][ يهمني رايكم جدا جدا ][
http://up.arab-x.com/Aug09/UC458169.gif
بصراحة عندي كلام يمكن لو أقوله لكم ما تصدقوا انه في بشر
بهذي القسوة والجبروت
وراح اكتبه لكم بالعامية يعني بلهجتي
عندي جارة الله يصلحها ويهديها معاملتها مع أولادها
قمة القساوة احيانا اشك في إنهم أولادها لا حب ولا حنان وإهمال درجة
أولى لهم وزوجها طبعا زيها لا هو اللي مربي أولاده وشايف أمورهم
ولا هو اللي ماْدب زوجته
يعني حاتط يده في موية باردة الله يهديهم ويصلح حالهم
المهم هذي الجارة ما تجلس معاها شغالة من قسوتها وظلمها وتعذيبها لهم
كل ماجاتها شغالة هربت
إلا الشغالة الأخيرة اللي راحت فيها المسكينة دئلت
شفتوا أنواع التعذيب اللي الكفار يسوووها في المسلمين هذي كذا تسوي في شغالتها
لدرجة اني مرة شفت الشغالة في الحوش وباب الشارع كان مفتوح
جارتي شافتها وخافت إن الشغالة تطلع براا راحت شدت شعرها وضربتها كف من غير سبب
وسكرت الباب انا خفت من اللي شفته وقلت مستحيل تكون طبيعية
قررت انا وجارتي الثانية اننا نروحلها نبغى نشوف الوضع كيف
دخلنا وشفنا آثار حرق وضرب على يد الشغالة وجسمها ووجهها
وحسينا إن الشغالة عايشة في رعب وعذاب
المهم قلنا للجارة انه عندنا عزيمة ونبغى الشغالة كم ساعة عشان تساعدنا
في التنظيف الجارة وافقت على إنها ما تطول عندنا
احنا قلنا كذا بس عشان نبغى نعرف ايش مسوية في الشغالة
وأول ماخرجنا ومعانا الشغالة جلست تبكي
وطلعت كل اللي في قلبها قالت إن الآثار هذي كلها آثار كوي ويوميا تضربها
وتحرمها من الأكل وشرب الموية وتقفل عليها الثلاجة بالمفتاح
عشان ماتاخذ شي حتى موية الشرب ممنوع تشرب من مويتهم
تشرب من الحنفية وبس
وإذا راحت تنام المسكينة ودتها المجرمة على عتبة باب السطوح
يعني ممر تنام فيه لا مكيف ولا مرتبة ولا حمام جنبها وانتوا بكرامة
وتقفل عليها باب الشقة من جوا وباب الحوش
عشان إذا عطشت ولا تبغى تروح الحمام ما في مجال
وغير كذا لها سنتين عندها وما شافت الراتب وتقول الشغالة كان المفروض
إنها تسافر لان مدتها انتهت بس الجارة تقول غصب تجلس سنة
يعني مستعبدتها استعباد
الحيوان حرام يسووا فيه كذا فما بالكم إنسانة
المهم أنا وجارتي الثانية خفنا على الشغالة وفكرنا نهربها أو نوديها المكتب
استشرنا أهالينا قالوا المكتب ما راح يأخذوها إلا بأصحابها أما من ناحية تهربوها فهذا غلط
وراح تحطوا نفسكم في مشاكل انتوا في غنى عنها
ضميرنا يؤنبنا صرت احلم فيها وأفكر كيف أنقذها
وأنا أشوف الشغالة تتعذب من غير وجه حق من إنسانة متوحشة
عديمة الضمير و مو قادرة اسويلها شي !!
