-
الرجم ابو غار
السلام عليكم ورحمة الله وبركاته
اخواني اعضاء منتدى غرابيل حبيت اشاركم بقصيده للشاعر الكبير /
عايض بن زيد المغيري العتيبي (رحمه الله)
واتمنى ان تنال على اعجابكم ويقول فيها....
عقب العشي عديت في الرجم ابو غار == رجمــاً يسمى بين عرعر وبالقـور
اجلس وحضــر لي هواجيــس وافكـار == ولانيب عن تشرفيـة الرجـم منكـور
وجدي وجـود مرفرف عقــب ماطــار == عقب الجوازي يدرج العش مكسور
أو وجد من ذوده معـــاشير وصغـــار == صبحــا الحــاكم علــى شقـــة النــور
ولي حضرهـــا ربعــــة مابــهم خـــار == مالـه جدي الا يضرب الكف ويجــور
يازيـــد ولـــم فـوق مـــا تقطع الـــدار == ورجي عساه لك تساهيــل وســـرور
ولـــم على اللي جنبها سبعـة اشبـــار == مهزومهــا وقــالو الجنــب مفجــــور
حمراً وسيـــع ثوبهــا شكلهـــا غـــار == حمى قـرى ولــون دبس بعـــد فــــور
ثلث السنــه ترعى زمــاليق الاقفـــار == وثلث السنه ترعى الحوايف مع الخور
وثلث السنه يخبطلها ورش الاشجـار == لين الشحم عدى على صوغت الكــور
وسلامتكم
واعذرونا على الاقصور
-
رد: الرجم ابو غار
لاهنت يالمغيري ولا هان شرواك وصح لسانك
ولسان شاعرها /عايض المغيري
تحياتي لك
-
رد: الرجم ابو غار
وعليكم السلام ورحمة الله وبركاته
الله يرحمه ويسكنه فسيح جناته
سلمت اخوي على الاختيار الرائع
لاهنت والله يالمغيري
-
رد: الرجم ابو غار
-
رد: الرجم ابو غار
مشكور صح لسان الشاعر وتسلم يمينك
بيض الله وجهك
-
رد: الرجم ابو غار
صح لسانك ولسانه
اختيار رائع لاهنت
-
رد: الرجم ابو غار
يعطيك العافية أختيار موفق