من اجمل ماقرأت!!!!

[تاجر مواشي]

اغنام - ابل - دواجن - طيور


من اجمل ماقرأت!!!! (http://www.aghnam.com.sa/vb/showthread.php?t=293598)



كم راح من عمري وانا ودي اتوب
ولولا الهوى والنفس كان امس تايب
عشرين عام أمني النفس بالتوب
لين اكتشفت اني مع الوقت شايب
راحت حياتي بين طالب ومطلوب
ولي خاطر(ن) لو طبت ماهو بطايب
واخاف من يوم به الموت مكتوب
لاحولوا بي بين عوج النصايب
في منزل مظلم عن الناس محجوب
محجوب حتى عن نسيم الهبايب
وصارالكفن يا ناس يغني عن الثوب
وفارقت ربعي والأهل والقرايب
ماعاد فيها جاه وأموال وسلوب
ولاعاد فيها حب خشم وطلايب
خدعني التسويف وأغرتني دروب
من يامن الدنيا وغدر النوايب
يالله يافارج على كل مكروب
ياواحدٍ بامرك تهون المصايب
يا من تقلب بين أصابيعك قلوب
خلقتها من بين صلب وترايب
ياغافر لمن جا لك وكله ذنوب
عبدٍ ضعيف وجاك تايب ونايب
يارب لوقلبي صخر عندك يذوب
يامن لهيبتك الجبل خر ذايب
أتوب ثم اعود واعود واتوب
ماهي عجيبة وانت رب العجايب
من المهد للحد ترى الوقت محسوب
ماضاع شي وما بقى شي غايب
يارب مالي غير رحمتك مطلوب
من لي سواك إن جيت يارب تايب
كم راح من عمري وانا ودي اتوب
ولولا الهوى والنفس كان امس تايب

(((عقــــــــــاب)))

المصدر: منـتـديات أغـــنـام (http://www.aghnam.com.sa/vb) - من قسم: هـمس القــوافــي والخواطر (http://www.aghnam.com.sa/vb/forumdisplay.php?f=89)


lk h[lg lhrvHj!!!!