عمليتي مع الدكتور جمال جمعه

اليوم راح اكتب لكم تجربتي مع دكتور التجميل جمال جمعه انا سبق وكتبت تجربتي مع الدكتور الفاشل علاء النجار ونزلتها اهني بالمنتدى
طبعا اليوم صارلي 15 يوم من بعد العمليه بالضبط و 3 ايام من بعد مافكيت الجبيرة
نتيجه العمليه مو مقتنعه فيها اصلا خشمي صار مثل خشوم الاسيويات ومااحب اشوفه بالمرايه اصلا وبس اصيح عليه
جمال عدل لي الانحراف اللي بالارنبه وكان شغله بالارنبه وعظمه الانف صلح الخراب اللي عمله علاء بالعمليه الاولى
لكن همل تصغير عرض الانف وطبعا الكل عارف الشغل لازم يكون على الاثنين عشان يصير الانف متناسق وطبعا صار يبين تجميل لكن خشمي صار بشع ومااحب اشوفه مع العلم قبل العمليه قلت للدكتور وحرصت عليه ابيه يصغر فتحات الانف ومارضى قال مافي مجال بالانف ومع هذا اصريت عشان يكون شكله اجمل لدرجه كتبني تعهد قبل العمليه انو هو راح يصغرهم وماله شغل بالنتيجه شنو ماكانت ومع هذا ماصغرهم

بعد ماطلعت من العمليه و اوتعيت من البنج ماكنت حاسه بالدنيا لانه عمليتي كانت صعبه وبدل ماتستغرق ساعتين ونص صارت خمس ساعات ونصف يوم ثاني قبل مااطلع من المستشفى جاء مساعد الدكتور دكتور باسل وشال الفتايل وجلس يتكلم معاي سألته شنو سوى الدكتور بخشمي قال عدل الانحراف وشال الاشياء اللي حاطها دكتور علاء النجار اشياء مالها داعي سألته دكتور الدكتور صغر الفتحات قال لي لا لانه العمليه استغرقت 5 ساعات ونصف قلت له دكتور بس هذا طلبي وانا اكدت عليه قبل العمليه قال لي ان شاء الله بعد ماتفكي الجبيره وتشيلي الخيوط ان شاء الله تعجبك النتيجه نقدر نعملها لك بتخدير موضعي وكلها نصف ساعه فقط وخلص انزين ابي افهم ليش شنو الجسم اللي يتحمل اكثر من عمليه وليش ماسواها لي مره وحده مع العلم ان الدكتور بالرياض وانا من الشرقية يعني مو جنب بيتي وبسهوله اروح له
غير هذا سألت الدكتور قبل العمليه دكتور انت تتواصل مع المرضى قبل مادخل غرفه العمليات قال اي طبعا نتواصل بعد العمليه قلت له تلفون اتابع معاهم قال اي
المهم بعد مافكيت الجبيره اهني بمستشفى بالشرقيه وشلت الخيوط الناس تفرح اول ماتشيل الجبيره بس انا صحت خشمي صار مثل الاسيويات في طول بس احسه مفشوخ صار حيل عريض طبعا كلمته مارد عليي وهم كلمت سكرتيرته ماردت الا عقب 3 ايام كلمي الدكتور بعد 10 المساء يكون خلص عيادته المهم كلمته ومارد وانا ابي اطمئن على خشمي هذا كل اللي ابيه واساله ليش ماعمل لي الفتحات ومتى اقدر اسويهم لكن لا رد الدكتور في التواصل مع المرضى صفر وحيل ندمانه اني سويتها عندها غالي وكلفتني كثير بس النتيجه غير راضيه عنها بشعني وندمانه حيل ليش مارحت ايران وهم محترفين هذه كانت تجربتي مع دكتور جمال جمعه