تجربة تفقيس بيض السمان

[تاجر مواشي]

اغنام - ابل - دواجن - طيور


تجربة تفقيس بيض السمان (http://www.aghnam.com.sa/vb/showthread.php?t=292378)




السلام عليكم و رحمة الله و بركاته


الحمد لله
انتهت التجربه الاولى لي في عالم التفقيس
و كانت كالتالي :

تم وضع عدد 221 بيضه داخل الفقاسه
طوال الـ 15 يوم الاولى كانت الحراره 37،5
و الرطوبه 60٪ و في اليومين الاخيره وقفت
التقليب و نزلت البيض ف الحاضنه ثم نزلت
درجة الحراره الى 37 و رفعت الرطوبه الى 75٪
و لكن لاحظت ان الحراره ارتفعت الى 38 انتظرت
اكثر من ساعتين لعلها تنزل و لكن للاسف ما نزلت
ف على طول نزلت الرطوبه الى 60٪ و فعلاً نزلت
الحراره الى 37 و صرت كل فتره ارش ب بخاخ الماء
على البيض و اول ما ابخ ترتفع الرطوبه الى 80٪
و تجلس تقريباً ربع ساعه بعدين تبدا تتناقص حتى
تستقر عند الـ 60 ٪ . في اليوم السابع عشر
بدأ البيض بالفقس ، و بعد 18 ساعه تقريباً بديت
اشيل الصيصان و احطها في الحاضنه و كل فتره
افتح الفقاسه و اشيل من الصيصان و احط ف الحاضنه
الفقس في اليوم السابع عشر و الثامن عشر كان كثير
بس في اليوم التاسع عشر بدا الفقس يتناقص و بديت
اشوف فيه بيض الصوص مطلع منقاره و ميت داخل
البيض قلت ما بدهاش هذي نقص الرطوبه ف صرت
اعزل الصيصان اللي توها فقست على جنب و ابدا
ابخ على البيض ماء و لكن ما نفع ف صرت اتفحص
البيض وحده وحده و اذا لقيت صوص مطلع منقاره
و هو حي على طول فقست البيضه و رجعته مره ثانيه
داخل الفقاسه و استمريت على كذا حتى اليوم 21
حتى تاكدت ان ماعاد فيه صيصان بتفقس ، ف صرت
اتفحص البيض وحده وحده و فعلاً و انا اتفحص
لقيت صوص مطلع منقاره و ساعدته ع الفقس ورجعته
للفقاسه ،

ف الاخير طلعت ب هذي الاحصائيه :

تم وضع عدد (221) بيضه داخل الفقاسه
عدد البيض اللي فقس (121) و لكن في (6) صيصان
ماتت داخل الفقاسه و لا ادري عن السبب و في (14) صوص
ماتوا داخل الحاضنه و كانت اغلبها تشوهات خلقيه و لكن في
4 صيصان كانوا طبيعين و ما ادري سبب موتهم اللهم واحد
كنت مستعجل و انا احط العلف ف حطيت عليه العلافه و انا
مدري .
بالنسبه للعدد البيض اللي مافقس كان (100) وهذي تفاصيلها :
(56) بيضه ما كانت ملقحه
(44) بيضه كان موجود فيها صوص بس ميت و على ما اعتقد
ان السبب هو الرطوبه لاني ف اخر الايام كنت افتح الفقاسه
كثير و كنت اطول و هذا اكبر خطا سويته ف هذي التجربه

الحين اللي موجود (101) صوص و اعلفهم علف مرام لاحم
و اعطيتهم فيتامين هـ سيلينيوم و الاناره شغاله 24 ساعه
و امورهم و لله الحمد ماشيه .


التجربه ممتعه وراح اعيدها ان شاء الله مع تلافي اخطاء
التجربه السابقه


هذي تجربتي

اسف على الاطاله



و سلامتكم

المصدر: منـتـديات أغـــنـام (http://www.aghnam.com.sa/vb) - من قسم: * عــروض وملـتقى مربي الطيــور و الــدواجـن (http://www.aghnam.com.sa/vb/forumdisplay.php?f=224)


j[vfm jtrds fdq hgslhk