حصتي مع الشعار

[نبيل السلمي]

سلامي عليكم يالرجال المناعير = يقوله عميل سليم قوم المهابه
انا جيت اباخذ حصتي يالشواعير = ونا ذيب والحظار فيهم ذيابه

[راكان بن بدن السبيعي]

أرحب يانبيل واستلم طال عمرك :




هلا مرحبا ترحيب حشمه وتقدير=يقوله سبيعيٍ كريمٍ جنابه

تفضّل وتاخذ حصّتك شرٍ أو خير=ترى السيف قوّة مظربه من نصابه

[ضيف الله الحميدي]

صح لسانك يانبيل

وصح لسانك ياراكان

متابعين معكم

ودمتم دوم وكل يوم

[راكان بن بدن السبيعي]

ضيف الله الحميدي



مرحبابك ومسهلا


هذا مما يزودني تشريف



وأتمنى أنها تصل لذائقتك




ولك فائق التقدير

[نبيل السلمي]

هلا مرحبا ترحيب حشمه وتقدير
يقوله سبيعيٍ كريمٍ جنابه
تفضّل وتاخذ حصّتك شرٍ أو خير
ترى السيف قوّة مظربه من نصابه



الا والبقا ياشاعر اسبيع ياطير = تولم وعلم الطيب نحسب حسابه
نبي ننظر الغبه وننروي من البير = وسيف العدل ياصاحبي له ضرابه

[نبيل السلمي]

صح الله بدنك يالاحمدي

[راكان بن بدن السبيعي]

الا والبقا ياشاعر اسبيـع ياطيـر
تولم وعلم الطيب نحسب حسابـه
نبي ننظر الغبه وننروي من البير
وسيف العدل ياصاحبي له ضرابه




أنا ثابتٍ ماحرّكتني المعاصير=ورجلي تدوس الباس ماهي تهابه

أشوف أن جحدر قام ينوي على الزير=وجحدر من أول كان رزقه هبابه

[نبيل السلمي]

أنا ثابتٍ ماحرّكتني المعاصير
ورجلي تدوس الباس ماهي تهابه
أشوف أن جحدر قام ينوي على الزير
وجحدر من أول كان رزقه هبابه

لو انك قلت ماحركتني معاصير كان ازين عشان يروح الثقل مير استلم


الا ياعميل اسبيع ياجعلك اتسير = وش اللي يجيب الصقر عند الذبابه
وش اللي بلاه الزير غير المغاتير = وراحن بناته ياعميلي نهابه

[ضيف الله الحميدي]

تسلمون وعساكم على القوه

متابع معكم


ودمتم دوم وكل يوم

[راكان بن بدن السبيعي]

العذر على غيابي أمس لتواجدي في مزاين قحطان

أما من ناحية الثقل الله يسلمك مايكسر البيت :



الا ياعميل اسبيع ياجعلك اتسيـ
روش اللي يجيب الصقر عند الذبابه
وش اللي بلاه الزير غير المغاتير
وراحن بناتـه ياعميلـي نهابـه





أنا اسير لكن أنت تبغى دهن سير=ومن طاوله سقم المعادي غدابه

وجحدر ماكسر راسه ألا الغنادير=ولكن سالم مات محدٍ هقابه

[نبيل السلمي]

أنا اسير لكن أنت تبغى دهن سير
ومن طاوله سقم المعادي غدابه
وجحدر ماكسر راسه ألا الغنادير
ولكن سالم مات محدٍ هقابه



الا ياسبيعي حلحلن المسامير = واشوفك من الذله تدق الربابه
قتل جحدر اللي سببت للمخاسير = وسالم ذبح من عبد الطلابه

[راكان بن بدن السبيعي]

الا ياسبيعي حلحلن المساميـر
واشوفك من الذله تدق الربابـه

قتل جحدر اللي سببت للمخاسير
وسالم ذبح من عبـد الطلابـه



( وسالم ذبح من عبـد الطلابـه ) راجع حساباتك مع هالشطر مكسور ولايستقيم .





