طــــــــــــارف يسد

[حادي العيس]

من هجوس الشاعر اللي يعشق الجزلات دايم

ياسلام الله سلام اسـلام والرآيـات فوقـه





ودنا بالشاعر اللي للصحيـح اكبـر ملايـم

شاعر ٍ فالمآقف يجمـل ويستافـي حقوقـه

[متحدي]

مرحبا ياحادي العيس



من هجوس الشاعر الي عالي حضه وقايم=مرحبا بالي علوم المرجله فنه وذوقه
جاك شاعر في بحور الشعر غطاس(ن) وعايم=مايغرنه طروق الشعر لو تصعب طروقه

[هداج تيماء]

حادي العيس


مرحبااا مرحباا في محلك وبين اخوااانك


صح لسااانك ولا هنت على هالبداية الرائعة


متحدي

رد وافي من شاعر جزززل

صح لساااانك ولاااهنت


سجلوني فالصف

[متحدي]

هداج تيما000أرحب طال عمرك

صح بدنك 000 لاهنت

اللصف يتشرف بوجودك

[حادي العيس]

البقا ياللي ترحب وانت كفون للعزايــــم

يوم بعض الناس بيته مايخيطله فتوقــــــــــه




صيفكم ياكود حرّه جوكم مافيه حايم


كلٍ طير في سماكم ما يشيلنّه سبوقه

[حادي العيس]

هداج تيماء






مشكور على المرور العطر


تحياتي

[متحدي]

التعارف لرجال أهل العقل وأهل العمايم=ليت حادي لو تكرم يوصف النا وسم نوقه

بين لسعات البرود وبين لفحات السمايم= طيرنا طير السعد من يصفقه لازم يعوقه

[القنــّـــاص]

صحت السنتكم يا حادي العيس ويا متحدي فتل ونقض وكلام رائع ساتابع

[ماجد الرويس]

صحت السنكم ياشعار

واصلو واصلو


تحياااتي

[متحدي]

القناص //////// طه حسين

صحت أبدانكم

تواجدكم هنا أسعدني

[حاكم الشور]

يا سلااااااااااااااااااااااا ااام


صحت السنتكم


والله لايهينكم


متابع للجزاله


ولكم كل الود

[حادي العيس]

اسمحلي يالمتحدي

طلعت امس

والعب معك ينومس





يالسنافي لاتعجل قبل نقلط للولايم

كود ضيفك تنشده من قبل فنجاله يذوقه



بينت ياصاحبي والجو قبل ايام غايم


بس ماسالت محاجرها ولا شفنا حقوقه

[ربح السبيعي]

حادي العيس و متحدي


صحت السنتكم على هالمحاوره المتميزه من بدايتها


واصلو وانا متابعين معكم

[متحدي]

حاكم الشور

ربح السبيعي

صحت أبدانكم

تواجدكم أسعدنا لاهنتو

[الرااااااسي]

صحت السنتكم يا شعار واصلوا متابعين لكم

[متحدي]

قبل مده قلت ويش اسمك ورديت بشتايم=يوم كان الجو غايم والحيا تبرق بروقه
خل الاول واختر اسمن زين واذبحلك تمايم=والجماعه ماتصلي خلف أبو دقن محلوقه

[متحدي]

الراسي صح بدنك
شكرا لمرورك لا عدمتك