاب:11bomb: الله لا يوريكم حتى ان قدماي بغت تتفطر:tongue: موهب تفطر :icon_bigg، الشيء الثاني واللي هو كان اصعب وامر (قصدي ادهى وامر) ان فيه بيوت يعني لو شافني احد ها البيوت يقول ها اللي ما يستحي قاعد يطل علينا :11ctor: ما درى اني شمعة تحترق من اجل ان يرى اللي ما يخافون الله :tongue: بس الحمد الله ابشركم الامور كلها مشت والله ستر علي:11retcher
في النهاية تقبلوا تحيات فصل 6/ب :واو: وسامحوني طولت عليكم <--يحسب الحصة الاولى تبي تروح:خجل:
