مسابقة القوافي الصعبة ( الجولة السادسة )

[أبوعبدالرحمن]

السلام عليكم ورحمة الله

اقدم لكم الجولة السادسة من مسابقة القوافي الصعبة ..

واحب أن اوضح أن مدة المسابقة اسبوع واحد فقط ..

وعدد الابيات المسموح بها هي ثلاثة ابيات ..

تاريخ بدء المسابقة هو 25/11/1424


أتمنى للجميع التوفيق ..



دوّرت لي قافٍ مع الناس ممتاز=وكلٍ يدوّر زين قافه وعزّه
ماني من اللي يجرح الغير لا فاز=وماني من اللي كل ريحٍ تهزّه
وماني من اللي يعشق صنوف الألغاز=شعري حصان وفي الصعيبات ألزّه
الشطر الأول في التحدي على ( آز )=والشاعر اللي رمح شعره ,,, يرزّه

[بحـــ ـ ـ ــار]

يالله أنا أقول أنا الى بفوز فيهااااااااااااااااااا

[فالح الشلوي]

كم واحدن يصنع له امجاد وانجاز = وكم واحدن شعره براسه يخزه

الشعر فن وماحدن فيه مركاز = وماكل بيتن تكتبه فيه فزه

سلام ياشاعر عن الطيب مانحاز = بنيت لك شعر يفوقه معزه

[ابـــوليـــــلى]

يا والله اللى صار فيها تلعواز ** وش جابني يم القصيد ومرزه


:(


السلام عليكم


انا جاي بس اشوف المسابقه

ونسيت اني مانيب شاعر :mad:

قلت يا ولد ما بدهاش

قلهم بس يعطيكم العافيه :برافو:

وررررررررح لا يتناوشونك ويحوسون مريرك بقصيدة هجائيه



...................


التوفيق للجميع

[م.عبدالله]

احبه محبة المسلمين لأبن باز=كثر ما ابليس جلس لإبن آدم يوزه

ذل البشر وهي من قبله اعزاز=اليا نظر بعيونهم يلقاها تخزه

والحين نظرته تقتلهم وتجتاز=تاكل لحمهم وتاخذ الدم وتمزه


اعذروني على المشاركه المتواضعه ولكن هي مجرد محاوله

[عنود الريم]

على الهامش00فقط :(




يلوج قلبي من كثير التفزاز =لامن طرت ذكراه في كل حزه

مع واهج ٍ بالصدر ثابت وهزاز =دايم على الطاري فؤادي يهزه

من واحد ٍ للطيب ويّا الكرم حاز =يااااكثر ماله في فؤادي معزه



كيبورديه :eek:

[أبوعبدالرحمن]

بحار الخليج حيااك الله

وننتظر مشاركتك

والله يوفقك


*********


عذب الاوهام

صح لسانك يالغالي

وماشاء الله عليك جاهز بالرد كذا بتشكك الناس انك تعرف القافية قبل المسابقة

بالتوفيق ان شاء الله


*******

ابوليلي

حياك الله يالغالي

وتمنيت اشوف مشاركتك معنا


وياهلااا


****


النصــــــاب


لاااا ما اصدق النصاب في المنتدى الشعري ويشارك معنااا

صراحة بداية مشجعه منك وبالتوفيق يارب

وصح لسااانك


*****



عنود الريم ( ريـــــــــــم القوافـــي )


الله الله

صح لسااانك أختي

وماشاء الله عليك هذا وهو رد كيبوردي

ابدعتي وامتعتي أختي

وبالتوفيق يارب


****

[بدر]

حي الشعار وهلا بمن هز الشعر هز
...... هزو القصيد واركان الشعر هزا
تفز الابيات لمجاراتكم فـــــــــــــــــــــز
....... كماشجاع لانتخوا به يفز لهم فــزا



انا داري إني خنبقت بس يالله عن قولت ماسويت شئ ..

