[align=center]السلام عليكم والرحمه
فيه وحده من الاخوات سألت عن طبخ الضب والناس يختلفون بطبخة بس بعطيكم طريقتنا
اول شيء يقطع الراس واليدين والرجلين وينطلن ويشق بوسطه وينظف وحطي الثروب على جنب بصحن مع بيضة
ثم عاد
أما أنه يسلق في مويه مع شوي كمون وملح مدة عشر دقايق تقريباً عشان تنسلخ القشره اللي عليه وتقدرين تشيلينها
او يشوح على النار عشان تقدرين تشيلين القشره
بعد ماتشيلينها
فيه ناس يقطعونه وناس يحطونه كامل بكيفتس
كبي مويته الاوله وغيريها وحطي عليه ملحه وبهاراته وكمونه وبصله وحطي عليه ثروب وبيضه وطبخيه لين يستوي عاد على حسب حجمه مدة طبخة يمكن حول ساعه الا ربع
بس هذي مرقته
وذا تبين تكبسين عليه لاتحطين الثروب مع مرقته حطيها مع بصل مقطع وشوي سمنه وطبخيها شوي
وكبي رزتس على الضب ومرقته ولا تشارب الرز كبي الثروب اللي مع السمنه فوق الرز
وانتسبيه
وبالعافيه[/align]
