خــــالـــــد
11-04-2007, 02:35 PM
السلام عليكم
http://www.sfsaleh.com/vb/attachment.php?attachmentid=21450&d=1150313192
إليكم القصائد المشاركة في الجولة الثانية
وسوف أقوم باستقبال قصائدكم في الجولتين الثالثة والرابعة بسبب انشغال الاخ محمد المحلكم
وأقوم بعرضها بأرقام لكي يطلع عليها أعضاء لجنة التقييم ويتم تقيمها من عشر درجات وبعد ذلك ترسل النتائج
للاستاذ زبن بن عمير
وساحتفظ لوحدي بالاسماء الحقيقية إلى الجولة الاخيرة بعد ان يعلن الاستاذ زبن بن عمير رقم المتسابق الفائز بعد ذلك سأقوم باعلان اسم صاحب الرقم
إليكم وللجنة التحكيم القصائد
القصيدة الأولى
رقم (( 1 ))
بعيون عمشت وانهكت رمص الاهداب=يرعـى الغـروب وعلتـه مستكـنـه
ويسج في وقتٍ مضى له وهـو شـاب=بيـت , وغنـاة , وعايلـه مطمئنـه
لها بهـا عـن والدينـه وقـد خـاب=فيه الرجا واثبـت بـه بْليـس ظنـه
عاش ونساهم واسعد عيـال واحبـاب=يعني ترك فـرض وتمسـك بسنـه !
ياما عصاهـم وانتهرهـم ولا هـاب=واقفـا وصيحـان الرجـا مـا ثننـه
راح وطوى من دونهم صفحـة كتـاب=ولاعاتـب الصفـحـات او عاتبـنـه
واليوم .... شِرب اللي سقاهم ومنصاب=ويجر في ( دار المسنيـن ) ونـه !!
القصيدة الثانية
رقم (( 2 ))
النبي المصطفى وصّاك بأمّك=ثم بأمّك ثم بأمّك ثم أبوك
ما سبقهم في الغلا خالك وعمّك=وما يصفّ بجنبهم تقدير أخوك
دمهم تركيبته في وسط دمّك=ولو نسيت أفضالهم ما عاتبوك
من هي اللي حضنها لا ضقت ضمّك=وتفزع إليا من وطت رجليك شوك
ومن هو اللي كل خيراته تعمّك=ما طلبته شئ إلا قال : دوووك
وقبل ما يمسح دموع الحزن كمّك=امسحوا دمعات عينك وسبقوك
لا تقول إن برّهم لا ما يهمّك=برّهم واجب ,, مثل ما كبّروك
القصيدة الثالثة
رقم (( 3 ))
الوالدين اغلا من الكـون كلـه=نبع الحنـان ومنبـع ٍللمروفـه
كم ليلة ٍسهروتقـل فـوق ملـه=شالو معاك الضيق وايضا الكلوفه
أمـك حنـون وقربهـا ماتملـه=وحقوقها ماهيب تخفى معروفـه
قاست معا وضعك ثمانين علـه=ثم ارضعتك وقايمه بك عطوفـه
وابوك لجلك ماهتنا فـي محلـه=يكدح عليك وكـل درب ٍ يحوفـه
من بار فيهم شاف وجه المذلـه=واللي عمل معهم لزوم ٍ يشوفـه
مهـوب عـذر ٍلويقولـه لابالله=ماتمنعه عـن والدينـه ظروفـه
القصيدة الرابعة
رقم (( 4 ))
يانفس خوذي من وصاتـي أمانـه=وكوني على حفـظ الأمانـه امينـه
اوصيك في نبـع الحيـاة وحنانـه=أمـي امانـه مـعـك لاتغضبـيـه
اللي جزاه لكره حملـي / حضانـه!=لها حياتي طـول عمـري مدينـه
وابوي ساس الحـب بانـي كيانـه=احـب لـه راسـه واقبـل يدينـه
