الأمانه ياناصر السبيعي

[راكان بن بدن السبيعي]

ناصر محمد السبيعي


مطلوب على معنى :



ياسلام الله سلامٍ على شاعر سبيع=العرب وقت اللقا ماتشحّ بخيلها

الخيال يكبّر الطفل لو أنّه رضيع=والأمانه ماقوتها الجبـــال تشيلها

[محمد الجبريني]

ياسلام قاف ومحرااف يشوق ويفوق بالجزاااله ولحن الطاروق
متااابع اخوي ولاهااان اخوي ناصر ننتظر حضووره وهطوله
بالأروع والأجزززل كذالك

تحياااتي

[ربح السبيعي]

صح لسانك يابومحمد


على هالمبداء الرائع


ننتظر رد ابويزيد



وانا من الان في صف ابويزيد

[راكان بن بدن السبيعي]

محمد الجبريني



مرحبابك مليون دائماً تغمرنا بطيب تواجدك يالقرم

صح بدنك





أبو خالد


حيّاك ربي والله أني أحبك في الله

في صفي وألا في صف أبو يزيد وجودك فخر

صح بدنك

[ناصر السبيعي]

راااااااائع

ياراكان

وسجلني فى صفك ولايهون ناصر محمد السبيعي


ابوخالد

يبدو ان هناك لبس فى الموضوع (مشكله تشابه الاسماء).



عموما اااا متابع بقوه

وفي صف راكـــــــــان

[راكان بن بدن السبيعي]

هلابك ياناصر السبيعي ملايين



الظاهر أبو خالد لخبط الأوراق يقول أبو يزيد قلنا أبو يزيد


وألا الأصل أنا موجهها لــ ناصر محمد السبيعي اللي مذيّل تحت اسمه شاعر الغلبا



على العموم يا ناصر وجودك شرف ومتابعتك فخر


وأبو خالد مسموح دامه ماخلص من سالفة العراق

[ربح السبيعي]

هلابك ياناصر السبيعي ملايين



الظاهر أبو خالد لخبط الأوراق يقول أبو يزيد قلنا أبو يزيد


وألا الأصل أنا موجهها لــ ناصر محمد السبيعي اللي مذيّل تحت اسمه شاعر الغلبا



على العموم يا ناصر وجودك شرف ومتابعتك فخر


وأبو خالد مسموح دامه ماخلص من سالفة العراق







اسفين يابن بدن

انا كنت اضنك تقصد صحيبي ابويزيد وبا افزعله قد ربطة الحزام ههههههه

واثرك تقصد اخونا ناصر محمد واخونا ناصر شاعر الغلباء مهوب عجزان فيك

وانا عن اذنكم بروح اتابع موضوع العراق ههههههه

[هداج تيماء]

ياسلام الله سلامٍ على شاعر سبيع
العرب وقت اللقا ماتشحّ بخيلها
الخيال يكبّر الطفل لو أنّه رضيع
والأمانه ماقوتها الجبال تشيلها



راكان محمد


بداية معلم ما يحتااج

صح لسااانك ولسان ناااصر مقدماً

وسجلوا متابعتي

[أمل عبدالعزيز]

’
’
’

الله الله ياراكان
صح لسانك
ولكن وين السبيعي ناصر؟؟

ننتظر بشوق

وأنا بكون محايدة.
.
.

[راكان بن بدن السبيعي]

اسفين يابن بدن

انا كنت اضنك تقصد صحيبي ابويزيد وبا افزعله قد ربطة الحزام ههههههه

واثرك تقصد اخونا ناصر محمد واخونا ناصر شاعر الغلباء مهوب عجزان فيك

وانا عن اذنكم بروح اتابع موضوع العراق ههههههه





ربح



تقصد وألا ما تقصد أهم شي عندي جيّتك وتواجدك يالقرم


والله يخارجك من العراق




بأنتظار شاعر الغلبا:11ea:

[راكان بن بدن السبيعي]

ياسلام الله سلامٍ على شاعر سبيع
العرب وقت اللقا ماتشحّ بخيلها
الخيال يكبّر الطفل لو أنّه رضيع
والأمانه ماقوتها الجبال تشيلها



راكان محمد


بداية معلم ما يحتااج

صح لسااانك ولسان ناااصر مقدماً

وسجلوا متابعتي







هداج تيماء



مرحبابك ملايين


أنت مدرسه بحد ذاته


تواجدك يسعدني ويطربني

[راكان بن بدن السبيعي]

’
’
’

الله الله ياراكان
صح لسانك
ولكن وين السبيعي ناصر؟؟

ننتظر بشوق

وأنا بكون محايدة.
.
.