بدووووري

[معشـوقتك]

يامرسل القاف لاهل الطرب منحاز ** في كل الاوقات قافك دايم ركزه

من قــال قـول ترجمانه بأعجــــاز ** يستاهل العليا عقب ما هزني هزه

ياطيب القول واللفظ السوي ممتاز ** حرفك اصيل تعلى قدره وعــزه


(( معشـــوقــتــك ))

[محمد بن دحيلان]

السلام عليكم

المسابقه مدري نلحق عليها ولا لا
توني اشوفها الحين
بس عندي ابيات اهداء لشاعر منتديات غربيل الزميل عشق لليل

شاعر يستحق الاشاده

وشهادتي فيه مجروحه




الشاعر اللي بيننا بالقلم حاز=صدارت الشعار تكسيه بزّه

شاعر يحب الشعر ويحب الانجاز=عن شلت التكسير حرفه تنزّه

يملك خياله بوح ماهوب يعتاز=يوم ان فكر الاش لسرق وزّه
وسلامتكم

[أبوعبدالرحمن]

مجنونهاااا


صح لساانك اخوي

مجرد وجودك ومشاركتك هذا فخر لي


*
*
*

معشوقتك

الله الله

صح لسااانك اختي

وبالتوفيق ان شاء الله

*
*
*

استاذي / محمد السهلي

صح لسااانك يالغالي

كلماتك وسام على صدري

كذلك وجودك في المسابقة يزيدها جمالها

*
*

بالتوفيق للجميع

[الحانوتي]

هزهز زهور الزاه وازها على آز.... وهزت ضميري مصلبات بغزه
ماهزه الي غض ونهوده اركاز ... ولاهمني جرح الهوى والمعزه
من شوفت الي طلعوها بتلفاز ... بنت بريه يوم الأعداء تــكزه


كيبورديه مع ملاحظه ان النوم غالبني
:confused:

[طيف الوله]

يعطيكم الف عافيه الجميع قمه في الابداع

وحضوري هنا فقط للمداعبه( ابياتي خارج المسابقه)لانها لن تصل الى روعة ما وجدت هناااا... اعجبتني القافيه

وحبيت العب معكم شوي :p



عـــزّ القصيد وفزواهتزّ واجتاااز

..................وارتزّ في مركاز عز ومعزّه

وازدان بزهور الخزامى ولي جاز

.................أرزّ قاااااافي رزةٍ فـــــوق رزّه

ياللي طلبت الشطر الاول على آز

.................لاتحسب ان( الآز) لي مستفزّه
بالتوفيق

:confused:

[الضبيب]

اخواني المشرفين على المنتدى بودي اني شاركت ولاكن لم اطلع على المسابعة الا تعد انتهاء المده
ولاكن لي وجهة نظر حول المسابقه وهي مجرد اقتراح لا اقل ولا اكثر

لووضعت الابيات التي يطلب عليها المشاركه كماهي وتكون الردود مخفيه لاتضهر للقارئ الا بعد انتها المدة تعرض بهذه الطريقة اعتقد تكون اكثر اثارة وتشويق
وتقبلو ا تحيات العضو الجديد
الضبيب

[أبوعبدالرحمن]

الحانوتي


ياهلاا وصح لساانك اخوي


طيف الولة

صح لسااانك اختي

والروعة تكتمل بحضورك دائماً


الضبيب

ياهلابك اخوي

وصراحة في البداية كانت المسابقة ترسل برسالة خاصة

ولكن الهدف هو سرعة المجاراة لكي تصعب القافية على المتسابق التالي

وياهلابك اخوي

وننتظر مشاركتك هنا او في المنتدى الشعري

علما بأن نتيجة المسابقة سوف تعلن غداً بإذن الله

[راكان بن بدن السبيعي]

السلام عليكم ورحمة الله وبركاته



ماقصرتوا الله لايهينكم


كفيتوا ووفيتوا والصراحه أبدعتوا



ولكن أعذروني أن جانب كلامي الصواب وأدرك الخطأ


والله أني ما أفوق عليكم بدرجه وأعلم أنني أقل منكم قدره


ولكن هكذا كلّفت بالنتيجه



نبدأ بسرد المشاركات بالتسلسل حسب أقدمية المشاركه

وليس حسب النتيجه

وفي الأخير نعلن النتيجه


بسم الله



أولاً :

أخوي : عذب الأوهام

كم واحدن يصنع له امجاد وانجاز
...................وكم واحدن شعره براسه يخـزه

الشعر فن وماحدن فيـه مركـاز
.....................وماكل بيتن تكتبـه فيـه فـزه

سلام ياشاعر عن الطيب مانحاز
.....................بنيت لك شعـر يفوقـه معـزه

ماقصرت وزن رائع وقافيه ممتازه وعدم تكرار وكلمات معبّره




ثانياً :

أخوي : النصاب

احبه محبة المسلمين لأبـن بـاز
................كثر ما ابليس جلس لإبن آدم يوزه

ذل البشر وهي من قبلـه اعـزاز
................اليا نظر بعيونهم يلقاهـا تخـزه

والحين نظرته تقتلهـم وتجتـاز
.................تاكل لحمهم وتاخذ الـدم وتمـزه

القافيه جميله ولكن الوزن غير صحيح والمعنى جميل ومشكور على جهدك ..




