كانوا مقررين لي عمليه والحمدلله ولدت طبيعي تعالوا اقولكم شلون لفيت راس البيبي

السلام عليكم
شلونكم بنات
انا لفيت ودخت بالنت والمنتديات ابي احد يفيدني مالقيت موضوع لقيت بعض الردود ساعدتني
الحمدلله من كم يوم ولدت
القصه انه البيبي كان راسها تحت بس اول مادشيت التاسع لفت راسها صارت بالعرض
اول مره تصيرلي
هذي ثالث ولاده لي
دكتورتي ريم الخرس بالسلام
قالت انطري يمكن تلف بنص التاسع
نطرت مالفت
قالت مالج الا عمليه
طبعا زعلت وقمت ادعي
مابي عمليه لاني ادري صعبه ومخاطرها واجد
مرت ولد خالتي للحين ماتقدر تشيل شي ثقيل او تشتغل تتألم من ولادة ولدها وهو عمره 6سنوات
المهم قمت اسال وافرفر بالنت
قريت عن لف راس البيبي بس له مخاطر
قلت لدكتورتي لفيها
قالت خطر وممكن احاول الفه بس نجهز غرفة العمليات لو مانفع المحاوله
ومن اللف البيبي يتعب حيل
خرعتني قلت مابي اغامر
وبغيت استسلم واخليه تدخلني عمليات
بس قلت احاول عند محسن طلبه
الكل يمدحه وبعض الردود شجعتني
رحتله وقلتله السالغه
قالي اخذي نفس ولفه بايده ووراني الراس بالسونار تحت
وقال امشي واشربي خروع وكف مريم
حاولي تولدين باسرع وقت لانه الراس ممكن يرد يلف
خفت وقلت السالفه لدكتورتي ريم
قالت روحي الطواريء اولدج قبل تلف
ورحت والحمدلله ولدت
انصحكم بالسلام و بابرة الظهر وبدكتورتي
بس ان قالت عمليه روحوا لمحسن يلفه
ادعولي الله يحفظ عيالي
بس حبيت افيدكم