اللي يبي رضـا الكريـم وجنانـه=الوالديـن يحطهـم وسـط عينـه
واللاش لامنه ضحـك لـه زمانـه=واغتر في دنياه مع ضعـف دينـه
لـو بدلـه قاسـي زمانـه ليانـه=وشلون يرضى من غضب والدينه!؟
القصيدة الخامسة
رقم (( 5 ))
قالولي أكتب عـن حقـوق الوالديـن ولاقويـت=وعذري معي مهما كتبت من القصايـد ماكتبـت
حقوقهم أكبر من حروف الابجديـة وإن حكيـت=ولو قلت أوفي بالحقوق اللي عى راسي كذبـت
هذاك ابوي اللي على يدينه ترعرعـت وربيـت=ياماتعب فيني وأنـا فـي حـق واحـد ماتعبـت
مرت على فرقاه ( عشر سنين ) وأحسبني نسيت=أدله مع العالم والليا مـن مـر بالتفكيـر غبـت
أغيب لامني تذكرته يعلمني ومن علمـه خذيـت=عساي في تطبيق كل اللي يقوله نجحت ولارسبت
واليوم أشوفه في زوايا الذاكرة ولو كـان ميـت=يارب تغفر لـه عـدد مايحيـي الهمـال نبـت
وتغفر معه للوالده وتبنـي لهـم بحمـاك بيـت=يامن إذا دعـاك عبـدك تالـي الليـل أستجبـت
القصيدة السادسة
رقم (( 6 ))
أبــــوي وأمــــي يــازبـــن=يـســوون كـــل الأمـنـيـات
مـشـاعـري مـعـهـم ربــــن=مـثـل الثـمـر بــاول نـبــات
أمـــــي تـغـذيـنــي لـــبـــن=وأبــوي غـذانــي صـفــات
كـبــرت وكـفـوفـي حــبــن=وعرفت وش معنى الحيات
وإلاالـمـزايــيــن يــهــبـــن=ماأرخصتهم لاأجـل البنـات
لـوقـلـت لــفــوادي ســبــن=مالـي تـرى عنـهـم غـنـات
أبــــوي غــالــي يــازبـــن=وأمــي هــي أغلاالأمـهـات
القصيدة السابعة
رقم (( 7 ))
الله خلق هالناس سالم وهالك=تبّت يداك ان ماحذرت المهالك
الطيب كله برّك بوالدينك=يامدّور الطيّب عسى الطيب فالك
فرضٍ عليك تطيع لو كنت كاره=وترخص لهم وقتك وجهدك ومالك
لاتامن الدنيا وغدر الليالي=بتشوف ماتكره من أغلى عيالك
البرّ فيهم مقترن بالعباده=ان قمت فيهم كل عمرك صفالك
بابين للجنّه على مدّ شوفك=إما تجي رضوان أو زرت مالك
وان كان برّك قصّر اليوم عنهم=لافالك الجنّه ولا الطيب فالك
القصيدة الثامنة
رقم (( 8 ))
رغم أنف اللي بيدرك والدينـه وهـم كبـار=دون بـرّ بوالدينـه ، رغـم انفـه بالتـراب
ان زرعت البر أبشر ، تحصد البـر بغـزار=وان نويت البعد تلقـى للبعـد مليـون بـاب
يبست اوراق التواصل من عقب هاك الخضار=واثمرت ثمر القطيعة وارتوت من سـم داب
ترفض الجنـة وتدبـر ، دون ايـة اعتبـار=مايهمك ؟ هذي أمك ماتخاف ومـا تهـاب ؟
الله اكبر يا ابـن آدم صـارت الدنيـا دمـار=ان سلمت بدنيتك ، ماسلمـت مـن الحسـاب
كنك اللي طول وقته يسرق ف وضح النهـار=ماحسبت حساب قبرك والدعاء المستجـاب !