جاتني فكرة أنا وجارتي إننا نواجه صاحبة الشغالة ونحطها قدام الأمر الواقع
وإننا بنسفرها على حسابنا بس خفنا إنها تعرف
إن الشغالة شكلتنا تقوم تسوي فيها جريمة و تذبحها من القهر
والله مو عارفين ايش نسوي
ولا تقولوا ممكن تكون الشغالة تكذب انا اعرف جارتي
واعرف اسلوبها ومعاملتها ماتخاف الله في احد
سؤالي لكم :
هل في حل ثاني لمساعدة هذي الشغالة وإنقاذها من الجارة ؟
ولو انتوا مكاني ايش راح تسووا ؟
انتظر آراءكم لأنه جد الموضوع ماينسكت عنه
ولكم مني اعذب التحايا واجملها
http://up.arab-x.com/Aug09/Y0h58169.gif
رد: ][ يهمني رايكم جدا جدا ][
نوران ورب البيت اني مصدومه بجد هذي كيف عايشه الله لايوليها على هالمسيكينة
ماتخاف الله يصيبها في نفسها ولا اولادها من ظلم الشغالة
لاقوة الا بالله ناس مافي قلوبهم رحمه
الله ينقم من هالظالمة
بالنسبة للشغالة مااقول الا حقوق الانسان اتوقع هذا الحل ان شاء الله ينصفونها
رد: ][ يهمني رايكم جدا جدا ][
ونزعل لما مصر تطلب استقدام خادمات سعوديات
كما تدين تدان
الشغالة لها رب ينتقم لها لا تخافي
يتوقعن بعض النساء ان الخادمة لا تملك قلب وليس لها رب يرى
لو كانت كافرة ومظلومة سينتقم الله لها
اعرف لك وحدة مثل جارتك ولقت شغالتها على السطح
قالت وش تسوين هنا قالت ادعي عليك مباشر عشان ربي يشوفني
الله اكبر لو يدري الظالم ما ينتظره لتوقف عن ظلم البشر
بالنسبة للشغالة بيجي لها يوم وتهرب لانها ماراح تتحمل
وبالنسبة لقسوتها مع اولادها فاذا كانت قاسية مع فلذات كبدها كيف ترجي منها رحمة خادمة
هذي الانسانة ميتة الاحياء الا ان يرسل لها ربها صاعقة
انصحيها وذكريها بقوة الله فمن دعته قدرته على ظلم الناس فليتذكر قدرة الله عليه
نوران غرابيل
الف مليار مبارك عيوني الاشراف وتستحقينه يا مشرفتنا الغالية
رد: ][ يهمني رايكم جدا جدا ][
اقتباس:
جاتني فكرة أنا وجارتي إننا نواجه صاحبة الشغالة ونحطها قدام الأمر الواقع
وإننا بنسفرها على حسابنا
ما أتوقع انه بيفيد
بالعكس يمكن تكابر قدّامكم وتزيد عليهم قسوة سواء عيالها او الخادمة
صاادقة وجن ممكن حقوق الانسان
ممكن تودونها مستشفى وهناك تعترف بسبب الآثار ويكتب محظرمن قبل الشرطة ويحاسب الأهل وتسفّر الشغالة بنفس الطريقه اللي خذتوها بها << تخيلت فلم
الله لايلومني الله ماتخيلت فيه أحد بهالقسوة
الله يكون في عونهم
ويجزاك خير على اهتمامك
تحيتيـ
رد: ][ يهمني رايكم جدا جدا ][
لا حول ولاقوة الا بالله الله يعينهم
والله مدري شقول طيب جربو خلو الخدامه تشتكي عليها
واذا تبين نصيحتي حاولي تساعدينها من بعيد لبعيد احسن لك عشان المشاكل
او شوفو احد ثاني يعني مثلا امام المسجد يوجههم وينصحهم يعني خلي المسأله بيد الرجال احسن
الله يهديها ويشفيها لانها مسكينه مريضه الله يعينها ويعين عيالها..
تقبلي مروري ..
رد: ][ يهمني رايكم جدا جدا ][
اقتباس:
المشاركة الأصلية كتبت بواسطة وجن محمد
نوران ورب البيت اني مصدومه بجد هذي كيف عايشه الله لايوليها على هالمسيكينة
ماتخاف الله يصيبها في نفسها ولا اولادها من ظلم الشغالة
لاقوة الا بالله ناس مافي قلوبهم رحمه
الله ينتقم من هالظالمة
بالنسبة للشغالة مااقول الا حقوق الانسان اتوقع هذا الحل ان شاء الله ينصفونها
والله مااظن عندها ذرة خوف من الله
ولا ماكان سوت فيها اللي سوته
طيب كيف نقولهم عن الشغالة اخاف مايصدقونا :(
شاكرة رايك وتواجدك العطر يالغالية
رد: ][ يهمني رايكم جدا جدا ][
اقتباس:
المشاركة الأصلية كتبت بواسطة ( غربة الروح )
ونزعل لما مصر تطلب استقدام خادمات سعوديات
كما تدين تدان
الشغالة لها رب ينتقم لها لا تخافي
يتوقعن بعض النساء ان الخادمة لا تملك قلب وليس لها رب يرى
لو كانت كافرة ومظلومة سينتقم الله لها
اعرف لك وحدة مثل جارتك ولقت شغالتها على السطح
قالت وش تسوين هنا قالت ادعي عليك مباشر عشان ربي يشوفني
الله اكبر لو يدري الظالم ما ينتظره لتوقف عن ظلم البشر
بالنسبة للشغالة بيجي لها يوم وتهرب لانها ماراح تتحمل
وبالنسبة لقسوتها مع اولادها فاذا كانت قاسية مع فلذات كبدها كيف ترجي منها رحمة خادمة
هذي الانسانة ميتة الاحياء الا ان يرسل لها ربها صاعقة
انصحيها وذكريها بقوة الله فمن دعته قدرته على ظلم الناس فليتذكر قدرة الله عليه
نوران غرابيل
الف مليار مبارك عيوني الاشراف وتستحقينه يا مشرفتنا الغالية
لو تنفع فيها النصيحة كان نصحتها
بس قلبها من حجر ماغير تزعق وتخاصم وتقول مالكم شغل
انا ماكتبت الموضوع الا بعد مايئست منها وحسيت انه مافي حل
يبارك فيك ياعمري
اسعدني مرورك المنور غربة الروح
فدتك وفديت طلتك الرائعة
رد: ][ يهمني رايكم جدا جدا ][
لاحول ولاقوة الا بالله
نوران خذوها للمستشفى وهناك نفس الدكتور راح يتصرف
لانه بيرفع اوراق الحروق والضرب
للشرطه ومنها صدقيني راح يبتدي الموضوع ينكشف
وانتي لو تعرفي دكتور ملتزم ومتدين توكليه بالامر لانه مافي مسلم يرضى بذا الشي
ولو حابه تاخذي اجر اكثر شوفي رقم حقوق الانسان وبلغي على الحاله
وربي يمهل ولايهمل
الله يهديها ويصلح امرها اصعب شي بالدنيا الظلم وهذي الظاهر ماعاد فيها اي احساس
ربي يجزاك الجنة اختي الغالية ويكتب كل شي بميزان حسناتك.........