أمل عبدالعزيز


هلابك


وجودك يسعدني





حيّاك ربّي في محل المنـــاعير=كم لي وأنا ارقب واحدٍ يمسك الصف

كنت امتأكد من حضور الجماهير=والحين اظن أن مالهم فالشعر شف

لكنْ حرام أني لـ أهز الطوابير=وأقول لأكثر ناكبين الشعر : قف




لاتحرميننا من لطيف تواجدك

[ناصر محمد السبيعي]

العذر والسموحه على التأخير والله ماقريت الموضوع الا اليوم:


مرحبا ترحيبة ن يارعي السد المنيع=معك السوالف تطول والريبه نزيلها
لابغيت الصدق والمعنى ترى مني يضيع=خصمك شاعر مبتدي مايلقى حصيلها

[ناصر السبيعي]

العذر والسموحه على التأخير والله ماقريت الموضوع الا اليوم:


مرحبا ترحيبة ن يارعي السد المنيع=معك السوالف تطول والريبه نزيلها
لابغيت الصدق والمعنى ترى مني يضيع=خصمك شاعر مبتدي مايلقى حصيلها


هههههههههههه

صح لسانك ياناصر

لكن ماعليه بس لو غيرت شئاااا ما

ارفق على الرجال يابومحمد (لدواعي أنسانيه)

[ناصر محمد السبيعي]

صح بدنك مرورك شرف لي ياطويل العمر

[حاكم الشور]

يا سلاااااااااااام


صحت السنتكم


يا شعار


متابع

ولكم كل الود

[ناصر محمد السبيعي]

صح بدنك ياحاكم الشور


ومرورك اسعدني


تحياتي

[راكان بن بدن السبيعي]

أرحب ياناصر محمد واستلم :



شاعر الغلبا مبنشر على الخط السريع=لو تمرّه مازدا يمكن ان يوميلها

الوداعه يالسنافي تبي رجلٍ وديع=ماتبي رجلٍ يلخبط لقام يكيلها

[راكان بن بدن السبيعي]

ناصر السبيعي


مرحبابك


وصح بدنك مرورك شرف


نعرض معروضك على هيئة الرفق بالشعراء



لك تحياتي يالقرم ( الرايه لاتضيع )

[ناصر محمد السبيعي]

استلم استلم:


ماني بشاعر قاسي ولابالهرجه يميع=ولاني بمثل بعض العرب تلعب بذيلها
نوب اخربط بالصنيع ونوب اضبط بالصنيع=والمعاني كان مااقولها ارتخيلها

[راكان بن بدن السبيعي]

ماعاد هي بلحية استلم :




بعد صلّح بنشره صارله حادث شنيع=دردعتـْه اللي معه منتهي موديلها

كم نصحته ياملا بس عيّا أنه يبيع=كدّها حتى شكت من برودة حيلها

[ناصر محمد السبيعي]

استلم طال عمرك:


لو تجيني بموترك راكب السيت الوسيع=صانعينه من حرير ن يواكب جيلها
راكب ن ظهر المطيه لا اتنازل ما اطيع=كني مروع ذا السما جديها وسهيلها

[ناصر محمد السبيعي]

ياسلام الله سلامٍ على شاعر سبيع
العرب وقت اللقا ماتشحّ بخيلها
الخيال يكبّر الطفل لو أنّه رضيع
والأمانه ماقوتها الجبال تشيلها



مرحبا ترحيبة ن يارعي السـد المنيـع
معك السوالف تطول والريبـه نزيلهـا
لابغيت الصدق والمعنى ترى مني يضيع
خصمك شاعر مبتدي مايلقى حصيلهـا



شاعر الغلبا مبنشر على الخط السريع
لو تمرّه مازدا يمكن ان يوميلها
الوداعه يالسنافي تبي رجلٍ وديع
ماتبي رجلٍ يلخبط لقام يكيلها


ماني بشاعر قاسـي ولابالهرجـه يميـع
ولاني بمثل بعض العـرب تلعـب بذيلهـا
نوب اخربط بالصنيع ونوب اضبط بالصنيع
والمعانـي كـان مااقولـهـا ارتخيلـهـا



بعد صلّح بنشره صارله حادث شنيع
دردعتْه اللي معه منتهي موديلها
كم نصحته ياملا بس عيّا أنه يبيع
كدّها حتى شكت من برودة حيلها



لو تجيني بموترك راكب السيت الوسيع
صانعينه من حرير ن يواكـب جيلهـا
راكب ن ظهر المطيه لا اتنازل ما اطيع
كني مروع ذا السما جديها وسهيلهـا

ههههههههههههه فاضي ولا ادري وش اسوي