شاعر مستجد

[العضو المنتدب]

سلام رديه وفاء ترقى على رؤوس الجبال=ابداء بها عند الرجال اليا حصل معهم مجال
ياهل غرابيل المعاني بيننا حرب وسجال=على البسيطه ضاع قبر ادم على ذريته0

رحنا وجينا والحقيقه مالقينا فيه فود=الا هنا يعني غرابيل احتوت روح القصيد
من لايحسب خطوته لامن عبر كل الحدود=يرجع به الشرطي على النجده وفي رجليه قيد

[هداج تيماء]

العضو المنتدب


الله يحييك وعسى فترة انتدابك طويله


صح لسانك على هالبداية الجزلة وننتظر قبيلك من الشعار


وسجلني في صفك من الان

[فتال]

يامرحبا ترحيبتن تبقا على مر السنين=ابدابها والحاضرين يعلمون الغايبين
اليا حضرنا ياعميلي كل قاسي ابيلين=فوق البسيطه ضاع قبر ادم على ذريته


هات العلوم اللي طرت ياصاحبي فك القيود=واحذر عن الدرب المنجي ياعميلي لاتحيد
ارتاح وارقد يالسنافي دامك بدار السعود= واعرف ترى مال الحديد الا ترى ضرب الحديد

[ضيف الله الحميدي]

تسلم يالعضوء المنتدب

صح لسانك
وانت منت شاعر مستجد

انت شاعر مستعد

فتال / صح لسانك

وفيت بارك الله فيك

ومتابع

معكم

اخوكم / ضيف الله الحميدي

[أمل عبدالعزيز]

,
,

فتال ،،، والعضو المنتدب

بداية راقية منكم ومحاورة بتكون قويه من شعراء كبار
واصلوا ياشعراء .. متابعين معاكم وصحت القلوب .

ولكم تقديري

[فتال]

الحميدي صح بدنك

امل الراقي هو ردك

[فتال]

هذي اللي مالها سنع يالعضو المنتدب

تنزل ابياتك وتروح روحة مقيط ورشاه ؟؟؟

[العضو المنتدب]

هذي اللي مالها سنع يالعضو المنتدب

تنزل ابياتك وتروح روحة مقيط ورشاه ؟؟؟

الاخ فتال الله يهديك وش مزعلك
اذا هامتك هاللعبه حدد معي يوم وساعه وابشر بمقيط ورشاااه وصدره الوسيع
ملاحظه ياليت تناظر وقت تنزيلي للابيات ووقت تنزيلك للابيات وش رايك:tongue:
عشر ساعات انتظر وش ذا الحكي