شد حيلك ، قوّ عزمـك دون ادنـى انتظـار=قبّل امك ، بِرّ ابوك وخـاف ربـك بالغيـاب
القصيدة التاسعة
رقم (( 9 ))
مرت سنين من العمر والبعض فالدنيـا لهـات=اللي يبيع ويشتـري واللـي مـن الدنيـا شـرا
والعرض يوم العرض والانسان مهما عاش مات=ولا يعيـش الا الذكـر بيـن الثريـا والثـرى
وافضل ذكر من يذكر الرحمن في وقت الصلاة=حتى وهو في ركعته يقـرا ويفهـم وش قـرا
اليـا بـدا بالفاتحـة بعديـن يقـرا ماهـو آت=أمرٌ إلهـيٌ ( قضـى ) والامـر فعـل مقـدّرا
واجب على المسلم يبر بوالـده قبـل الممـات=حتـى ينـال المغفـرة والله عليـمٌ مبـصـرا
والام ثـم الام ثـم الام هـي كــلّ الحـيـاة=قبّل يديها واعتـذر عـن كـل تقصيـر جـرى
واليا انتهيت مـن التشهـد اطلـب الله فالنجـاة=( يارب ترحمهم ليا صاروا تحت سطح الثرى )
القصيدة العاشرة
رقم (( 10 ))
ناديت قافي للقصيد وتهيّا=أبنثره باللي طرالي على ذوق
ساعة زهمته ماعصاني وعيّا=جتني حروفه زاهيه مابها عوق
القاف جاهز مايبي له كذيّا=هذي حروفه سقتها بالغلا سوق
الوالدين الهم حقوقٍ عليّا=أمرٍ علينا واجب من السماء فوق
الله قرنهم بآية الشرك هيّا=اتلوا آياته طلعوا دمعة الموق
ياسعد من هو برهم بالهنيّا=ومن عقهم بالهم يبشر له بطوق
وختامها ندعي صباح وعشيّا=الله يغفر ذنبهم ماخطت نوق
القصيدة الحادية عشر
رقم (( 11 ))
بالدين وسلوم العرب واجد حقوق=يثقل بها ميزان الاعمـال ويخـف
عنها التغاضي مايجوز ومايلـوق=وفيها وسيع المعرفـه مايستخـف
لكن اليا عاقك عن التكميل عـوق=في بعضها مرات يكفيـك الاسـف
الا حقوق الوالدين اصحى وفـوق=خطوط حمرا عندها مكتـوب قـف
ابسط خطا في حقهم يعني عقـوق=ويقال لك نهرتهـم لـو قلـت اف
لو زنت مالك فضل الا انت محقوق=عليك ديـن الله لا يصغـرك وف
تبي تلاحق فضلهم صعب اللحـوق=ولا لك الا حب راس وبوس كـف
القصيدة الثانية عشر
رقم (( 12 ))
يالله ياللي تجلي الهم والياس=أدعيك بلـّـغني رضا والديني
يكفي رضاهم عن رضا ساير الناس=فدا لهم روحي وقلبي وعيني
يكفيني أليا قمت تقبيلة الراس=ودعوتهم : الله في طريقك عويني
وإذا احدهم فالثرى بالقدم داس=احس الأرض اللي تحتهم جبيني
يجري غلاهم داخلي جرْي الأنفاس=من هامتي حتى أرجلْي محتويني
لو كان طاعتهم مع الناس تنقاس=بهم رضا ربي وتكميل ديني
عقّاقهم وشلون يهناه مجلاس=ووش عذره بيومٍ يشيْب الجنيني
القصيدة الثالثة عشر
رقم (( 13 ))
يارب منك العيشة المرضيـة=واصلاح الأعمال وقبول النية
الى طلبنا سِتْرنـا جينـا لـك=وكفوفنـا بأسحارنـا مثنيـة
في والدينا يـاالله اِتْسخِرْنـا=للبـرّ والتقديـر والحِنّـيـة
مادامت الجنة معـا ماطاهُـم=أبوس رجلينٍ بقَت لـي حيـة
والله لوابقى طول هذا الدنيـا=من تحت رجليهم..وفاي شويّة
عسى حياتـي كلهـا تفديهـم=وأرواحهُم تبقى بخيـرٍ حيّـة
وصّى بهُم ربّ البشَر..ياربّي=تجعل لنا فـي بِرّهُـم ماريّـة
