شفت روسً أينعت مير حان قطافها

[@@ابو زيد@@]

احتزمنا للملاقا وسلينا الشطير = شفت روسً أينعت مير حان قطافها

ابدا بالراس الكبير ثم يلحقه الصغير = عافها من شافها شافها من عافها

[هداج تيماء]

ابو زيد

يا سلام

صح لسانك مبدا ما يحتاج

ننتظر قبيلك من الشعار

ومتابعين

[راكان بن بدن السبيعي]

أرحب يا أبو زيد :




مرحبا ياراعي السيف ردّه فالجفير=الرجال أليا لفت شرّفت ميقافها

كل طيرٍ له وكر لو تعلاّ بالمطير=شفتها ماعفتها قالها من شافها

[@@ابو زيد@@]

البقالك وانت حولت فالبحر الغزير = الحلول الكامله مانريد انصافها

حرً أشقر مايباله عوني ولا خشير = الجبال النايفه مكره نيافها

[راكان بن بدن السبيعي]

هلابك يابو زيد استلم طال عمرك :




البحر برد وسلامٍ على شروى خبير=قالها من سبعة بحور كونه طافها

وأنت جيت وجابك الحظ الأقشر زمهرير=ابعد ابعد نارنا تلتهب طرّافها

[@@ابو زيد@@]

ياراكان ازيلك انك تروح وتستخير = والعرب وش حصلت غير ذكر اسلافها


لا لعبنا تسمع الصم ويشوف الضرير = والقصيده تنقض الراس فوق اردافها

[راكان بن بدن السبيعي]

ابك حنا سبيع ونفرّق الجمع الغفير=وأنت من عزوه ولانيب اعرْف أوصافها

قمت تمدح مير ماشفت أنا اسمك فالأثير=عارفين ثقالها عارفين اخفافها

[عـــــزوز]

القصيده لاباس وما قصرت

[راكان بن بدن السبيعي]

أرحب ياعزوز


والسالفه تراها محاوره ماهي بقصيده !!


أرحب تراحيب المطر عني ونيابةٍ عن أبو زيد

[متحدي]

أبو زيد صح لسانك
راكان محمد صح لسانك

[راكان بن بدن السبيعي]

متحدي


صح بدنك


وجودك نوماس

ولاتحرمنا من تواجدك يالقرم




لك فائق التقدير

[السمــهري]

يالربع انتم ماتبون النقد ؟؟؟

اعتذر لكم ومشكورين على الحذف

تحيتي لكم

[راكان بن بدن السبيعي]

أخوي

السمهري



والله ماشفنا نقدك يالقرم


إذا كان عندك نقد هاته ترانا بشر نصيب ونخطي ومن الكل نستفيد


أتمنى أن تضع نقدك


وأتمنى من المشرفين إذا كان النقد صحيح أن مايحذفونه



أنا لي فتره مرّيت هنا ويمكن ماشفت نقدك



لك فائق الود

[السمــهري]

الله يعطيك العافيه راكان

وردك دليل على وعيك وثقافتك وشاعريتك

وأنا وضعت نقد بسيط وهو خاص فيني ويمثل رأي شخصي

لكن الظاهر الأخوان مايبون النقد وحذفوه عموما اللي راح راح والله يقويكم ان شالله

واتمنى لكم دوام التوفيق والنجاح والتقدم

اخوكم السمهري

[راكان بن بدن السبيعي]

ماعليك زود


أتمنى اذا كان النقد موجه لي أن تكتبه هنا أو ترسله رساله خاصه


تصحيح الخطأ خير من التمادي فيه



كسبناك أخ وعزيز


لك فائق الود

[السمــهري]

لاوالله اخوي راكان

بالعكس النقد فيه جهتين مدح ونقد

وانت اخذت المدح والله الشاهد على كلامي


والسالفه انتهت وراحت

وانسىىىىىىىىى

السمهري

[راكان بن بدن السبيعي]

يامرحبا بك



يكفيني تواجدك طال عمرك


وسأكون ممتن لك بمتابعتك وطرح أفكارك




لك فائق التقدير

[محمد الجبريني]

السلام عليكم ورحمة الله وبركاته
محاوره جميله من شاعار كبار صحة السنتكم يابو زيد
ويا ابو محمد امتعتونا ولكم مودتي واحتراامي وحبيت اقتبس الابيات
وان سمحتو لي اعلق عليها وهو ليس انتقاد بل تعليق فقط . فأني ليس
ناقد ولم اصل مرحلة النقد حسب وجهة نظري ولاكن هذا اعتبروها مداخله
مني وجهة نضر تخصني انا وحدي فقط فااحببت ان اعلق على ما شاهدته وفهمته
من تحاوركم لله دركم

