البواردي ممكن من وقتك !!!

[حاكم الشور]

السلام عليكم ورحمة اللة وبركاتة


مساكم اللة بالخير جميعآ

أخوي البواردي يشرفني اني

أخذ معك هالطاروق

وعلى اقل من مهلك وعلى فضوتك

استلم


يا مرحبا ياهلا ترحيب يرقى سنود = يدخل بيوت الرجال ويحسب حسابها

بلشت يا صاحبي بين العجم والهنود=أعدل هروجها واترجم كتابها

[العضو المنتدب]

الله الله
بلشت يا صاحبي بين العجم والهنود
أعدل هروجهـا واترجـم كتابهـا

الله يعينك
بدايه جزله من شاعر جزل
انا في الصف

[حاكم الشور]

العضو المنتدب

الله يعين الجميع

والجزالة مرورك

وسلمت ودمت

[عبدالهادي الجهني]

مشرفنا

صح لسانك

ما فيك حيله

ننتظر البواردي

[البــــــواردي]

وعليكم السلام ورحمة الله وبركاته ومساك الله بالرضا وحياك الله يا اخونا ومشرفنا حاكم الشور وانا اللي اتشرف طال عمرك .



استلم




دام البقا للصقوراللي تعلى الحيـــــــود=وان جا نهـــار الهدد تشبـــــع بمخلابها
ما عندك الا الصبر والتضـحية والصمـود= لين ان بقعــــــا تهيـــــــــد وتعقـل ركـابها

[البــــــواردي]

الاخوان ( العضو المنتدب وعبد الهادي الجهني ) الله يحييكم شرفتونا بهذا المرور الكريم ....ومشكورين

[حاكم الشور]

الله الله

يا سلاااااااام


نبا نشب الفتايل من شرار الزنود = ونشن هجمه على العدوان واصحابها

الصبر طيب لكنه لا تعدى الحدود = تزيد معه العلوم وتكثر انشابها

[حاكم الشور]

عبدالهادي الجهني


صح بدنك

ونشكرك على مرورك

ولك كل الود

[هداج تيماء]

الله الله الله


يا سلاااااااااااااااام



حاكم الشور والبواردي


صحت الالسن والقلوب رائعين


لا هنتوووا


سجلوا متابعتي وتراني في صف زميلي حاكم ولا يهون البواردي

[البــــــواردي]

طيب طيب


ترى فلسطين في قبضة عيال اليهـــــــود=والبيت الابيض جيوشه تفتل اشنـــــــابها
وفصايل القدس حالتها تعل الكبــــــــــود= تشابه احـــــوال صادقها وكــــــــــــذابها

[البــــــواردي]

حياك الله وبياك يا مشرفنا هداج تيماء ..صح بدنك والله لايهينك شرفتنا بمرورك الكريم

[حاكم الشور]

لا تحسبن الليالي سود ماهيب سود = تبا تزين الامور وتفتح أبوابها

خلك قريب هنيا ياعريب الجدود = يا سترها في نهار العسر وحجابها

[حاكم الشور]

هداج

يا ربي حي ها الطله والحضور

صح بدنك

ومرورك بسرني ويسعدني دائمآ

والصف يتشرف بوجودك

ولك كل الود

[البــــــواردي]

لا بد توضع رقـابة عند باب الصعود=والطــايرة ينعـرف مجموع ركابها
انا حزامك ودرعك يا سليل الفهـود=اليا ابتلينا دفنـــا القوم بثيابها

[حاكم الشور]

عان الرقابه على بعض المداخل قعود = تكتب جميع الحضور وتكتب غيابها



والنعم ياللي تحل المشكله والعقود = وليا لقيت الحيايا تقطع أذنابها

[البــــــواردي]

يا حاكم اهل الجمارك لوّو ماهم رقود=ماشفت راع الحروف ينقص اعرابها
وانته ونعميـن حين الصادره والورود= وان زاد حجم الدعاوي عندك اطبابها

[حاكم الشور]