القصيدة الرابعة عشر
رقم (( 14 ))
ما يجحد الانسان فضل ٍ لانسان=وشلون لو يجحد فضل والدينه
امك وابوك اعلم ترا شانهم شان=عــقـوقهم احــذر ابد تستهينـه
والله جمع بين العباده والاحسان=يعنـي جـعـلها للعباده قــرينه
اخفض جناح الذل شكر ٍ وعرفان=للي عطاك اجمل واثمن سنينه
يكفي تذكر كم ظمتك الاحضان=وكل ٍ يشوفك بالغلا فوق عينه
وكن المرض فيهم ايلا صرت مرضان=وحولك تراهم بالنفوس الحزينه
لما كبرت الان لا تغفل الان=من بـَرهم بالخـير ربي يعينه
وان هنتم والله يجي يوم تنهان=من هانهم ياتيه ولد ٍ يهينه
انتهى
http://www.sfsaleh.com/vb/attachment.php?attachmentid=21451&d=1150313192
http://www.sfsaleh.com/vb/attachment.php?attachmentid=21450&d=1150313192
إليكم القصائد المشاركة في الجولة الثانية
وسوف أقوم باستقبال قصائدكم في الجولتين الثالثة والرابعة بسبب انشغال الاخ محمد المحلكم
وأقوم بعرضها بأرقام لكي يطلع عليها أعضاء لجنة التقييم ويتم تقيمها من عشر درجات وبعد ذلك ترسل النتائج
للاستاذ زبن بن عمير
وساحتفظ لوحدي بالاسماء الحقيقية إلى الجولة الاخيرة بعد ان يعلن الاستاذ زبن بن عمير رقم المتسابق الفائز بعد ذلك سأقوم باعلان اسم صاحب الرقم
إليكم وللجنة التحكيم القصائد
القصيدة الأولى
رقم (( 1 ))
بعيون عمشت وانهكت رمص الاهداب=يرعـى الغـروب وعلتـه مستكـنـه
ويسج في وقتٍ مضى له وهـو شـاب=بيـت , وغنـاة , وعايلـه مطمئنـه
لها بهـا عـن والدينـه وقـد خـاب=فيه الرجا واثبـت بـه بْليـس ظنـه
عاش ونساهم واسعد عيـال واحبـاب=يعني ترك فـرض وتمسـك بسنـه !
ياما عصاهـم وانتهرهـم ولا هـاب=واقفـا وصيحـان الرجـا مـا ثننـه
راح وطوى من دونهم صفحـة كتـاب=ولاعاتـب الصفـحـات او عاتبـنـه
واليوم .... شِرب اللي سقاهم ومنصاب=ويجر في ( دار المسنيـن ) ونـه !!
القصيدة الثانية
رقم (( 2 ))
النبي المصطفى وصّاك بأمّك=ثم بأمّك ثم بأمّك ثم أبوك
ما سبقهم في الغلا خالك وعمّك=وما يصفّ بجنبهم تقدير أخوك
دمهم تركيبته في وسط دمّك=ولو نسيت أفضالهم ما عاتبوك
من هي اللي حضنها لا ضقت ضمّك=وتفزع إليا من وطت رجليك شوك
ومن هو اللي كل خيراته تعمّك=ما طلبته شئ إلا قال : دوووك
وقبل ما يمسح دموع الحزن كمّك=امسحوا دمعات عينك وسبقوك
لا تقول إن برّهم لا ما يهمّك=برّهم واجب ,, مثل ما كبّروك
القصيدة الثالثة
رقم (( 3 ))
الوالدين اغلا من الكـون كلـه=نبع الحنـان ومنبـع ٍللمروفـه
كم ليلة ٍسهروتقـل فـوق ملـه=شالو معاك الضيق وايضا الكلوفه
أمـك حنـون وقربهـا ماتملـه=وحقوقها ماهيب تخفى معروفـه
قاست معا وضعك ثمانين علـه=ثم ارضعتك وقايمه بك عطوفـه
وابوك لجلك ماهتنا فـي محلـه=يكدح عليك وكـل درب ٍ يحوفـه
من بار فيهم شاف وجه المذلـه=واللي عمل معهم لزوم ٍ يشوفـه
مهـوب عـذر ٍلويقولـه لابالله=ماتمنعه عـن والدينـه ظروفـه