رد: ][ يهمني رايكم جدا جدا ][
اقتباس:
المشاركة الأصلية كتبت بواسطة أنـ الذكريات ـين
ما أتوقع انه بيفيد
بالعكس يمكن تكابر قدّامكم وتزيد عليهم قسوة سواء عيالها او الخادمة
صاادقة وجن ممكن حقوق الانسان
ممكن تودونها مستشفى وهناك تعترف بسبب الآثار ويكتب محظرمن قبل الشرطة ويحاسب الأهل وتسفّر الشغالة بنفس الطريقه اللي خذتوها بها << تخيلت فلم
الله لايلومني الله ماتخيلت فيه أحد بهالقسوة
الله يكون في عونهم
ويجزاك خير على اهتمامك
تحيتيـ
مو هذا اللي خلانا نتردد ومانقولها خوفا على الشغالة منها
والله فكرة كمان روحة المستشفى
يمكن هما يلاقوا حل بس تتوقعي الشرطة تصدق كلام الشغالة ولا لا ؟!
<<<< صارت متعقدة من كل شي
شاكرة طلتك الرائعة غلاتي انين
منورة ياعسل
رد: ][ يهمني رايكم جدا جدا ][
لا حول ولا قوة الا بالله
مشكلة يعاني منها الكثير وهي تعبر عن قسوة في الطفوله
وبالتوفيق
رد: ][ يهمني رايكم جدا جدا ][
,’
لاحول ولاقوة إلا بالله
بالله من جد في ناس كذا ؟؟
طيب نوران جارتك هذه مالها رجّال أو أحد كبير ؟
وصلو الموضوع لعمدة الحي :مزون:
والله جد أتكلم خلوكم كلكم يالجيران يد وحدة
واشتكو عليها .. إلا مايوقفها أحد عند حدها !
اللي عندها انسانة قبل لاتكون شغالة تشتغل ببيتها وتستلم منها مرتب !
حسبي الله عليها بس
والله يهديها
,’
رد: ][ يهمني رايكم جدا جدا ][
[align=center][table1="width:95%;"][cell="filter:;"][align=center]
أنا من رأي انكن تقاطعونها وتجفونها وبقسوة يمكن تحس وبلغوها انكم لايمكن تعاشرون انسانه مالها قلب وانكم شفتو اللي تسويه بالشغاله
عسى الله ينفع بالحل هذا
[/align][/cell][/table1][/align]
رد: ][ يهمني رايكم جدا جدا ][
؛
الفاضله .. نوران
الله يجزاك الف خير ..
طيب بلغو عنها العمده زي ما قالت ( هاجر
او قولو لها تروح للجوازات .. او وصلو الكلام ذا لأمام الحي .. يمكن يساعدها ..
/
للاسف ..
ان البعض .. يعذب و يهين الخدم ..
و بعدها يجي يشتكي من ( السحر و غيره ..
"
شكراً لك
؛
رد: ][ يهمني رايكم جدا جدا ][
لاحول ولاقوه الا بالله,,
حسبي الله عليها الظالمه ,,
هذي ماتخاف ربي..
ماتخاف من الشغاله انها ممكن تحقد عليها وتسوي لها شي هي او عياالها..
شووفي انا اتووقع الشرطه هي الحل.,,
وربي يعينك على فعل الخير,,
ومسااعده هالمظلومه,,
رد: ][ يهمني رايكم جدا جدا ][
حسبي الله ونعم الوكيل انا مع اختي وجن مالك الى حقوق الانسان
في قصه حصلت معي اختي نوران انا كنت في مشغل واعرف وحدة فلبينيه تشتغل هناك ودائم اخذ وادي معاها في الكلام المهم من السوالف الي دارت بيننا سألتها اذا كانت مسلمه ولا لا طلعت مو مسلمه قلت لها ليش ما تسلم وتدخل في الاسلام قالت ان اختها كانت تشتغل عند وحده ظالمه مثل جارتك شافت منها انواع العذاب وفي النهايه اختها هربت لشرطه والله فكها من هذي الحرمه وتقول اذا كان الاسلام كذا انا ما ابغاه في معنا كلامها تعرفين هي فلبينيه كلامها مكسر
الله يعطيك العافيه