أهل الجمارك ليا شافت حمار الخدود = قامت تحدر مع الوديان وأشعابها

خلك معي يا وسيع المعرفه فالوجود= نبا نصفي هل التكفير وارهابها

[البــــــواردي]

الله يعين القيادة ويتــولى الجنـــــــود= قدام سقم السنين تحـــــــــرك انيابها
انا معك واحتزم بي يا قوي العضـــود = وعطني وعد غزوة ام قرين واحزابهــا

[ابن نميش]

أهل الجمارك ليا شافت حمار الخدود
قامت تحدر مع الوديان وأشعابهـا


هههههههههههههههه


صح لسانك يا حاكم



وصح لسان شاعرنا البواردي


اشهد بالله انكم ابدعتم


لون العلم ملغم لاكن ما يخالف




عز الله اني ياغرابيل زملان وعيوف = لاكن بعض الشواعير تعجبني طواريقها

[حاكم الشور]

العود دايم يوقع في عيون الحسود=لا تلتفت فالجمال وعوجة أرقابها


بكره نسجلك فالغزوه بليا بنود = ثم احتزم بالسيوف وجود أنصابها

[حاكم الشور]

ابن نميش

يا هلا ومرحبا

من طول الغيبات جاب الغنايم

يالله حيه

وصح بدنك

والمعنى طيب يا طيب

ولا تلغيم ولا تحطيم

والابداع وجودك

ولك كل الود

[البــــــواردي]

مانلتفت يا شويري صوب عاد وثمود = والنـــار معروف مطفيها وشبابها
تبا تشوف الاصايل في نهار الوعـود =تعدي على القوم حتى تفني اسرابها

[البــــــواردي]

الله يحييك يا ابن نميش تشرفنا بمرورك الكريم وصح بدنك





اخوي حاكم الشور استاذنك عندي مشوار وسأعود باذن الله

[ابن نميش]

الشكوك زايله



والدعوى مزوح




و لا لونه ملغم كان طلعت علاك من الشاشه



يا حاكم



ثم الله الله لا يوريك


<<<يروعه الصفير توح واسكت

[حاكم الشور]

ابن نميش هين

أوريك خل المزوح

الليال طوال

مايروعني غير تفسيراتك الجهنميه

وجود معنا هو الروعه والوناسه

[حاكم الشور]

دامك لمحت البروق ولا سمعت الرعود= لا تبني الخيمه اللي ترقل أطنابها


بس انتبه فالمعارك لا تبيح السدود=وتموت كل الاسود وتذبح ذيابها


البواردي صح لسانك وترجع بالسلامه

الحقيقه اني تشرفت بهذه المحاوره معك

ولك كل التقدير والاحترام

وتصبح على خير انت ومن تابع معنا

[البــــــواردي]

اشوف راع الونيت اللي صدم فالعمود=عادات بعــض الاوادم تفقد اعصابها
لو رحلة الحج سلمت من صياح الزيود = يمدي ذهاب العرب ما خالف ايابها

[البــــــواردي]

حاكم الشور بكل تأكيد انا اللي تشرفت بك وباللعب معك

صح لسانك مدد بلا عدد وقد استفدت كثيراً من مجاراتك .....الف شكر لك والله يعطيك العافية ولا يهينك

وتصبح على خير وانا اخوك

[نياف العتيبي]

اشهد إنكم مبدعين


وصح لسااانك يالبواردي .. ولسانك ياحااااكم


استمتعت بحضوركم الرااااقي


ومعناكم المبهم .. وفقكم ربي


ولا اوصيكم تحالفكم .. نفذوهـ



الناااايف

[حاكم الشور]

البواردي

الله يعطيك العافيه

ويسلمك

شاعر ومبدع

انا ليت اتخارج بس

ههههههههههههه

في امل لقاءات أخرى

ولك التقدير والاحترام

---------------------------

نياف

يا مرحبا وياهلا

شرفت والله

والراقي مرورك

والابداع تشريفك

ولك كل الود

[ربح السبيعي]

الله الله الله


على الابداع


حقيقه محاوره رائعه وجزله وفتل ونقض


صحت السنتكم ولاهنتو جميعاً