القصيدة الرابعة
رقم (( 4 ))
يانفس خوذي من وصاتـي أمانـه=وكوني على حفـظ الأمانـه امينـه
اوصيك في نبـع الحيـاة وحنانـه=أمـي امانـه مـعـك لاتغضبـيـه
اللي جزاه لكره حملـي / حضانـه!=لها حياتي طـول عمـري مدينـه
وابوي ساس الحـب بانـي كيانـه=احـب لـه راسـه واقبـل يدينـه
اللي يبي رضـا الكريـم وجنانـه=الوالديـن يحطهـم وسـط عينـه
واللاش لامنه ضحـك لـه زمانـه=واغتر في دنياه مع ضعـف دينـه
لـو بدلـه قاسـي زمانـه ليانـه=وشلون يرضى من غضب والدينه!؟
القصيدة الخامسة
رقم (( 5 ))
قالولي أكتب عـن حقـوق الوالديـن ولاقويـت=وعذري معي مهما كتبت من القصايـد ماكتبـت
حقوقهم أكبر من حروف الابجديـة وإن حكيـت=ولو قلت أوفي بالحقوق اللي عى راسي كذبـت
هذاك ابوي اللي على يدينه ترعرعـت وربيـت=ياماتعب فيني وأنـا فـي حـق واحـد ماتعبـت
مرت على فرقاه ( عشر سنين ) وأحسبني نسيت=أدله مع العالم والليا مـن مـر بالتفكيـر غبـت
أغيب لامني تذكرته يعلمني ومن علمـه خذيـت=عساي في تطبيق كل اللي يقوله نجحت ولارسبت
واليوم أشوفه في زوايا الذاكرة ولو كـان ميـت=يارب تغفر لـه عـدد مايحيـي الهمـال نبـت
وتغفر معه للوالده وتبنـي لهـم بحمـاك بيـت=يامن إذا دعـاك عبـدك تالـي الليـل أستجبـت
القصيدة السادسة
رقم (( 6 ))
أبــــوي وأمــــي يــازبـــن=يـســوون كـــل الأمـنـيـات
مـشـاعـري مـعـهـم ربــــن=مـثـل الثـمـر بــاول نـبــات
أمـــــي تـغـذيـنــي لـــبـــن=وأبــوي غـذانــي صـفــات
كـبــرت وكـفـوفـي حــبــن=وعرفت وش معنى الحيات
وإلاالـمـزايــيــن يــهــبـــن=ماأرخصتهم لاأجـل البنـات
لـوقـلـت لــفــوادي ســبــن=مالـي تـرى عنـهـم غـنـات
أبــــوي غــالــي يــازبـــن=وأمــي هــي أغلاالأمـهـات
القصيدة السابعة
رقم (( 7 ))
الله خلق هالناس سالم وهالك=تبّت يداك ان ماحذرت المهالك
الطيب كله برّك بوالدينك=يامدّور الطيّب عسى الطيب فالك
فرضٍ عليك تطيع لو كنت كاره=وترخص لهم وقتك وجهدك ومالك
لاتامن الدنيا وغدر الليالي=بتشوف ماتكره من أغلى عيالك
البرّ فيهم مقترن بالعباده=ان قمت فيهم كل عمرك صفالك
بابين للجنّه على مدّ شوفك=إما تجي رضوان أو زرت مالك
وان كان برّك قصّر اليوم عنهم=لافالك الجنّه ولا الطيب فالك
القصيدة الثامنة
رقم (( 8 ))
رغم أنف اللي بيدرك والدينـه وهـم كبـار=دون بـرّ بوالدينـه ، رغـم انفـه بالتـراب
ان زرعت البر أبشر ، تحصد البـر بغـزار=وان نويت البعد تلقـى للبعـد مليـون بـاب
يبست اوراق التواصل من عقب هاك الخضار=واثمرت ثمر القطيعة وارتوت من سـم داب
ترفض الجنـة وتدبـر ، دون ايـة اعتبـار=مايهمك ؟ هذي أمك ماتخاف ومـا تهـاب ؟
الله اكبر يا ابـن آدم صـارت الدنيـا دمـار=ان سلمت بدنيتك ، ماسلمـت مـن الحسـاب
كنك اللي طول وقته يسرق ف وضح النهـار=ماحسبت حساب قبرك والدعاء المستجـاب !