تحلحل مساميرك من الطق ياصغيْر=كثير العرب فالحرب نسلب ثيابه

أشوفك تلف ادورفالقاف وتحير=وذا شرع من حطيت فوقه رقابه

[نبيل السلمي]

وسالم ذبح من عبد بعد الطلابه
ماهو سقم بس كنت مستعجل يوم عديته يابعدي لاهنت

تحلحل مساميرك من الطق ياصغيْر
كثير العرب فالحرب نسلب ثيابه
أشوفك تلف ادورفالقاف وتحير
وذا شرع من حطيت فوقه رقابه




ولا ياسبيعي فلحتك فالمزامير = ومثلك من الذله غدا صك بابه
اباصور الموضوع واعطيك تصوير = وراحت معانينا فوسط الكتابه

[راكان بن بدن السبيعي]

ولا ياسبيعي فلحتـك فالمزاميـر
ومثلك من الذله غدا صـك بابـه
اباصور الموضوع واعطيك تصوير
وراحت معانينا فوسـط الكتابـه



استلم طال عمرك :



احدّك واردّك وأنت ترقا على النّير=جبل والجبل يتعّب اللي رقابه

أدوّر على التعبير مافيه تعبير=ماجاني سؤال يجيك منّي جوابه


/



\

[نبيل السلمي]

احدّك واردّك وأنت ترقا على النّير
جبل والجبل يتعّب اللي رقابه
أدوّر على التعبير مافيه تعبير
ماجاني سؤال يجيك منّي جوابه


اسلم لاهنت


ولا ياعميلي لو تطول المشاوير = تبا تغشي الغيمه وترخ السحابه
وش اللي قلب خيل العرب كنه العير = ومنهو خلع للذيب فالدرب نابه

[راكان بن بدن السبيعي]

ولا ياعميلي لو تطـول المشاويـر
تبا تغشي الغيمه وتـرخ السحابـه
وش اللي قلب خيل العرب كنه العير
ومنهو خلع للذيـب فالـدرب نابـه





أنا معْك لو أنّك تغش الجماهير=تصوّب وتخطي فالهدف والإصابه

هذا وقت حامل مسك مع نافخ الكير=زمانٍ سمعنا فيه كلّه غرابه



/


\

[نبيل السلمي]

أنا معْك لو أنّك تغش الجماهير=تصوّب وتخطي فالهدف والإصابه

هذا وقت حامل مسك مع نافخ الكير=زمانٍ سمعنا فيه كلّه غرابه[






ترى الناس يارجال معها مناظير = تشوف المعاني كيف صارت شرابه
هذا الوقت ياكثر الذي جاب تزوير = ومن يكثر التزوير جاله عذابه

[محمد الجبريني]

الله الله صحة السنتكم اخوي الشاعر نبيل
واخوي الشاعر ركان شعار كبار وتسلمون

وين الصفوف ياغرابيل ابو عبد الرحمن
افرض عليهم الجزززيه هذولا الجماهير والصفوف الي مايشجعون

تحياتي للجميع

[راكان بن بدن السبيعي]

محمد الجبريني



هلابك ملايين



يكفينا تواجدك طال عمرك

[نبيل السلمي]

الله يحييك يامحمد ياذخري وبعدي صح بدنك

[راكان بن بدن السبيعي]

العذر على التأخير المشاغل واجد لكن تراني معك معك

استلم :




تغنّا وهات الجزْل خل المعاذير=وش يفيد سيفٍ ماتعدّا جرابه

نقصّ المعاني مثل قص المناشير=يتوه بطريقه من تردّا زهابه

[نبيل السلمي]

تغنّا وهات الجزْل خل المعاذير
وش يفيد سيفٍ ماتعدّا جرابه
نقصّ المعاني مثل قص المناشير
يتوه بطريقه من تردّا زهابه



تغنا ورددها سوات المجارير = لاترقا فضلعن مايفيد الذرابه
نبي نفصل المعنا بصقع السواطير = ونا في طريقي واحتمي دون لابه

[راكان بن بدن السبيعي]

أنا وأن رقيت أرقا واخلّي المحادير=وكلٍ بيقــــرا منتهـــاها كتابه

عسانا على نهج الولي نتبع السير=ولا نخلف دروب النبي و الصحابه


اللعب معك يانبيل نوماس وبيّض الله وجهك

[سلمي وأفتخر]

تسلم يانبيل بيض الله وجهك يالذيب ....


تسلم ياراكان على الابداع وماقصرت يالقرم .......

[أمل عبدالعزيز]

,
,,,

ماشاءالله عليكم ..
مبدعين بصدق ... صحت قلوبكم
وسجلوني متابعه لكم

ولكم تقديري