,’,’,’ الى لعبت السيـــف أكســر شطيـــرك ...النـــود والندّ ,’,’,’

[مشاعر حالمه]

السلام عليكم ورحمة الله وبركاته

النــود كتبت ابيات كثيره لكن راح اضع هنا قصيدتين واتمنى تحوز على اعجابكم ..

أول وحده

,’,’,’ النــــدّ ,’,’,’

وطبعاً لها مناسبه


كانك تقول الند فوالله انا الندّ = ند(ن) معك ومع مليون غيرك
أبعد من الجوزا وأقوى من السدّ = وأسى من الفولاذ الله يجيرك
لانيب من يعطي ولانيب من ردّ = ولاهمني كثر الذهب مع حريرك
دربي على العليا ومعرّبة جدّ = والى لعبت السيف أكسر شطيرك
آخذ قسات النود سلمي معه حدّ = تتعب معي جندك ويتعب وزيرك
لي صيت وما نشـاف ابعد من الحد= مثل القمر يبعد عليك وينيرك

القصيده الثانيه

,’,’, مابــه خيــر ,’,’,


يقولون لي بسّك وانا مابه خير = خلّوا حزين النفس يسخي بماطرها
اهوجس واقول ياسعد ذاك الطير= طليقن يدوّر الارض والدار خابرها
الا ياليتني مثلك واسيّر معك ياطير = اخاويك في دنيا كثير(ن) مخاطرها
اشوف الحزين اللي ذبحني بلا تبرير = يونّ وونينه شلّ روحي من آخرها
ابيه وحداني الحظ وقصر عنه السير = وحال البحر دونه عسى الله يدبرها
احبه وهو اغلى البشر مابها تفكير = وقصيدة غلاه بكل لحظه أكررها

وصح السان الشاعره

تحيتي لكم /مشاعرحالمه

[حامد الروقي]

صح لسان الشاعر

سجلو اعجابي بالقصيده الاولى .




والثانيه مافهمتها

[مشاعر حالمه]

الأديبــ

حياك اخوي

الشاعره هي صديقتي النــود

القصيده الثانيه وش اللي مافهمته فيها وانا اعلمك : )

وصح ابدنك ولاهنت على المرور

تحيتي لك / مشاعر حالمه