*-* أوصف حالتك ببيت شعر *-*
http://up.3ros.net/get-7-2009-198ydphw.gif
*-* أوصف حالتك ببيت شعر *-*
اتيت لكم بفكرة جميلة جداً و هي للكل
و الكل ممكن يشارك فيها
و تتلخص بالعنوان
أوصف حالك الحين ببيت شعر
أما تكتبه أو تكون قريته أو سمعته
و يمثل حالتك اللي أنت عليها الآن
و سواء بيت شعر أو نثر أوخاطرة قصيرة
و اللي بعدك ممكن يتفاعل مع
حالتك و يكون شايف بيت شعر ثاني
يمثل حالتك انت يا اللي قبله و يكتبه
أتمنى من الجميع التفاعل
و بالتوفيق للجميع
http://up.3ros.net/get-7-2009-dhdwyrnm.gif
رد: *-* أوصف حالتك ببيت شعر *-*
شوق يجتاحني ويهد اركاني
وارتعاشات حنين
تسري داخلي
فكم اشتاقها الآن
لازلت اتذكر تلك اللحظات
حين لقائنا
ويدي تعانق يديها
وكل الكون يرقص طربا لنا
حتى تلك الامواج
تشهد على لحظات اللقاء الحالمة
لحظات اتمنى ان تتكرر يوما
المتألقة همس الروح
يسعدني ان أكون اول المشاركين هنا
فكرة رائعة وليس ذلك عليك بغريب
فأنت مبدعه بالفطره وستتكرر زيارتي هنا
لك خالص تحياتي وفائق احترامي وتقديري
رد: *-* أوصف حالتك ببيت شعر *-*
كفاني منبع الأحزان تفجر فيه شرايني
أحاول أكرهك لكن فؤادي ماكره إنسان
رد: *-* أوصف حالتك ببيت شعر *-*
اعاتب النوم كنّه فرحة سنيني
تطل ساعة زمن وحدة وتنساني
لي يوم كامل ونومي مادخل عيني
قاعد على شرفة اللوعات وحداني
رد: *-* أوصف حالتك ببيت شعر *-*
قَوَاقِعُ الْبَحرِ هَمَستْ
لي بِحِيرةٍ عَنْ أَشيَاءٍ ..
تَسْكُنُنَا ..
تَسْحَقُنَا ..
تُشَتِتُنَا ..
وَلَكِنِّا نُصَارِعُ كُلَّ ذَلِكَ ..
لِتَنْبِضَ قُلُوبُنا بِالْحُبِ ..
رد: *-* أوصف حالتك ببيت شعر *-*
اتظاهر اني بخير وانا ماني معك
لان جروحي ماانتهت ومالها طبيب
رد: *-* أوصف حالتك ببيت شعر *-*
يا صباح الخير يا رقة كلامه
يا صباح الورد في غصونه
نظرته تروي عطش وابتسامه
وطلته تداااوي قلب مجنونه
رد: *-* أوصف حالتك ببيت شعر *-*
يارب اشكيلك بحالي
شكوى لغير الله مذله
لو مر وقتي ما صفالي
محدن بيسعفني سوى الله
___________________
اخطيت يوم اني طلبتك حنانك..
لاصرت فاقد شيء اش لون تعطيه؟؟!!
مهما نطق لي بالمشاعر لسانك....
شي بدون احساس ما اقتنع فيه...
رد: *-* أوصف حالتك ببيت شعر *-*
ليت المسافة بيننا بس مترين...........تمشي متر وامشي متر ونتلاقى
http://forums.graaam.com/up/uploaded...1247669051.jpg
رد: *-* أوصف حالتك ببيت شعر *-*
لا تردد في غرامي ابتسامي دمع
وسكوتي كلامي
افتح يدينك ل شمسي ول هبوبي
كحل عيونك بدمعي وب شحوبي
واعشق الهم اللي فيني
هذا إن كانك تبيني
اختر الحل الصعب يا تفارق يا تحب
رد: *-* أوصف حالتك ببيت شعر *-*
[fieldset=يجي لك يوم]
سرقتك بالزمن لحظه وعشتك بالفراق اوقات
ولا ادري وش بقى لي بالعمر من دون لحظاتك
أحبك .. رحت ادور في قواميس البشر كلمات
عجزت القى حروفٍ تستريح بصدر كلماتك
أحبك .. يا ندى فجر الجروح وصحوة العبرات
أحبك .. كلمـةٍ تبكـي معـانيها على شفـاتك
تظنين الوفا كلمه عجب واصل الوفا وقفات
صغير الشي في ظنك يصير اكبر معاناتك
تردين الخطا يمي .. تزيدين الالم شرهات
وانا صمت الشقا فيني حكى من كثر شرهاتك
توالت كلها فجأه .. تعاظم بالحشا صدمات
يجي يوم وتواري شمسنا من ليل صدماتك
[/fieldset]
رد: *-* أوصف حالتك ببيت شعر *-*
فارقت من لاكان ودّي أفارقه ii"
" عقب الصلاة وتوّها الشمس شارقه
الفجر يوم الناس تسعى لرزقها "
" أنا عيوني بازرق الدمع iiغارقه
بكى وأنا أبكي يوم وقّفت أودعه ii"
" والكل منّا يذرف دموع iiحارقه
رد: *-* أوصف حالتك ببيت شعر *-*
[fieldset=دفتر قصيدي]
تـريّـث يـاصـدى صـوتـي وخـفـف نـبـرة الأحـزان
تـعـلّـمـ مـن نـزيـف الـجـرح كـيـف اصـبـر عـلـى هـمـي
أنـادي والـسـمـا غـيـمـة تـثـور بـداخـلـي بـركـان
ودفـتـر مـن قـصـيـد الأمـس عـلـى جـال الـبـحـر مـرمـي
[/fieldset]
رد: *-* أوصف حالتك ببيت شعر *-*
ليش تزعل وانت ماتعرف ظروفي
ليش ما تسمع كلامي للنهاية
اقتنع بالعذر ترضيكم حلوفي
والله ان اللي حصل ماهو برضاية
من وعدني بلتزم بالوعد يوفي
ليش تلعب بي وتلعب في هواية
رد: *-* أوصف حالتك ببيت شعر *-*
لا تكن عادياً..
فقد مل الناس التكرار...
وإياك أن تكون مختلفاً...
فلن تلاقي إلا الامتعاض..
واحذر المثالية..
فلا أحد يطيق الكمال..
أتدري؟؟..
كن كما أنت...
فمهما كانت النتيجة...
لن يرضى عنك سوى القلة...