اهرامات مصر الشقيقه

[مطلق بن حنيتم]

اهرام مصر الشقيقه



ياصاحبي وش ذا التغلي والأصرار = على الجفا والصد .. بئس الطريقـه
تراي ما بينـي وبيـن اهلـك ثـار = من شـان تقتلنـي وتذبـح عقيقـه
ماني بطالب منـك جيـه ومسيـار = حافظك من حفظ الصديق لصديقـه
على الأقل هاتـف وتقديـم معـذار = لو كل خمـس ايـام ..كلـم دقيقـه
سمعني اجمل صوت وابشر بالأشعار = اصب شعري لجل عينـك حريقـه
والله لا خلد لك من الشعـر تذكـار = تذكار مثل اهـرام مصـر الشقيقـه
لين اجمل . أجمل بنت فالعالم تغـار = يا اجمل بعيني من بنـات الخليقـه
لعيونك اسكب در الأشعـار مـدرار = من اعذب الحان البحـور الرقيقـه
لبيه .. يارمشاً على القلـب جبـار = وطرف(ن) تخالط فيه وهم وحقيقـه
عالم من الإبهار ورمـوز الأسـرار = راع الهوى فيهـا يضيَـع طريقـه
فيها سوالف ليـل وأحـلام شعـار = وهمس العشيق اللي يكلـم عشيقـه
وبين اشفتيك الشهد والثلـج والنـار = جمر(ن) على ثلج(ن) تلامع بريقـه
في كل شياً فيـك ملفـت للأنظـار = بالزيـن ..والا بالأصـول العريقـه
ما شفت مثلك فالخلائـق ولا صـار = ياهنـي مـن وقَـع لحبـك وثيقـه
فيها ثنين شهـود وابهامـك اقـرار = من شان وصل الحب ماحد(ن) يعيقه
يادرة(ن) مـا جابهـا كـل بحـار = من دونها مـوج البحـور العميقـه
انا دخيل ابوك من جـور الإنكـار = الصـد ياعـذب السجايـا ماطيقـه
انا آدمي .. مجموع احاسيس وافكار = شاعر .. واحب تعيش روحي طليقه


مطلق بن حنيتم

[عطيه الزهراني]

مطلق بن حنيتم

ياهلا وغلا والله بالابداع

صح لسانك ملايين

ودام نبضك الى مالا نهايه


تقبل اعجابي ومتابعتي لك



اخوك الزهراني

[أبوعبدالرحمن]

مطلق بن حنيتم


لازلنا نستمتع بمايقدمه هذا القلم

لله درك يامطلق

وصح قلبك وكلك


تحيتي لك

[جواهر عبدالله]

صح لسانك يا مطلق ولا هنت

بوح عذب ..

سلمت يمينك .. والله يعطيك العافية .

[عبدالهادي الجهني]

سمعني اجمل صوت وابشر بالأشعار = اصب شعري لجل عينـك حريقـه
والله لا خلد لك من الشعـر تذكـار = تذكار مثل اهـرام مصـر الشقيقـه

صح لسانك

ابيات روعة

ابداع

اخوك/ عبالهادي الجهني

[ناصر القزلان]

حيا الله ابن حنيتم .. وحي ماجاب ..

ياسلام على الابداع المنقطع النظير ..

ياليت نقرا مثل هالدرة كل يوم .. كان مافينا بلا .

صح فكركــــــــــــ ولسانك وبدنك يامطلق ..

تسجيل حضور واعجاب ومتابعة ..

دمت في رعاية الله ..


أخوكــــــــــــ ,,,,,,

[محمد الشمراني]

صح لسانك يا مطلق ولا هنت

بوح عذب ..

سلمت يمينك .. والله يعطيك العافية .

