مرحوم ياقلب(ن) من الحب منصاب
السلام عليكم ورحمة الله وبركاته
صباحكم \ مساكم
خير
مرحوم ياقلب(ن) من الحب منصاب
وكريم يادمع(ن) عشانه ذرفته
من يوم نور الحب قي ظلمته غاب
كاس العواطف من صدوده كسرته
بجبر عزاه بدمعت(ن) بين الاهداب
مادام من ظلم المشاعر كشفته
حبه سراب وطعنته مالها اسباب
واعتب على يوم(ن) بعمري عرفته
دام الوهم يفتح باسم مثله ابواب
ماله عذر وانا بسجلي حذفته
ماكبر من ظنون العتب غير الاتعاب
ولا اقسى حبيب الا حبيب(ن) صدفته
حارت مشاويري على جرح وعتاب
وخيط الفرح عن دنيتي كم صرفته
فيني خيال وصمت في داخلي ذاب
شعور مادري كيف والله وصفته
من يتبع المقفين ياناس وش جاب
غير الفراق اللي بعمري كسبته
ياشباح ياسي يوم حظ الهوى خاب
وش عاد باقي والعذاب احترفته
حلم الدموع بنظرة الجرح ماهاب
وقد لي سنه بالتجربه كم جرفته
بيت الجفا يبنى على غيض الاصحاب
ونبع الخيانه من وليفي غرفته
من حبني من قلب يبشر بالاعجاب
ومنهو نساني من سجلي حذفته
وسلامتكم
لشاعر: بدر الشافي