شد حيلك ، قوّ عزمـك دون ادنـى انتظـار=قبّل امك ، بِرّ ابوك وخـاف ربـك بالغيـاب
القصيدة التاسعة
رقم (( 9 ))
مرت سنين من العمر والبعض فالدنيـا لهـات=اللي يبيع ويشتـري واللـي مـن الدنيـا شـرا
والعرض يوم العرض والانسان مهما عاش مات=ولا يعيـش الا الذكـر بيـن الثريـا والثـرى
وافضل ذكر من يذكر الرحمن في وقت الصلاة=حتى وهو في ركعته يقـرا ويفهـم وش قـرا
اليـا بـدا بالفاتحـة بعديـن يقـرا ماهـو آت=أمرٌ إلهـيٌ ( قضـى ) والامـر فعـل مقـدّرا
واجب على المسلم يبر بوالـده قبـل الممـات=حتـى ينـال المغفـرة والله عليـمٌ مبـصـرا
والام ثـم الام ثـم الام هـي كــلّ الحـيـاة=قبّل يديها واعتـذر عـن كـل تقصيـر جـرى
واليا انتهيت مـن التشهـد اطلـب الله فالنجـاة=( يارب ترحمهم ليا صاروا تحت سطح الثرى )
القصيدة العاشرة
رقم (( 10 ))
ناديت قافي للقصيد وتهيّا=أبنثره باللي طرالي على ذوق
ساعة زهمته ماعصاني وعيّا=جتني حروفه زاهيه مابها عوق
القاف جاهز مايبي له كذيّا=هذي حروفه سقتها بالغلا سوق
الوالدين الهم حقوقٍ عليّا=أمرٍ علينا واجب من السماء فوق
الله قرنهم بآية الشرك هيّا=اتلوا آياته طلعوا دمعة الموق
ياسعد من هو برهم بالهنيّا=ومن عقهم بالهم يبشر له بطوق
وختامها ندعي صباح وعشيّا=الله يغفر ذنبهم ماخطت نوق
القصيدة الحادية عشر
رقم (( 11 ))
بالدين وسلوم العرب واجد حقوق=يثقل بها ميزان الاعمـال ويخـف
عنها التغاضي مايجوز ومايلـوق=وفيها وسيع المعرفـه مايستخـف
لكن اليا عاقك عن التكميل عـوق=في بعضها مرات يكفيـك الاسـف
الا حقوق الوالدين اصحى وفـوق=خطوط حمرا عندها مكتـوب قـف
ابسط خطا في حقهم يعني عقـوق=ويقال لك نهرتهـم لـو قلـت اف
لو زنت مالك فضل الا انت محقوق=عليك ديـن الله لا يصغـرك وف
تبي تلاحق فضلهم صعب اللحـوق=ولا لك الا حب راس وبوس كـف
القصيدة الثانية عشر
رقم (( 12 ))
يالله ياللي تجلي الهم والياس=أدعيك بلـّـغني رضا والديني
يكفي رضاهم عن رضا ساير الناس=فدا لهم روحي وقلبي وعيني
يكفيني أليا قمت تقبيلة الراس=ودعوتهم : الله في طريقك عويني
وإذا احدهم فالثرى بالقدم داس=احس الأرض اللي تحتهم جبيني
يجري غلاهم داخلي جرْي الأنفاس=من هامتي حتى أرجلْي محتويني
لو كان طاعتهم مع الناس تنقاس=بهم رضا ربي وتكميل ديني
عقّاقهم وشلون يهناه مجلاس=ووش عذره بيومٍ يشيْب الجنيني
القصيدة الثالثة عشر
رقم (( 13 ))
يارب منك العيشة المرضيـة=واصلاح الأعمال وقبول النية
الى طلبنا سِتْرنـا جينـا لـك=وكفوفنـا بأسحارنـا مثنيـة
في والدينا يـاالله اِتْسخِرْنـا=للبـرّ والتقديـر والحِنّـيـة
مادامت الجنة معـا ماطاهُـم=أبوس رجلينٍ بقَت لـي حيـة
والله لوابقى طول هذا الدنيـا=من تحت رجليهم..وفاي شويّة
عسى حياتـي كلهـا تفديهـم=وأرواحهُم تبقى بخيـرٍ حيّـة
وصّى بهُم ربّ البشَر..ياربّي=تجعل لنا فـي بِرّهُـم ماريّـة
القصيدة الرابعة عشر
رقم (( 14 ))
ما يجحد الانسان فضل ٍ لانسان=وشلون لو يجحد فضل والدينه
امك وابوك اعلم ترا شانهم شان=عــقـوقهم احــذر ابد تستهينـه
والله جمع بين العباده والاحسان=يعنـي جـعـلها للعباده قــرينه
اخفض جناح الذل شكر ٍ وعرفان=للي عطاك اجمل واثمن سنينه
يكفي تذكر كم ظمتك الاحضان=وكل ٍ يشوفك بالغلا فوق عينه
وكن المرض فيهم ايلا صرت مرضان=وحولك تراهم بالنفوس الحزينه
لما كبرت الان لا تغفل الان=من بـَرهم بالخـير ربي يعينه
وان هنتم والله يجي يوم تنهان=من هانهم ياتيه ولد ٍ يهينه
انتهى
http://www.sfsaleh.com/vb/attachment.php?attachmentid=21451&d=1150313192