[مطلق بن حنيتم]

الأخ الشاعر/ محمد الشمراني

صح بدنك ياخوي .. شاكر لك هذا المرور الذي اسعدني كثيراً

وتقبل تحاتـــــــــــــــــي

[مطلق بن حنيتم]

الأخ الأستاذ الشاعر/ ناصر القزلان

صح بدنك ياخوي .. شاكر لك هذا المرور الذي اسعدني كثيراً

شهاده اعتز بها .. خاصة عندما تكون من شاعر بحجم ناصر القزلان

وتقبل تحاتـــــــــــــــــي

[مطلق بن حنيتم]

الأخ / عبدالهادي الجهني

صح بدنك ياخوي .. شاكر لك هذا المرور الذي اسعدني كثيراً

وتقبل تحاتـــــــــــــــــي

[مطلق بن حنيتم]

الأخت المراقبه / جواهر عبدالله

صح بدنك يا أختي .. شاكر لك هذا المرور الذي اسعدني كثيراً

وتقبلي تحاتـــــــــــــــــي واحترامـــــــي

[مطلق بن حنيتم]

الأخ الأستاذ/ ابو عبدالرحمــــن

صح بدنك استاذي .. شرفتني بهذا المرور الذي اسعدني كثيراً والله


وتقبل تحاتـــــــــــــــــي واحترامـــــــي

[مطلق بن حنيتم]

الأخ الشاعر/ عطيه الزهراني

صح بدنك اخوي .. شرفتني بهذا المرور الذي اسعدني كثيراً والله


وتقبل تحاتـــــــــــــــــي واحترامـــــــي

[صلاح الأحمدي]

الله الله

يا سلام يا سلام

ابـــداااع


مطلق بن حنيتم


صح لسانك وقلبك وكلك


لاهنت


مودتي

.

[أمل عبدالعزيز]

,
,
,

الرائع / مطلق بن حنيتم

صح لسانك وقلبك
مشاعر جميلة وأحاسيس عذبة هنا
دمت بهذه الروعه

لك تقديري

[خــــالـــــد]

مطلق بن حنيتم
ـــــــــــــــــــــــــ ــــــ
صح لسانك وقلبك أخوي

وتسلم يمينك على القصيدة

بيّض الله وجهك

ولا هنت!
ـــــــــــــــــــــــــ ــــــ
أخوكـ/خالد

[مطلق بن حنيتم]

الأخ الشاعر/ بن عامر صلاح الأحمدي

صح بدنك يالغالي .. شرفتني بالإطلاع على قصيدتي المتواضعه

لك مني كل الشكر والتقدير على هذا المرور الجميل

[مطلق بن حنيتم]

اخوي الأستاذ/ خـــــــــــــالـــــــــ ــــد

صح بدنك .... واشكر لك هذا المرور الجميل

الذي اسعدني كثيراً .. خاصة انك من الإداره ( يعني واسطه ) هههههههههههههه

وتقبل تحياتـــــــي ،،،،

[منور العوني]

وبين اشفتيك الشهد والثلـج والنـارجمر(ن) على ثلج(ن) تلامع بريقـه


ياقوووووووووووووووووووووو ووووووم


صح لساااااااااااااااااااااان ك يابن حنيتم

والله وبدون مجامله

قصيده اعجبتني

تحيات

اخوك

[الدندووووونه]

مطلق بن حنيتم

صـــــــــح لسااااااانك وعلا شااااااانك

ودمـــــــــت

[ليــن القســا]

إبحار عذب بين ثنايا المفردات والمعاني ..
سلمت ودمت شاعرنا تنثر العذب المميز ..

[مطلق بن حنيتم]

الأخت الكريمة / امل عبدالعزيز ـ المشرفة العامة

اسعدني مرورك الجميل الذي نور متصفحي .. وزادني اصراراً

على ان احاول ان اكتب ما يرتقي إلى الذائقة الشعرية الرفيعه لدى

القائمين على هذا المنتدى واعضائه وزواره الكرام .. لكِ مني كل الشكر والتقدير ..

[مطلق بن حنيتم]

الأخ الشاعر / منور العوني
يشرفني هذا المرور الجميل من شاعر جميل مثلك .. اشكر لك حسن المتابعه وتأكد انني متابع لما تكتب حتى ولو لم يكن عندي الوقت الكافي للردود .. لكن انت فالقلب يابوسعود

[سـعـد الحويماني]

حضور متجدد

واعجاب ازلي اجدده لك هنا

صح لسانك يالغالي

اخوك

[مطلق بن حنيتم]

يسعد ايامك يا سعد الحويماني

أنت دائماً تغمرني بطيبك .. فلك مني كل الشكر والإمتنان

[همسة غلا]

المتألق دوماً / مطلق بن حنيتم

ابدااااع متواصل ..