البدااايه من الشاعر ابو زيد

احتزمنا للملاقا وسلينا الشطير
""""""""""""""""""" شفت روسً أينعت مير حان قطافها

ابدا بالراس الكبير ثم يلحقه الصغير
"""""""""""""""""""عافها من شافها شافها من عافها
راكان محمد


أرحب يا أبو زيد :

مرحبا ياراعي السيف ردّه فالجفير
"""""""""""""""""""الرجال أليا لفت شرّفت ميقافها

كل طيرٍ له وكر لو تعلاّ بالمطير
"""""""""""""""""""شفتها ماعفتها قالها من شافها ا

بو زيد
البقالك وانت حولت فالبحر الغزير
"""""""""""""""""""" الحلول الكامله مانريد انصافها

حرً أشقر مايباله عوني ولا خشير
"""""""""""""""""""""" الجبال النايفه مكره نيافها
ركان محمد

البحر برد وسلامٍ على شروى خبير
"""""""""""""""""""قالها من سبعة بحور كونه طافها

وأنت جيت وجابك الحظ الأقشر زمهرير
ا"""""""""""""""""""""بعد ابعد نارنا تلتهب طرّافها

ابو زيد
ياراكان ازيلك انك تروح وتستخير
""""""""""""""""""" والعرب وش حصلت غير ذكر اسلافها

لا لعبنا تسمع الصم ويشوف الضرير
"""""""""""""""""" والقصيده تنقض الراس فوق اردافها
ركان محمد

ابك حنا سبيع ونفرّق الجمع الغفير
""""""""""""""""""""وأنت من عزوه ولانيب اعرْف أوصافها
قمت تمدح مير ماشفت أنا اسمك فالأثير
"""""""""""""""""""""عارفين ثقالها عارفين اخفافها




الملاحضات
كمايلي على ابو زيد اولا

والقصيده تنقض الراس فوق اردافها
هذا البيت غريب ولم اجد له تفسير.
على نهج المحاورات المعتاده والمتعارف عليها ومفهوم معناها.
واظنه في غير محله القصيده طيب وش دخلها في المحاوره
معدين تشبيه القصيده في ناقضت غزلها او شعرها يدل على تحطم و توجد القصيده
من شي والدعو محاوره ماهي قصايد يمكن يجوز التشبيه في قصيده >>>>>>>
نبطيه على اي حال ولاكن في المحاوره لا اجد له تفسير .؟
وقد اوقع المشجعين في غلط عندما ارادو الأشاده بكلام الشعراء
لانهم لايميزون بين المحاوره والقصيده فألتبس عليهم الامر وقالو ما قالو اعلاه
ولا نلومهم لانهم ليس بأ صحاب مهنه .
والملاحضه الثانيه

والعرب وش حصلت غير ذكر اسلافها
بيت حلو وجميل وربما حكمي عليه يكون غير صحيح لان اخوي ابو زيد
ماشفنا رده الى الان وربما انه يرد وربما يصدق
المثل القديم ( ضربني وبكى) وسبقته واتكل على الله ههههههههه
ومن وجهة نضري البسيطه ان الشاعر ركان محمد

فهم عليه عندما قال البيت ونقض بيته عندما قال

حنا سبيع ونفرّق الجمع الغفير
""""""""""""""""""""وأنت من عزوه ولانيب اعرْف أوصافها
قمت تمدح مير ماشفت أنا اسمك فالأثير
"""""""""""""""""""""عارفين ثقالها عارفين اخفافها

والنعم والنعم والنعم بيت اعجبني لانه مليان بكل جزززاله وبراااعه وقد اصاب
اخوي الشاعر راكان عندما قاله كلامه صحيح
الطرف الاخر (ابو زيد ) ؟ ابو زيد مات المعروف ؟
معاد فيه غيره وان ماحب اخوي ابو زيد لكشف هويته وتبيينها
طيب ليش يحد الطرف الثاني على ذالك ويهرب منهزم مع احترااامي له

كان غير المعني الى اتجاااه اخر
اي سكه اخري تفادي للأحرااج
اخير اقول ان مارد ابو زيد هذا
فهو المنهزم بكل أمانه وصدق
وارجو عدم حذف مشاركتي هذي
فقد لمست ان احد المنصفين
قبلي حذفت مشاركته ولا كن
لا اعلم مضمونها والا احتجيت على حذفها

ولا يجوز احتجاج بدون بينه واضحه
باطل ولا صحتا له ..


