تسجيل الدخول

مشاهدة النسخة كاملة : ياسلام الله سلام من مبعدت المحاري


بعيــد المحاري
16-04-2007, 04:52 AM
السلام عليكم ورحمة الله وبركاته:artist:

طــاروق واستــلمو






ياسلام الله سلام من مبعدت المحاري=من هجوس الشاعر اللي بالوفا ترقى سنودي
من تقدم ماله الا بنحر دق الشباري=لين عند اهل المهابه والكرم نثبت وجودي
متحدي
16-04-2007, 06:00 AM
وعليكم السلام ورحمة الله وبركاته



مرحبا وأهلا وسهلا عشت ياذيب المساري=والمشاكل عاقبتها بيحت منها السدودي
أجبرت بدهان يطلب عفو قبلان الشراري=بعد ماكان القوي القرم حماي الحدودي
راكان بن بدن السبيعي
16-04-2007, 10:09 AM
بعيد المحاري

ومتحدّي


بيّض الله وجيهكم بدايه ولا أروع


بعيد المحاري ليتك توضّح صدر البيت الثاني وعزالله طاروق رايق


متحدي ياسلام ياسلام :


أجبرت بدهان يطلب عفو قبلان الشراري
بعد ماكان القوي القرم حماي الحـدودي



متابعين مع الصفوف
النجم المعتلي**
16-04-2007, 07:05 PM
ياسلام ياسلام.

طاروق كايف..

واصلوا

متابعين ونشوف البعيد والقريب..

..
ربح السبيعي
16-04-2007, 09:52 PM
مرحبابك يابعيد المحاري



وصح لسانك على هالمبداء الرائع



وصح لسانك يامتحدي



على هالرد الوافي والشافي



واصلو وانا متابعين معكم
متحدي
19-04-2007, 10:30 PM
راكان // النجم المعتلي//ربح السبيعي

شكرا لمروركم وتشريفكم لهذا المتصفح

تواجدكم اسعدني دمتم أخوة أعزاء

-------------------------------------------------------------------------------------------------------------------------------
بعيد المحاري اذا انك تبغا شاعر معين ليش ماطلبته باسمه

استغرب ان شاعر يجيب طاروق ويرد عليه ولايرد

كنت متواجد بعد الرد لماذا لم ترد؟؟؟؟؟
السمــهري
21-04-2007, 10:45 PM
يمكن إنه مايبيك ولايبي صقر ومشاري=ويمكن انه مايدور يافتى لبيته ردودي
وإحتمال إنه تحسف الله أعلم بالطواري=ننتظر لين يتبين ماكتبناه بشــــهودي


السمهري
متحدي
22-04-2007, 06:24 AM
مرحبا ومسهلا ياالسمهري

انت طحت من المظله فالهبوط الإضطراري=وقمت تحدا من الفرح يامل قلبي ياوجودي
علم الدكتور باالي تونسه ياسمهراري=هل تحس انك تدور وشي في راسك يدودي
السمــهري
22-04-2007, 11:34 PM
ياولد خلك مؤدب ماني بمضيع مساري=جيت اشارك علـّي ألقا من محبتكم صعودي
لكن الظاهر وجودي مايعزز من وقاري=خلني اترك بلدكم والبلد لـ آل السعودي

السمهري
متحدي
23-04-2007, 11:44 AM
طيب طيب يالسمهري


اعتذر واسف دبل وارجوك تقبل لعتذاري=ياعسا مزح يزعل رجل طيب مايعودي
لا تسافر من بلاد النور لبلادالغداري=يم دار مابها خضره ولا فيها عدودي
السمــهري
23-04-2007, 03:26 PM
هلا وغلا متحدي


بارك الله في هروج ٍ شفتها تالي نهاري=من غرابيل ٍ سبتني كلها قروم وأسودي
والعذر منكم قبلته ياشطـيرين الشباري=لابتـك أبصم عليها مابها واحد شرودي


االسمهري
متحدي
23-04-2007, 06:49 PM
سرها ياالسمهري واسقط على النجم الزهاري= والوعد فـ أقصا حدود الجاذبيه لا تزودي
وش تعزوى لاكتف عج الرمك والملح ثاري=وكل رجال تعزوى بالقبيله والجدودي
بـــــحـــــرٍ
23-04-2007, 07:17 PM
الله الله

صح لسـأنكم ابـداع ويشهد الله على كلامي انكم مبدعين

< متـأبع
السمــهري
23-04-2007, 11:15 PM
اكتب ابياتي مديحه فيك ياذيب البراري=بس اشوفك يارفيقي منزعج فوق الحدودي
ماخذن طبع الحضر ماهو على طبع الصحاري=ابك انا قلت المديحه لاتشمت بي حسودي

السمهري
السمــهري
23-04-2007, 11:17 PM
بحر حياك الله يالقرم

ومتابعتك لنا وشهادتك نعتبرها شرف لنا

فلاتحرمنا طلتك


السمهري
متحدي
24-04-2007, 12:13 PM
طبعنا واحد بدو ولاحضر خلك حضاري=ومدحك الي تذكره هاك اشتله مافيه فودي
صاحبي لوانشده عن ديرته هل العباري=منزعج يوم الوطن (ف)الخارطه ماله وجودي
متحدي
24-04-2007, 12:52 PM
بحر //// صح بدنك
شهادتك محل اعتزازنا
مشكور على المرور
لك تقديري واحترامي
السمــهري
24-04-2007, 02:44 PM
اسمع اسمع الله اعلم انك من اهل الاتاري=تلعبون الليل كله والأوادم به رقودي
فيه أحد عاف المديحة ؟ والله انك خنفشاري=تدعي علم الثقافة وانت رجال ٍ ملودي


السمهري
متحدي
24-04-2007, 06:17 PM
ملودي هههههههههههههههههههههههه أفا بس أفا وصلت الى هاالدرجه

الغالي السمهري المحاوره تسمح لك بمزاولة الضغط على الخصم بكل الطرق

ومحاولة استفزازه بكل شي عدا استخدام الالفاظ البذيئه علنا

تقديري واحترامي لك وبكل تأكيد استفدت من مجاراتك وحرصا مني

على كسبك سأوقف المحاوره من قبلي0 ليس غضبا ولكن احتراما لك

من الرد وحبا وتقديرا لك 0 ومسامح وبيض الله وجهك
السمــهري
25-04-2007, 12:37 AM
متحدي

هلا وغلا يالقرم

وانا لم أقصد إلا ممازحتك كما بدينا

وأنا متأكد إنك فهمت القصد

ومقدر لك تعاملك معي في المحاورة

وصح لسانك ولاهنت يالقرم و الله يطولي عمري

تقبل تحية وتقدير

اخوك السمهري
محمد الجبريني
25-04-2007, 01:02 AM
صحة السنتكم بعيد المحاري
والسمهري
متابع
تقديري للجميع
بعيــد المحاري
01-05-2007, 03:21 AM
صح لساان الجميع خخخخخخخ

متحدي والله اني كنت مشغول يالقرم ولا اللعب معك شرف

والسمهري ينوب ويكفي لو انه درقني اشوي بس مسموح خخخخخخخ


تحياتي لكم