.,: المحروم ما ينعطا وجْـه :,.

المحروم ما ينعطا وجْـه


ماهو بكيفـك عقـب شـيٍ حصلـي

من ذوّق المحتاج يصبر الى احرجْـه

خليتني مـن حلـو حاليـك احلـي

واصبحت مدمن حب والقلب روّجْـه

بين العروق وصار مافيـه " ملـي "

ولاا ولـه جُـرّه تمـرّه وتسهَـجْـه

وذود الغلا في عشـب قلبـي تفلـي

وتراب صدري للمطر منْك ما احوجْه

يمحل الى صدّيت ويموت يـا اللـي

صديت عنّـه والله احيـاه واخرجْـه

ولي خاطر ٍ يسألْك من لي ياخلـي؟

غيبتْك تلعب بـه وشوفتْـك تبهجْـه

ولي عين حالي دمعهـا لـك يهلـي

وانْ رحْت راحت مالح الدمع تزعجْه

غالـي ولا يحتـاج بسّـك تغـلـي

غلاك اخذ قلبي وروّضْه واسرجْـه

ولو قلـت ياعينـي بصـدره تملـي

شافت خفوق ٍ حبك الـذرْب توّجْـه

وماهو على كيفك عقب ما حصلـي

من ذوّق المحتاج يصبر الى ازعجْـه

عطيتني وجهـك وانـا جيـت كلـي

محروم والمحروم ما ينعطـا وجْـه

بواسطة: اجــوديــة