ولاتزعل اخي ابو زيد مني ومن
من كلامي فليس ضدك وانا لم اكن ضد احد
ولن اكن في يوم من الايام ضد احد
ولك فااائق التقدير والأحترااام




استراااحه بين الاشواااط ههههههههههههه وشرب ماي وعصير تفاح ههههههههههههههه

عوده الى الميداان


واااا
واما اخوي الشاعر ركان محمد والله لاعرفه ولا ادري انه سبيعي الا بعد توضيحه وصح السااانه و نعم مليون
صدقني ياركان وانت غني عن شهادتي ان لديك امكانيه تكون شاعر محاوره من الطراز الاول في الجزيره العربيه
ولاهنت تقبل تقديري وفااائق احترااامي والله ولي التوفيق

اخوكم و وتلميذكم محمد الجبريني

[راكان بن بدن السبيعي]

محمد الجبريني



مرحبابك أخوي


أنا شاكر ومقدّر لك تواجدك وملاحظاتك وتوجيهاتك

ولولا الله ثم متابعتك أنت وشرواك لما وصلنا الى هذه المستويات


اقسم بالله أني فخور ولعلّي اصل الى تطلعاتكم ، غمرتنا بطيب مديحك ،


أما من ناحية أخوي الشاعر القدير : أبو زيد

فوالله أن اللعب معه نوماس وهو شاعر محاوره قدير وأنا التمس له العذر لتأخره يمكن لأنشغاله

ولكنه في النهايه يبقى مبدع وجزل من وجهة نظري




شكراً لك من القلب يامحمد الجبريني


كلامك على راسي وعيني


وشعراء الجزيره لهم باعهم الطويل ، وحنا على النت نحاور أخواننا الشعار ونفيد ونستفيد




لكم فائق التقدير

[معيوف الدوسري]

يا لبية يا راكان صح السانك والسان زميلك
ويلوموني فيك

يا ولد مبدع نضم ومحاورة

ماشاء اللة لا احسدك

اختامها صح السانك

[راكان بن بدن السبيعي]

أرحب يابومبارك



وجودك شرف يالقرم



الغلا متبادل يابعدي


الله لايحرمنا من وفا شرواك




لك فائق التقدير

[السمــهري]

محمد الجبريني ........... لقد أنصفتني بتعليقك

فلقد وفيت وكفيت في النقد ......... وهذا هو نقدي تماما ً

ولكن انت اضفت الشرح الجميل فيه

اما أن فلقد أبديت اعجابي براكان محمد وقلت بانه أقرب للمحاورة من ابو زيد

وهذا ليس تقليلا ً بشأن ابو زيد

لاوالله فانه اخ وعزيز وله تقديره حتى لو ماعرفته

وحتى راكان محمد على سلامته ورب العزة والجلال ماعرفه مثله مثل ابو زيد

ولكن انا نقدت على اسلوب المحاورة فقط

وقد فسرها محمد الجبريني مشكورا ً

واتمنى ان الملاحظة اللي كتبها محمد ماتنحذف مثل مشاركتي السابقة

وشكرا

[بـــــحـــــرٍ]

والله بغينا نشوف محـأوره ع العمووم

رـأكـأن كالعاده مبــدع

ابو زيــد صح لسانك


وياليت من الااداره تحذف الموضوع لانه صار نقاش اكثر من ماهو محـأورره

واسفين ع الانتقاد البسيــط

[راكان بن بدن السبيعي]

بحر


هلابك ملايين



تشرّفت بمرورك


أنا أتوقّع أن المحاوره أنتهت .

أما من ناحية طلبك حذفها فأنا لا أوافقك الراي لأنها تعتبر من مواضيعي وأنا أرفض حذفها

والتعليق مفتوح للجميع لستفيد أولاً ونفيد



لذلك والله أني فخور بتواجدك


فيـاهلابك وعلى الرحب والسعه




لك فائق التقدير

[بـــــحـــــرٍ]

بالنسبه ياأخوي مـأطلبت حذف الموضوع

الا مثل مااتشوف( صارت ساحه مصارعه) ماهي ساحه محــأورره

وان كـأن ع تعليقي انتم مبــدعين , واعتقــد ان الاخ محمــد كفى ووفــى


دمت بخير :huglove:

[راكان بن بدن السبيعي]

هلابك ومرحبا يابحر



وجودك ينومسني ويشرّفني

[ربح السبيعي]

حنا سبيع ونفرّق الجمع الغفير=وأنت من عزوه ولانيب اعرْف أوصافها
قمت تمدح مير ماشفت أنا اسمك فالأثير=عارفين ثقالها عارفين اخفافها
الله الله
صح لسانك يابومحمد
وصح لسان ابوزيد
لاهنتو

[راكان بن بدن السبيعي]

صح بدنك ياربح



وجودك شرف ونوماس لاخلا ولا عدم


والبيت شكله وصلك ناقص كلمة ( ابك ) :



ابك حنا سبيع ونفرّق الجمع الغفير=وأنت من عزوه ولانيب اعرْف أوصافها
قمت تمدح مير ماشفت أنا اسمك فالأثير=عارفين ثقالها عارفين اخفافها