ثالثاً :

أختي : عنود الريم

يلوج قلبي من كثيـر التفـزاز
................لامن طرت ذكراه في كل حزه

مع واهج ٍ بالصدر ثابت وهزاز
................دايم على الطاري فؤادي يهـزه

من واحد ٍ للطيب ويّا الكرم حاز
................يااااكثر ماله في فؤادي معـزه

وزن رائع وقافيه ممتازه وكلمات معبره ولكن كررتي : قافية عذب الأوهام بكلمة ( معزه ) ..



رابعاً :

أخوي / مجنونها

حي الشعار وهلا بمن هز الشعر هز
............. هزو القصيد واركان الشعر هزا
تفز الابيات لمجاراتكم فـــــــــــــــــــــز
............. كماشجاع لانتخوا به يفز لهم فــزا


ماقصرت على هالمشاركه لكن
الوزن : خطأ .. القافيه : خطأ .. المعنى : لابأس به ... يكفينا تواجدك ومشاركتك نعتز بها



خامساً :

أختي : معشوقتك

يامرسل القاف لاهل الطرب منحاز ** في كل الاوقات قافك دايم ركزه

من قــال قـول ترجمانه بأعجــــاز ** يستاهل العليا عقب ما هزني هزه

ياطيب القول واللفظ السوي ممتاز ** حرفك اصيل تعلى قدره وعــزه

القافيه : ممتازه .. الوزن : خطأ ماعدا الشطر الأول من البيت الثاني لابأس به .. المعنى : جميل ..



سادساً :

أخوي : محمد السهلي

الشاعر اللي بيننـا بالقلـم حـاز
..............صدارت الشعـار تكسيـه بـزّه

شاعر يحب الشعر ويحب الانجاز
.............عن شلت التكسير حرفـه تنـزّه

يملك خياله بوح ماهوب يعتـاز
.............يوم ان فكـر الاش لسـرق وزّه


الوزن : ممتاز ... القافيه : جميله ... الكلمات معبره ...



سابعاً :

أخوي : الحانوتي

هزهز زهور الزاه وازها على آز.... وهزت ضميري مصلبات بغزه
ماهزه الي غض ونهوده اركاز ... ولاهمني جرح الهـوى والمعـزه
من شوفت الي طلعوها بتلفاز ... بنت بريـه يـوم الأعـداء تكـزه

الوزن : رائع .. القافيه : كررت من أبيات المسابقه قافية (آز) وقافية (المعزه) من عذب الأوهام المعنى : رائع جداً ...



ثامناً :

أختي : طيف الوله


أنتي طلبتي خروجك من المسابقه ولذلك نمتنع عن التعليق والمشاركه جميله ..





أخوي / الضبيب

هلابك وأقتراحك في الحسبان ...




:::::::::::::::::::::::::::::::::


النتيجه :

حصل على المركز الأول :

أثنان من المشتركين /

وهما : عذب الأوهام و محمد السهلي


صراحة يصعب التفريق بين مشاركاتهما

وزنهم رائع وقافيتهم رائعه والمعنى جزل وجميل


هنيئاً لهما

وحظاً أوفراً لمن لم يحالفه الحظ

مشاركتكم تزرع الثقه بأقلامكم وتزيد البهجه بصدورنا




جميعكم أعذروني



أعدكم بفكره جديده قريباً تحوز على رضاكم



تحياتي لكم

أخــــوكم / الكـــــايد .

[طيف الوله]

الف مليااار مبروووك

عذب الاوهااام ومحمد السهلي ما قصرتو

والبقيه ما شا الله عليهم شاركو وابدعوووووو

فالف مبروك لنا جميعاااا وجود هذه الاسماء المبدعه بيننا

[أبوعبدالرحمن]

الف الف مبرووك

والجميع ما قصروا

الله يعطيكم العافية,, ويعطيك العافية اخوي الكايد

وننتظر المسابقة بثوبها الجديد

[الجريح]

مبروووووووووووووووك للجميع

وين عنكم ويناه

انتظر المسابقه من جديد