== حتيش يالمغرب وجو الطبيعة ==
لكم الجديد
http://www.rofof.com/dw.png
[poem=font="simplified arabic,7,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""] حتيش يالمغرب وجو الطبيعة = مالي بها لوكان وقتي حداني
ويلي على شوفة نخيل الضبيعة = ترى الضبيعة جوها جو ثاني
دارٍ مكانتها بقلبي رفيعه = وأهل الضبيعة قدرهم بالمحاني
ربعي هل الهدلا حصونٍ منيعه = ياطيب عجمان الرخم فالمكاني
قصيرهم يرقى بعال الرفيعه = من عرضهم مافيه قاصي وداني
ياطيبهم طيباه علمٍ وأذيعه = أفخر بهم علمٍ يصك الأذاني
سبعان يوم إن المواقف شنيعه = وشجعان مافيهم ردي وجباني
لهم مع الحكام وقفه وبيعه = من عصر أبوتركي إلى هالزماني
ثنتين تكفيني بليا نزيعه = أعدها وأنا عريب المجاني
يوم الرغامه وإن بغيت الوديعه = متنطحين الموت جيته وجاني
أفعالهم تعرف ولاهي بديعه = مع معزي لين زان المكاني
من غير قاصر والقبايل شجيعه = تاريخهم يرفع بروس المباني
شدتني حميا بمدح الضبيعه = وأنا عليها والجماعه ماأداني
[/poem]
وسلامتكم
رد: == حتيش يالمغرب وجو الطبيعة ==
.
ابو هادي
والله ان تحجــز لي
1/
ولي عوده
.
رد: == حتيش يالمغرب وجو الطبيعة ==
وأنا حطني وزان محمد .. ^_* ..
\\ 2 //
صح لسانك ولي عوده قريبه جداً
رد: == حتيش يالمغرب وجو الطبيعة ==
وأنا عليها والجماعه ما اداني
الله الله الله
كفو يابوهادي
الضبيعه واهلها مشتاقين لك
صح لسااااانك ملايين
ماخلّيت لنا درب نجاريك
بيّض الله وجهك وكثر الله من امثالك
غالي يابوهادي
لك فائق التقدير
رد: == حتيش يالمغرب وجو الطبيعة ==
رد: == حتيش يالمغرب وجو الطبيعة ==
جزل يابوهادي
ونعم بك وبسبيع كلها
وترجع بالسلامة إن شاء الله
صح قلبك وكلك
وسلمت اناملك
تحيتي لك
رد: == حتيش يالمغرب وجو الطبيعة ==
السلام عليكم ورحمة الله وبركاته
صح لسانك وعلا شانك
الفخر بالأهل شأن الرجال
قصيـرهـم يـرقـى بـعــال الرفـيـعـه
من عرضهـم مافيـه قاصـي ودانـي
من عرضهم : اي من حسبتهم ، مثلا بمثل
قصيـرهـم يـرقـى بـعــال الرفـيـعـه
من عدهم مافيـه قاصـي ودانـي
يعطيك الف عافية
رد: == حتيش يالمغرب وجو الطبيعة ==
رد: == حتيش يالمغرب وجو الطبيعة ==
صح لسانك يابو هادي ويالبيك يالضبيعة الله لايحرمك ولايحرمنا..
رد: == حتيش يالمغرب وجو الطبيعة ==
اقتباس:
المشاركة الأصلية كتبت بواسطة محمد نايف العتيبي
.
ابو هادي
والله ان تحجــز لي
1/
ولي عوده
.
ارحب يابونايف بكل حالاتك
رد: == حتيش يالمغرب وجو الطبيعة ==
شدتني حميا بمـدح الضبيعـه
وأنا عليها والجماعـه ماأدانـي
,
,
الله ,, الله
عبدالله بن راجس ,,
صح لسانك ولاهنت
رد: == حتيش يالمغرب وجو الطبيعة ==
شاعرنا العلم/ عبدالله بن راجس
حي الله هذا التشريف
حي الله هذه الجزالة
سعـدنـا بعـودتـكم
عودآ حميدآ والقلوب تهلهلت.........والسعد غرد والكفوف تعطرت
أهلا بكم وبجودكم ورحالكم........ حطت ,فعاد النور حيث تنورت
رد: == حتيش يالمغرب وجو الطبيعة ==
الله الله يا أبو هادي
الله يخلي الضبيعة وأهلها
وترجع لنا بالسلامة
رد: == حتيش يالمغرب وجو الطبيعة ==
صح لسانك واعتلا شانك
قصيد جزل
تقبل مروري
دمت بخير
رد: == حتيش يالمغرب وجو الطبيعة ==