السابع من مايو؟؟؟؟؟؟؟؟؟؟؟؟

[متحدي]

ليلة العشرين من شهر أربعه توقيت هجري=الموافق ليل سبعه مايو ايار الفرنجي
جيتكم من عصر مسرع خايف ان الليل يسري=ويرقدون أهل العلوم الي على ديني ونهجي

[حاكم الشور]

يا مرحبا وحياك الله

واتشرف باللعب معك


استلم

ليلة العشرين من شهر أربعه ماضاق صدري = الله اللي من شرور الوقت والايام ينجي


يا متحدي لا تخاف الليل تو الليل بدري = ودي اسمع هرجتك وانته بعد تسمع لهرجي

[متحدي]

الله يبقيك ويبارك فيك
الشرف لي لاعدمتك
واستلم



دونكم بابن وله شفره وله مفتاح سري=وان بغينا نتصل مافيه للجوال برجي
لو نظرنا لزمن من منطلق منظور عصري=كان مااصبح خصمنا بين العرب صانع ولحجي

[هداج تيماء]

يا سلااااااااااااااام عليكم


متحدي وحاكم الشور


بداية رااائعة لمحاورة غير


اتوقع ان تكون مميزة


صحت السنتكم وقلوبكم


متاااابع معكم

[حاكم الشور]

الله الله


استلم


لا تقص الجره اللي قصها عشرين مري = كل ليلة يسفي السافي على الجره بعجي

القضيه واضحه من دون لا بحث وتحري = والمساجين اربعة والقاضي المأخوذ زنجي

[حاكم الشور]

هداج


يا مرحبا ويا هلا

وصح بدنك


ومرورك هو الرائع والمشرف


ولك كل الود والتقدير

[نياف العتيبي]

اشهد انكم مبدعين يالاثنين


ابداااااع .. والله يعين الاربعه وشيخهم ..


ماينقصون ياحااااكم ..


تحياااااتي لكما


الناااايف

[متحدي]

الغريب الي سواتي يجهله ماكان يجري=في بلد مفتوح تأتيه البشر من كل فجي

كل ماارميلي حمامه يطلع المصيود قمري=والكتابه واضحه والناس تقراها تهجي

[متحدي]

هداج // نياف
تواجد عملاقين بحجمكم تشريف لاعدمتكم

شكرا لتواضعكم ومروركم الفاخر

تحياتي وتقديري لشخصيكما

[حاكم الشور]

العرب تدري وانا أدري وأنت يا رجال تدري =والمطيه ماعليها وسم وشدادٍ وخرجي

الحمامه والقماري كلها في وسط قدري = لا تسابقني مع الطرقه يا ابو رجلين عرجي

[حاكم الشور]

النايف


ياهلااااااا ومرحبا

شرفني مرورك

والابداع وجودك

والاربعه في دبرت الله

ههههههههههههههه

ويمكن يزيدون المساجين

ولا يفرج عنهم بالمررررررره

ولك كل الود والتقدير

[متحدي]

أه ياليتك تعرف السالفه ياليت شعري=والحيا يذكر يمن وزريق يم الشام دجي

الثنين الي علينا يرطنون أردو وعبري=ويش ترجي من ورى الاثنين قلي ويش ترجي

[حاكم الشور]

من يعرف يبيع وسط السوق بالاموال يشري=ماعليه من المحرج لو يصيح ولو يلجي


لا تشقى بالكلام اللي على الاوراق حبري = ثم يصيبك في عظامك من كلام الناس بنجي

[متحدي]

المكان العام يزهو باالفخر ويفوح عطري=والدلال مبهرات وداخن الازرق يعجي
والعشيه كن مابه زول !ماهو حسب خبري=غير فرسان اربعه وافكارهم قامت تسجي

[حاكم الشور]

الله الله

أستلم




المكان العام فيه العفش والاجواد نثري=كل خمسة مع بعضهم لاتزور ولا تحجي

العرب كلن على كيفه ولابه شي جبري=يمكن انه يرجع اللي من زمان العام هجي
وصح لسانك يامتحدي

وشرفتني بهذه المحاوره

الله لا يعسرنا

ولك كل الود والاحترام

[متحدي]

صح بدنك ياحاكم الشور

والشرف والاستفاده لي بمقابلتك

سعدت بمجاراتك ولك مني كل الشكر

اعجابي واعتزازي وفخري بك لاعدمتك