وحضـــــــــور متجدد

أتحفتنااا .. وامتعتنااا بهذه الرااائعه

تقبل مني أجمل التحاياااا وأعذبهاا

[مطلق بن حنيتم]

الأخت / همست غلا

لكي مني كل الشكر والتقدير على هذا المرور الجميل الذي اسعدني كثيرا ...

[مطلق بن حنيتم]

الأخ الأستاذ القدير / سعد الحويماني

اشكر لك هذا المرور الجميل الذي نور متصفحي ياغالي .. دامت المحبه ..

[احمد مناحي]

مطلق بن حنيتم

هلا بك وغلا

صح لسانك الى رضاك

حي الله ابو سلطان وحي الله الابداع والجزاله ..

لكن يامطلق انت وين تخبي هالقصايد بين فتره و فتره تطلع قصيده ..

وانا اعتبرها من طيب حظي انا وامثالي ممن لم يسعفهم

الحظ للاطلاع عليها في وقتها ان تعود للواجهه لنستمع بها و نستفيد منها ..

انت تعرف رايي في قصيدك

وشهادتك فيك مجروحه يابن حنيتم ..

تقبل مروري

[مطلق بن حنيتم]

الأستاذ القدير والشاعر المتألق / أحمد مناحي الشمري

صح بدنك اخي العزيز .. مرورك يشرفني يابو مناحي

وماابداعي إلا قطرة في بحر ابداعك المستمر دائماً

لك مني كل الشكر والتقدير ..

[احمدالعارضي]

اهرام مصر الشقيقه



ياصاحبي وش ذا التغلي والأصرار = على الجفا والصد .. بئس الطريقـه
تراي ما بينـي وبيـن اهلـك ثـار = من شـان تقتلنـي وتذبـح عقيقـه
ماني بطالب منـك جيـه ومسيـار = حافظك من حفظ الصديق لصديقـه
على الأقل هاتـف وتقديـم معـذار = لو كل خمـس ايـام ..كلـم دقيقـه
سمعني اجمل صوت وابشر بالأشعار = اصب شعري لجل عينـك حريقـه
والله لا خلد لك من الشعـر تذكـار = تذكار مثل اهـرام مصـر الشقيقـه
لين اجمل . أجمل بنت فالعالم تغـار = يا اجمل بعيني من بنـات الخليقـه
لعيونك اسكب در الأشعـار مـدرار = من اعذب الحان البحـور الرقيقـه
لبيه .. يارمشاً على القلـب جبـار = وطرف(ن) تخالط فيه وهم وحقيقـه
عالم من الإبهار ورمـوز الأسـرار = راع الهوى فيهـا يضيَـع طريقـه
فيها سوالف ليـل وأحـلام شعـار = وهمس العشيق اللي يكلـم عشيقـه
وبين اشفتيك الشهد والثلـج والنـار = جمر(ن) على ثلج(ن) تلامع بريقـه
في كل شياً فيـك ملفـت للأنظـار = بالزيـن ..والا بالأصـول العريقـه
ما شفت مثلك فالخلائـق ولا صـار = ياهنـي مـن وقَـع لحبـك وثيقـه
فيها ثنين شهـود وابهامـك اقـرار = من شان وصل الحب ماحد(ن) يعيقه
يادرة(ن) مـا جابهـا كـل بحـار = من دونها مـوج البحـور العميقـه
انا دخيل ابوك من جـور الإنكـار = الصـد ياعـذب السجايـا ماطيقـه
انا آدمي .. مجموع احاسيس وافكار = شاعر .. واحب تعيش روحي طليقه


مطلق بن حنيتم

الله الله الله
صح لسانك ياابو حنيتم
قصيده جزله من شاعر جزل
وشهادتي فيك مجروحه
لاعدمناك ولاعدمنا ابداعاتك يالقرم
تحياتي لك