الشمس غابت تحت ليل العباتي .. أبو راجس الدوسري

[عبدالله الخضاري الدوسري]

بسم الله الرحمن الرحيم


أبيات متواضعة أحببت المشاركة بها في هذا المنتدى الغالي على قلبي




يا الله يا اللي بامره الصبح ينباج
فرّج هموم الصدر واجمع شتاتي


جيتك وانا لرضاك يارب محتاج
ويا كثر سيّاتي وقل حسناتي


كم حاجةٍ من دونها صك مزلاج
ومفتاحها تسبيحةٍ في الصلاتي


يا الله يا المعبود عجّل بالافراج
واهد الشباب وثبّت المحصناتي


على سفينة نوح من فوق الامواج
ولا ناجي الا من طلبك النجاتي


يا زين لو قدمي تغنّج تغنّاج
جعلك فدا ماطا عفيف البناتي


اللي تموت ولا تمشّت بالابراج
دين وصلاح وزين دل وثباتي


الساق في الاسواق ماهو بدوّاج
والعين عين موحّشٍ في الفلاتي


في بيتها والبيت ماهو بمسهاج
ولا قالت لغير امّها : يا حياااتي


وان اطلعت حطّت على راسها تاج
والشمس غابت تحت ليل العباتي



محبكم
عبدالله بن راجس الخضاري الدوسري



::


::

[محمد الجبريني]

الشاعر عبدالله ابن راجس الخضاري الدوسري
صح الساانك وقالبك وفكررك قصيده جزله من
شاعرر جزل تقبل مرور وتقدير اخووك محمد

[تركي العطاوي]

يا زين لو قدمي تغنّج تغنّاج
جعلك فدا ماطا عفيف البناتي


مبدع يا الدوسري

[محمد بن ضاوي]

في بيتها والبيت ماهو بمسهاج
ولا قالت لغير امّها : يا حياااتي

بس لأمها ياحياتي؟؟؟؟؟ عاد لاتقفلها كذا ياعبدالله هههههههه

ترى المراره والمرارتين مافيها شي ههههههههههههههههه


عبدالله الدوسري..

صح لسانك ولاهنت على هالرائعه

[سامي العطاوي]

صح لسانك ياعبدالله

الله يصلح الجميع ويهديهم

دمت بماتحب

[رشيد الرشيد]

صح لسانك يابو راجس على القصيدة جزلة