شوفو نظرتي وأحكمو هل المدرب عالمي ام سباك

[الاهلي الراقي]

الاخوه الاعزاء
السلام عليكم ورحمة الله وبركاته
بإختصار شديد أنا كنت مؤمن بقدرات المدرب بيريرا وكنت اغالط نفسي بمستويات الفريق الباهته
لكن تبين لي بعد مباراة النصر ان المدرب سباك فايف ستارز والدليل راح اطرحه لكم ولكم الحكم
الحين الاهلي تقدم بهدف في الدقائق الاولى من المباراة وكملت وحصل طرد لحارس النصر
يعني النصر تشتت وارتبك والسباك بيريرا عنده محمد امان حاصل على كرت اصفر من بداية المباراة
ومعروف ان النصر راح يضغط
فلو السباك حقنا فعلا مدرب على حق وعنده خطط تدريبيه كان من المفترض به انه بعد طرد حارس النصر والاهلي متقدم بالنتيجه انه يضغط على النصر ويطلع محمد امان بعد طرد الحارس ويدخل اما صالح الشهري ويلعب بمهاجمين او يدخل محسن العيسى عشان يسيطر على الوسط ويخلي تيسير حر بالملعب
مو يستمر السباك المتغطرس بطريقته الباهته 3 دفاع و 2 اظهره يعني 5 مدافعين ويخلي النصر يضغط عليه
فبعد اليوم تغيرت قناعاتي بالمدرب وعرفت اني كنت مخدوع فيه واخذ مقلب مع الاخوان الي متمقلبين فيه
والله ثم والله ان هالمتغطرس راح يضيع تعب السنين وراح يخرب الفريق فياليت الاداره النائمه تلحق وتعالج الامور وتلغي عقده مع شلة الانس الي جالبهم موسورو و المصاب ليل وابقاء سوك فقط لاغير
واسف على الاطالة واترك الحكم لكم