نبكية وكل المخاليق تبكيه

[زهرة الخزاما]

إنا لله وإنا اليه راجعون

ان العين لتدمع وإنا على فراقك يا ابا فيصل لمحزونون

رحم الله الامير عبدالمجيد واسكنه فسيح جناته

00000

000

0





ونّ القلم مِن ضيقته والحزن لِبْسَتْـه الحـروف
فـي ليلـةٍ مايطْمَـع السـاري بضـيّ هلالهـا
واللي يشوف اليا سرى فيهـا كأنّـه مايشـوف
كـنّ العيـون مقفّلـه دون النظـر باقْفالـهـا
حزنٍ على اللي يُعْتبر فَقْده منِ كْبـار الصـدوف
ليث الحجـاز اللـي مداهيـل الفخـر يرقالهـا
عبدالمجيد العارف اللي فِعْـل يمنـاه معـروف
عَـزْم وحـزِم والوافيـه تسعالـه ويسعالـهـا
امير مكه راعـي البيضـا أبـو قلـبٍ عطـوف
شيـخٍ تحـزّم للحمـول الكايـدات وشالـهـا
الشامخ اللـي وقفتـه وقفـه ولامـلّ الوقـوف
يسعى لراحة مِـن علـى مكـه تِشـدّ رحالهـا
عنّا رحل واحزاننـا دمـعٍ تصافِحْـه الكفـوف
نبكيه وابطال العـرب تبكـي رحيـل ابطالهـا
وعزّيت فيه اخوان نوره مروية حدب السيـوف
املوكنا اللي يَعْجـز التاريـخ حصـر افعالهـا
وعزيت فيه ارض الوطن من جده لشرق الهفوف
ومن الشمال اليا الجنـوب سهولهـا وجبالهـا
وعزّيت فيه المعتمر واللي على الكعبه يطـوف
وعزيت فيه اللـي لِفِعْـل الخيـر تَبْـذل مالهـا
وعزيت فيه اللي حَدتْه الحاجه وصعب الظروف
وعزيت فيه ام اليتامـى اللـي تضـمّ اطفالهـا
وعزّيت فيه ومِن بَعزّي فيـه واحبابـه ألـوف
تَدْعي لـه الـرّب الولـي باقفايهـا واقبالهـا
ويالله يامن صفّت لْك الخلق فالمسجـد صفـوف
اتلـوذ بـك ورضـاك غايتهـا وكـل امالهـا
نسألك تغفرله يـارب الخلـق يالبـر الـرؤوف
وتسكّنه خضـر الجنـان اللـي يظـل ظلالهـا
وتجبرعزا كل الوطن في راعي القلب العطـوف
ليث الحجـاز اللـي مداهيـل الفخـر يرقالهـا




ـــــــــــــــــــــــــ ــــــــــــ